- News18-Punjabi
- Last Updated: April 9, 2021, 12:53 PM IST
- News18 Punjabi
ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਮਹਾਂਮਾਰੀ ਦੀ ਦੂਜੀ ਲਹਿਰ ਨੇ ਲਾਗ ਦਾ ਖ਼ਤਰਾ ਵਧਾ ਦਿੱਤਾ ਹੈ। ਅਜਿਹੀ ਸਥਿਤੀ ਵਿੱਚ, ਟੀਕਾਕਰਨ ਦਾ ਕੰਮ ਜ਼ੋਰਾਂ 'ਤੇ ਹੈ। ਬਹੁਤ ਸਾਰੇ ਦੇਸ਼ਾਂ ਵਿਚ ਸਰਕਾਰੀ ਅਤੇ ਪ੍ਰਾਈਵੇਟ ਕੰਪਨੀਆਂ ਲੋਕਾਂ ਨੂੰ ਪ੍ਰੇਰਿਤ ਕਰਨ ਲਈ ਕਈ ਤਰ੍ਹਾਂ ਦੀਆਂ ਆਕਰਸ਼ਕ ਪੇਸ਼ਕਸ਼ਾਂ ਕਰ ਰਹੀਆਂ ਹਨ। ਇਨ੍ਹਾਂ ਵਿਚ ਰੈਸਟੋਰੈਂਟਾਂ ਵਿਚ ਮੁਫਤ ਖਾਣੇ ਤੋਂ ਲੈ ਕੇ ਬੀਅਰ ਪਾਰਲਰਾਂ ਵਿਚ ਮੁਫਤ ਬੀਅਰ ਅਤੇ ਬਾਰ ਵਿਚ ਸਸਤੀ ਸ਼ਰਾਬ ਤੋਂ ਲੈਕੇ ਗਾਂਜੇ (ਭੰਗ) ਦੀਆਂ ਪੇਸ਼ਕਸ਼ਾਂ ਸ਼ਾਮਲ ਹਨ। ਮਸ਼ਹੂਰ ਕੈਬ ਸਰਵਿਸ ਕੰਪਨੀ ਉਬਰ ਨੇ ਇਕ ਵੱਡਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਦਿੱਲੀ ਵਿਚ 1.5 ਕਰੋੜ ਰੁਪਏ ਦੀ ਮੁਫਤ ਰਾਈਡ ਦਾ ਐਲਾਨ ਕੀਤਾ ਹੈ। ਇਸਦੇ ਨਾਲ ਲੋਕ ਟੀਕਾ ਲਗਾਉਣ ਲਈ ਕੈਬ ਵਿਚ ਮੁਫਤ ਸਫਰ ਕਰ ਸਕਦੇ ਹਨ। ਉਸੇ ਸਮੇਂ, ਅਮਰੀਕਾ ਦੇ ਓਹੀਓ ਵਿਚ ਮਾਰਕੀਟ ਗਾਰਡਨ ਬਰੂਅਰੀ ਨੇ ਵੈਕਸੀਨ ਲਗਾਉਣ ਵਾਲੇ ਪਹਿਲੇ 2021 ਲੋਕਾਂ ਨੂੰ ਪੰਜ ਵਾਰ ਬੀਅਰ ਪਿਆਉਣ ਦੀ ਪੇਸ਼ਕਸ਼ ਕੀਤੀ ਹੈ।
