ਸਰਕਾਰ ਲਿਆਈ ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ, ਜਾਣੋ, ਕੀ ਇਹ FD ਤੋਂ ਬਿਹਤਰ ਹੈ ?

Mahila Samman Savings Certificate: ਸਰਕਾਰ ਆਮ ਲੋਕਾਂ ਲਈ ਸਮੇਂ-ਸਮੇਂ ਉੱਤੇ ਸਕੀਮਾਂ ਲਾਂਚ ਕਰਦੀ ਰਹਿੰਦੀ ਹੈ। ਇਸ ਵਾਰ ਬਜਟ ਵਿੱਚ ਔਰਤਾਂ ਲਈ ‘ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ’ ਸਕੀਮ ਪੇਸ਼ ਕੀਤੀ ਗਈ ਹੈ। ਇਸ ਬੱਚਤ ਸਕੀਮ ਰਾਹੀਂ ਔਰਤਾਂ ਅਤੇ ਲੜਕੀਆਂ ਨੂੰ ਕਈ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਰਾਹੀਂ ਪੇਂਡੂ ਖੇਤਰਾਂ ਦੀਆਂ ਔਰਤਾਂ ਨੂੰ ਆਰਥਿਕ ਤੌਰ 'ਤੇ ਮਜ਼ਬੂਤ ​​ਕੀਤਾ ਜਾਵੇਗਾ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਕੀ ਦੇਸ਼ ਦੀਆਂ ਔਰਤਾਂ ਲਈ ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਸਕੀਮ ਵਿੱਚ ਨਿਵੇਸ਼ ਕਰਨਾ ਸਹੀ ਹੋਵੇਗਾ ਜਾਂ ਬੈਂਕ ਐਫਡੀ ਵਿੱਚ ਨਿਵੇਸ਼ ਕਰਨਾ ਵਧੇਰੇ ਲਾਹੇਵੰਦ ਹੋਵੇਗਾ, ਜਿਸ 'ਤੇ ਜ਼ਿਆਦਾ ਵਿਆਜ ਮਿਲ ਰਿਹਾ ਹੈ।

ਇਹ ਇੱਕ ਵਨ ਟਾਈਮ ਸੇਵਿੰਗ ਸਕੀਮ ਹੈ। ਮਹਿਲਾ ਸਨਮਾਨ ਬਚਤ ਪੱਤਰ ਦੇ ਤਹਿਤ, ਔਰਤਾਂ ਅਤੇ ਲੜਕੀਆਂ ਨੂੰ ਛੋਟੀਆਂ ਬੱਚਤ ਯੋਜਨਾਵਾਂ ਵਿੱਚ ਇੱਕਮੁਸ਼ਤ ਰਕਮ ਜਮ੍ਹਾਂ ਕਰਾਉਣ ਦੀ ਸਹੂਲਤ ਮਿਲਦੀ ਹੈ। ਇਸ ਸਕੀਮ ਦੀ ਮਿਆਦ 2 ਸਾਲ ਰੱਖੀ ਗਈ ਹੈ। ਇਹ ਡਿਪੋਜ਼ਿਟ ਔਰਤ ਜਾਂ ਬੱਚੀ ਦੇ ਨਾਂ 'ਤੇ ਕੀਤਾ ਜਾ ਸਕਦਾ ਹੈ। ਇਸ ਜਿਪੋਜ਼ਿਟ ਲਈ ਵੱਧ ਤੋਂ ਵੱਧ ਰਕਮ 2 ਲੱਖ ਰੁਪਏ ਰੱਖੀ ਗਈ ਹੈ। ਇਸ 'ਚ 7.5 ਫੀਸਦੀ ਵਿਆਜ ਦਿੱਤਾ ਜਾਂਦਾ ਹੈ।

ਭਾਰਤ ਸਰਕਾਰ ਨੇ ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਸਕੀਮ ਵਿੱਚੋਂ ਪਹਿਲਾਂ ਕੁੱਝ ਪੈਸੇ ਕੱਢਵਾਉਣ ਦੀ ਸਹੂਲਤ ਦਿੱਤੀ ਹੈ। ਸਰਕਾਰ ਵੱਲੋਂ ਅਜੇ ਤੱਕ ਇਸ ਸਕੀਮ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਹਨ। ਹਾਲਾਂਕਿ, ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਇਹ ਸਕੀਮ 1 ਅਪ੍ਰੈਲ, 2023 ਤੋਂ ਕਿਸੇ ਵੀ ਸਰਕਾਰੀ ਬੈਂਕਾਂ ਵਿੱਚ ਖੋਲ੍ਹੀ ਜਾ ਸਕਦੀ ਹੈ। ਦੇਸ਼ ਦੇ ਪ੍ਰਮੁੱਖ ਬੈਂਕਾਂ ਜਿਵੇਂ ਕਿ ਸਟੇਟ ਬੈਂਕ ਆਫ ਇੰਡੀਆ (ਐਸਬੀਆਈ), ਐਕਸਿਸ ਬੈਂਕ, ਐਚਡੀਐਫਸੀ, ਆਈਸੀਆਈਸੀਆਈ ਅਤੇ ਕੋਟਕ ਵਰਗੇ ਬੈਂਕਾਂ ਨੂੰ ਇਸ ਸਮੇਂ ਦੌਰਾਨ 3% ਤੋਂ 6.35% ਤੱਕ ਵਿਆਜ ਮਿਲ ਰਿਹਾ ਹੈ।

2 ਸਾਲਾਂ ਦੀ ਮਿਆਦ ਲਈ, SBI ਦੀ FD ਵਿਆਜ ਦਰ 6.75%, ਐਕਸਿਸ ਬੈਂਕ FD 7.26%, HDFC ਬੈਂਕ 7%, ICICI ਬੈਂਕ 7% ਅਤੇ ਕੋਟਕ ਬੈਂਕ ਦੀ ਐਫਡੀ ਦੀ ਵਿਆਜ ਦਰ 6.75% ਹੈ। ਮਹਿਲਾ ਸਨਮਾਨ ਬੱਚਤ ਪੱਤਰ ਦੇ ਤਹਿਤ ਇਕਮੁਸ਼ਤ ਜਮ੍ਹਾਂ ਸਹੂਲਤ 2023 ਅਤੇ 2025 ਦੇ ਵਿਚਕਾਰ ਦੋ ਸਾਲਾਂ ਦੀ ਮਿਆਦ ਲਈ ਹੋਵੇਗੀ।