ਬੈਂਕ ਆਫ਼ ਬੜੌਦਾ ਨੇ ਰਿਟੇਲ ਟਰਮ ਡਿਪਾਜ਼ਿਟ 'ਤੇ 0.25% ਦਾ ਕੀਤਾ ਵਾਧਾ, ਜਾਣੋ ਕਿੰਨਾ ਹੋਵੇਗਾ ਲਾਭ

ਜਨਤਕ ਖੇਤਰ ਦੇ ਬੈਂਕ ਆਫ ਬੜੌਦਾ ਨੇ ਘਰੇਲੂ ਰਿਟੇਲ ਟਰਮ ਡਿਪਾਜ਼ਿਟ 'ਤੇ ਵਿਆਜ ਦਰਾਂ 'ਚ 25 ਆਧਾਰ ਅੰਕਾਂ ਦਾ ਵਾਧਾ ਕੀਤਾ ਹੈ। ਬੈਂਕ ਨੇ ਚੋਣਵੀਆਂ ਮਿਆਦੀ ਡਿਪਾਜ਼ਿਟ ਰਕਮਾਂ 'ਤੇ ਵਿਆਜ ਦਰਾਂ ਵਧਾ ਦਿੱਤੀਆਂ ਹਨ। ਜਿਨ੍ਹਾਂ ਡਿਪਾਜ਼ਿਟਾਂ 'ਤੇ ਵਿਆਜ ਦਰਾਂ ਵਧੀਆਂ ਹਨ, ਉਨ੍ਹਾਂ ਵਿੱਚ NRO (ਨਾਨ ਰੈਜ਼ੀਡੈਂਟ ਆਰਡੀਨਰੀ ਅਕਾਊਂਟ) ਅਤੇ NRE (ਨਾਨ ਰੈਜ਼ੀਡੈਂਟ ਐਕਸਟਰਨਰੀ) ਟਰਮ ਡਿਪਾਜ਼ਿਟ ਸ਼ਾਮਲ ਹਨ। ਬੈਂਕ ਨੇ ਇਕ ਬਿਆਨ 'ਚ ਕਿਹਾ ਕਿ ਇਹ ਦਰਾਂ 2 ਕਰੋੜ ਰੁਪਏ ਤੋਂ ਘੱਟ ਡਿਪਾਜ਼ਿਟ 'ਤੇ ਲਾਗੂ ਹੋਣਗੀਆਂ। ਨਵੀਆਂ ਦਰਾਂ 17 ਮਾਰਚ 2023 ਤੋਂ ਲਾਗੂ ਹੋ ਗਈਆਂ ਹਨ।

ਆਓ ਜਾਣਦੇ ਹਾਂ ਕਿ ਹੁਣ ਕਿੰਨੀ ਹੋਵੇਗੀ ਵਿਆਜ ਦਰ: ਤਿੰਨ ਸਾਲ ਤੋਂ ਪੰਜ ਸਾਲ ਦੀ ਮਿਆਦ ਲਈ ਡਿਪਾਜ਼ਿਟ 'ਤੇ ਵਿਆਜ ਦਰ ਹੁਣ 6.5 ਫੀਸਦੀ ਹੋਵੇਗੀ। ਜਦੋਂ ਕਿ ਭਾਰਤੀ ਸੀਨੀਅਰ ਸਿਟੀਜ਼ਨ ਦੇ ਮਾਮਲੇ ਵਿਚ ਇਹ ਦਰ 7.15 ਫੀਸਦੀ ਹੈ। ਪੰਜ ਸਾਲ ਤੋਂ ਦਸ ਸਾਲ ਤੱਕ ਦੀ ਮਿਆਦੀ ਡਿਪਾਜ਼ਿਟ 'ਤੇ ਵਿਆਜ ਦਰ 6.5 ਫੀਸਦੀ ਹੋਵੇਗੀ ਜਦਕਿ ਸੀਨੀਅਰ ਸਿਟੀਜ਼ਨ ਲਈ ਇਹ ਵਿਆਜ ਦਰ 7.5 ਫੀਸਦੀ ਹੋਵੇਗੀ।