ਚੀਨ ਵਿਚ ਸਰਕਾਰ ਅਤੇ ਕੰਪਨੀਆਂ ਟੀਕਾ ਲਗਵਾਉਣ ਲਈ ਕਈ ਕਿਸਮਾਂ ਦੀਆਂ ਪੇਸ਼ਕਸ਼ਾਂ ਕਰ ਰਹੀਆਂ ਹਨ। ਹੈਨਾਨ ਪ੍ਰਾਂਤ ਦੇ ਇੱਕ ਸ਼ਹਿਰ ਵਿੱਚ ਸਥਾਨਕ ਸਰਕਾਰ ਨੇ ਵੈਕਸੀਨ ਨਾ ਲਗਵਾਉਣ ਵਾਲਿਆਂ ਨੂੰ ਨੌਕਰੀ ਤੋਂ ਕੱਢਣ ਦੀ ਚਿਤਾਵਨੀ ਦਿੱਤੀ ਹੈ। ਇਸ ਦੇ ਨਾਲ ਹੀ ਬੱਚਿਆਂ ਦੀ ਪੜ੍ਹਾਈ ਅਤੇ ਘਰ ਖੋਹਣ ਦੀ ਧਮਕੀ ਦਿੱਤੀ ਹੈ।
ਅਮਰੀਕਾ ਵਿਚ ਮੈਕ ਡੋਨਾਲਡ, AT&T, ਇੰਸਾਕਾਰਟ, ਟਾਰਗੇਟ, ਟ੍ਰੇਡਰ ਜੋਸ, ਕੋਬਾਨੀ ਵਰਗੀਆਂ ਕੰਪਨੀਆਂ ਨੇ ਆਪਣੇ ਅਮਲੇ ਨੂੰ ਟੀਕਾ ਲਗਾਉਣ ਉਤੇ ਛੁੱਟੀ ਅਤੇ ਨਕਦੀ ਦੇਣ ਦਾ ਐਲਾਨ ਕੀਤਾ ਹੈ। ਕਰਮਚਾਰੀਆਂ ਨੂੰ ਟੀਕਾ ਕੇਂਦਰ ਵਿਖੇ ਜਾਣ ਲਈ 30 ਡਾਲਰ ਯਾਨੀ ਤਕਰੀਬਨ 2200 ਰੁਪਏ ਤਕ ਦਾ ਕਿਰਾਇਆ ਦੇਣ ਦਾ ਐਲਾਨ ਵੀ ਕੀਤਾ ਹੈ।
ਅਮਰੀਕਾ ਦੀ ਮਸ਼ਹੂਰ ਡੋਨਟ ਕੰਪਨੀ ਕ੍ਰਿਸਪੀ ਕਰੀਮ ਨੇ ਟੀਕਾ ਲਗਵਾਉਣ ਵਾਲਿਆਂ ਨੂੰ 2021 ਤੱਕ ਹਰ ਰੋਜ਼ ਮੁਫਤ ਵਿਚ ਡੋਨਟ ਖਵਾਉਣ ਦੀ ਪੇਸ਼ਕਸ਼ ਕੀਤੀ ਹੈ। ਇਸਦੇ ਲਈ ਲੋਕਾਂ ਨੂੰ ਸਿਰਫ ਮਾਡਰੇਨਾ, ਫਾਈਜ਼ਰ ਜਾਂ ਜੌਹਨਸਨ ਅਤੇ ਜਾਨਸਨ ਟੀਕਾ ਲਗਵਾਉਣ ਦਾ ਕਾਰਡ ਦਿਖਾਉਣਾ ਹੈ।
ਅਮਰੀਕਾ ਤੇ ਹੋਰ ਦੇਸ਼ਾਂ ਵਿੱਚ ਕਾਰੋਬਾਰ ਕਰ ਰਹੀ ਕੰਪਨੀ ਮਾਰਕੀਟ ਗਾਰਡਨ ਬਰੂਅਰੀ ਨੇ ਵੈਕਸੀਨ ਲਗਵਾਉਣ ਵਾਲੇ ਪਹਿਲੇ 2021 ਲੋਕਾਂ ਨੂੰ 5 ਵਾਰ ਮੁਫਤ ਵਿੱਚ ਬੀਅਰ ਪੀਣ ਦੀ ਪੇਸ਼ਕਸ਼ ਕੀਤੀ ਹੈ।
ਇਸੇ ਤਰ੍ਹਾਂ ਮਿਸ਼ੀਗਨ ਵਿਚ ਮੈਡੀਕਲ ਮਾਰਿਜੁਆਨਾ ਵੇਚਣ ਵਾਲੀ ਇਕ ਕੰਪਨੀ ਨੇ ਟੀਕਾ ਲਗਵਾਉਣ ਵਾਲੇ ਲੋਕਾਂ ਨੂੰ ਮੁਫਤ ਰੋਲਡ ਜੁਆਇੰਟ (ਭੰਗ) ਦੇਣ ਦਾ ਵਾਅਦਾ ਕੀਤਾ ਹੈ।