ਵੇਖੋ ਕਿਵੇਂ ਇੱਕ ਛੋਟਾ ਜਿਹਾ ਹਾਥੀ ਦਾ ਬੱਚਾ ਸੋਸ਼ਲ ਮੀਡੀਆ 'ਤੇ ਮਚਾ ਰਿਹਾ ਹੈ ਧੂਮ

ਇੱਕ ਛੋਟਾ ਜਿਹਾ ਹਾਥੀ ਦਾ ਬੱਚਾ ਸੋਸ਼ਲ ਮੀਡੀਆ 'ਤੇ ਧੂਮ ਮਚਾ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਸਮੇਂ ਜਿਹੜਾ ਵੀਡੀਓ ਕਾਫ਼ੀ ਵਾਇਰਲ ਹੋ ਰਿਹਾ ਹੈ, ਉਸ ਵਿੱਚ ਇੱਕ ਹਾਥੀ ਦੇ ਬੱਚੇ ਨੂੰ ਪਾਣੀ ਨਾਲ ਭਰੇ ਟੱਬ ਵਿੱਚ ਨਹਾਉਂਦੇ ਹੋਏ ਦਿਖਾਇਆ ਗਿਆ ਹੈ। ਕੁੱਝ ਘੰਟੇ ਪਹਿਲਾਂ ਟਵੀਟ ਕੀਤੀ ਗਈ ਇਸ ਕਿਊਟ ਵੀਡੀਓ ਨੂੰ ਹੁਣ ਤੱਕ 16,000 ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਨੈਟਿਜਨ ਇਸ ਨੂੰ ਵੇਖ ਕੇ ਕਿੰਨਾ ਖ਼ੁਸ਼ ਹੈ।

See who is chilling in this hot summer under the watchful eyes of mother pic.twitter.com/5yBhQYj73m

— Susanta Nanda IFS (@susantananda3) April 11, 2021

ਇਸ ਵੀਡੀਓ ਨੂੰ ਵਣ ਅਧਿਕਾਰੀ ਸੁਸ਼ਾਂਤ ਨੰਦਾ ਵੱਲੋਂ ਟਵਿੱਟਰ ਰਾਹੀਂ ਪੋਸਟ ਕੀਤਾ ਗਿਆ ਹੈ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਹਾਥੀ ਦਾ ਬੱਚਾ ਕਿਵੇਂ ਪਾਣੀ ਨਾਲ ਭਰੇ ਟੱਬ ਵਿੱਚ ਛਾਲ ਮਾਰ ਰਿਹਾ ਹੈ ਅਤੇ ਗਰਮੀ ਨੂੰ ਹਰਾਉਣ ਲਈ ਇੱਕ ਠੰਢੇ ਇਸ਼ਨਾਨ ਦਾ ਅਨੰਦ ਲੈ ਰਿਹਾ ਹੈ । ਵੀਡੀਓ ਨੂੰ 250 ਤੋਂ ਵੱਧ ਰੀਟਵੀਟ ਅਤੇ 1,950 ਤੋਂ ਵੱਧ ਲਾਈਕਸ ਮਿਲੇ ਹਨ।ਵੀਡੀਓ ਵਿੱਚ, ਹਾਥੀ ਦੇ ਬੱਚੇ ਦੀ ਮਾਂ ਨੂੰ ਟੱਬ ਦੇ ਆਲ਼ੇ ਦੁਆਲੇ ਘੁੰਮਦੇ ਹੋਏ ਵੇਖਿਆ ਜਾ ਸਕਦਾ ਹੈ ਅਤੇ ਆਪਣੇ ਬੱਚੇ 'ਤੇ ਚੌਕਸ ਨਜ਼ਰ ਰੱਖਦੀ ਹੈ।

ਹਾਥੀ ਸਭ ਤੋਂ ਵੱਡੇ ਅਤੇ ਵਿਲੱਖਣ ਦਿਖਣ ਵਾਲੇ ਧਰਤੀ ਵਾਲੀਆਂ ਜੀਵਾਂ ਵਿੱਚੋਂ ਇੱਕ ਹਨ । ਤੇ ਹਾਥੀ ਇਸ਼ਨਾਨ ਕਰਨਾ ਬਹੁਤ ਪਸੰਦ ਕਰਦੇ ਹਨ ਕਿਉਂਕਿ ਉਹ ਪਾਣੀ ਦੇ ਬਹੁਤ ਸ਼ੌਕੀਨ ਹੁੰਦੇ ਹਨ। ਨੇਟੀਜ਼ਨ ਵੀ ਹਾਥੀ ਦੇ ਨਹਾਉਣ ਵਾਲੀ ਇਸ ਪਿਆਰੀ ਵੀਡੀਓ ਨੂੰ ਬਹੁਤ ਪਸੰਦ ਕਰ ਰਹੇ ਹਨ ਤੇ ਇਹ ਲਗਾਤਾਰ ਸ਼ੇਅਰ ਕੀਤੀ ਜਾ ਰਹੀ ਹੈ ।

ਇਸ ਵੀਡੀਓ ਨੂੰ ਲੈ ਕੇ ਟਵਿੱਟਰ ‘ਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕ੍ਰਿਆਵਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਕੁਝ ਇਸ ਨੂੰ ਪਿਆਰਾ ਕਹਿ ਰਹੇ ਹਨ ਤੇ ਕੁਝ ਇਸ ਨੂੰ ਕੁਦਰਤ ਦੀ ਸੁੰਦਰਤਾ ਕਹਿ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ ਕਿ ਮਾਂ ਹਾਥੀ ਨੂੰ ਆਪਣੇ ਬੱਚੇ ਦਾ ਇਸ ਤਰੀਕੇ ਨਾਲ ਸਮਰਥਨ ਕਰਦੇ ਹੋਏ ਦੇਖਣਾ ਬਹੁਤ ਖੁਸ਼ੀ ਦਾ ਪਲ ਹੈ, ਕਿਉਂਕਿ ਮਾਂ ਹਮੇਸ਼ਾਂ ਮਾਂ ਹੁੰਦੀ ਹੈ ਜੋ ਹਮੇਸ਼ਾਂ ਆਪਣੇ ਬੱਚਿਆਂ ਦੀ ਦੇਖਭਾਲ ਕਰਦੀ ਹੈ।