ਇਨ੍ਹਾਂ ਸਕੀਮਾਂ ਦੀਆਂ ਵਿਆਜ ਦਰਾਂ ਵੀ ਵਧੀਆਂ ਹਨ: ਤੁਹਾਨੂੰ ਦਸ ਦੇਈਏ ਕਿ ਬੜੌਦਾ ਟੈਕਸ ਸੇਵਿੰਗ ਟਰਮ ਡਿਪਾਜ਼ਿਟ ਦੇ ਨਾਲ-ਨਾਲ ਬੜੌਦਾ ਐਡਵਾਂਟੇਜ ਫਿਕਸਡ ਡਿਪਾਜ਼ਿਟ, ਜੋ ਕਿ ਇੱਕ ਨਾਨ-ਕਾਲੇਬਲ ਰਿਟੇਲ ਟਰਮ ਡਿਪਾਜ਼ਿਟ ਸਕੀਮ ਹੈ, ਦੀਆਂ ਵਿਆਜ ਦਰਾਂ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਬੈਂਕ ਆਫ ਬੜੌਦਾ ਨੇ ਇਸ ਤੋਂ ਪਹਿਲਾਂ ਦਸੰਬਰ 2022 'ਚ ਸਬੰਧਤ ਮਿਆਦੀ ਡਿਪਾਜ਼ਿਟ 'ਤੇ ਵਿਆਜ ਦਰ 'ਚ 65 ਆਧਾਰ ਅੰਕ ਅਤੇ ਨਵੰਬਰ 2022 'ਚ 100 ਆਧਾਰ ਅੰਕਾਂ ਦਾ ਵਾਧਾ ਕੀਤਾ ਸੀ।

ਦੱਸ ਦੇਈਏ ਕਿ ਮਈ 2022 ਤੋਂ ਫਰਵਰੀ 2023 ਤੱਕ ਆਰਬੀਆਈ ਨੇ ਰੈਪੋ ਰੇਟ ਵਿੱਚ 2.50 ਫੀਸਦੀ ਦਾ ਵਾਧਾ ਕੀਤਾ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ RBI ਅਪ੍ਰੈਲ MPC ਨੂੰ 0.25 ਫੀਸਦੀ ਵਧਾ ਸਕਦਾ ਹੈ। ਇਸ ਨਾਲ ਵਿਆਜ ਦਰਾਂ ਉੱਤੇ ਮੁੜ ਅਸਰ ਪੈਣ ਦੀ ਸੰਭਾਵਨਾ ਲਗਾਈ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਦਸ ਦੇਈਏ ਕਿ ਬੈਂਕ ਆਫ ਬੜੌਦਾ ਤੋਂ FD ਵਿਆਜ ਦਰਾਂ 'ਚ 25 ਬੇਸਿਸ ਪੁਆਇੰਟ ਜਾਂ 0.25 ਫੀਸਦੀ ਦਾ ਵਾਧਾ ਕੀਤਾ ਗਿਆ ਸੀ। ਇਹ ਵਾਧਾ ਦੋ ਕਰੋੜ ਤੋਂ ਘੱਟ ਦੀ ਐਫਡੀ 'ਤੇ ਕੀਤਾ ਗਿਆ ਹੈ। ਇਸ ਤੋਂ ਬਾਅਦ ਬੈਂਕ ਵੱਲੋਂ ਆਮ ਨਿਵੇਸ਼ਕਾਂ ਨੂੰ ਵੱਖ-ਵੱਖ ਮਿਆਦਾਂ ਦੀ ਐੱਫ.ਡੀ. 'ਤੇ 3.00 ਫੀਸਦੀ ਤੋਂ ਵੱਧ ਤੋਂ ਵੱਧ 7.05 ਫੀਸਦੀ ਤੱਕ ਦਾ ਵਿਆਜ ਦਿੱਤਾ ਜਾ ਰਿਹਾ ਹੈ