Financial Anxiety: ਸਾਲ 2023 'ਚ ਨਿਵੇਸ਼ਕਾਂ ਨੂੰ ਹੋ ਰਹੀ ਨਿਵੇਸ਼ ਨੂੰ ਲੈ ਕੇ ਘਬਰਾਹਟ, ਕੰਮ ਆਉਣਗੇ ਇਹ Tips 

ਸਾਲ 2022 'ਚ ਪੂੰਜੀ ਬਾਜ਼ਾਰ 'ਚ ਕਾਫੀ ਉਤਾਰ-ਚੜਾਅ ਦੇਖਣ ਨੂੰ ਮਿਲੇ, ਜੋ ਨਿਵੇਸ਼ਕਾਂ ਲਈ ਚਿੰਤਾ ਦਾ ਵਿਸ਼ਾ ਰਹੇ ਸਨ। ਹਾਲਾਂਕਿ, ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਸਾਲ 2023 ਬਿਹਤਰ ਰਹੇਗਾ ਅਤੇ ਇਸ ਸਾਲ ਨਿਵੇਸ਼ਕ ਆਪਣੇ ਵਿੱਤ ਨੂੰ ਲੈ ਕੇ ਘੱਟ ਚਿੰਤਤ ਹੋਣਗੇ। ਨਿਵੇਸ਼ ਕਰਦੇ ਹੋਏ ਜੇ ਤੁਸੀਂ ਘਬਰਾਹਟ ਵਿੱਚ ਗਲਤ ਫੈਸਲਾ ਲੈ ਲਿਆ ਤਾਂ ਇਸ ਦਾ ਤੁਹਾਨੂੰ ਬਹੁਤ ਨੁਕਸਾਨ ਹੋ ਸਕਦਾ ਹੈ। ਹਾਲਾਂਕਿ, ਇਸ ਦੌਰਾਨ, ਬਹੁਤ ਸਾਰੇ ਨਿਵੇਸ਼ਕ ਨਿਵੇਸ਼ ਬਾਰੇ ਆਪਣੀਆਂ ਚਿੰਤਾਵਾਂ ਨੂੰ ਘਟਾਉਣ ਦੇ ਤਰੀਕੇ ਵੀ ਲੱਭ ਰਹੇ ਹਨ। ਜੇਕਰ ਤੁਸੀਂ ਆਪਣੀਆਂ ਵਿੱਤੀ ਚਿੰਤਾਵਾਂ ਨੂੰ ਘੱਟ ਕਰਨਾ ਚਾਹੁੰਦੇ ਹੋ ਤਾਂ ਸਭ ਤੋਂ ਪਹਿਲਾਂ ਸਾਨੂੰ ਉਨ੍ਹਾਂ ਸਰੋਤਾਂ ਦੀ ਪਛਾਣ ਕਰਨ ਦੀ ਲੋੜ ਹੈ। ਤਾਂ ਜੋ ਸਾਡਾ ਤਣਾਅ ਘੱਟ ਹੋ ਸਕੇ। ਪਿਛਲੇ ਸਾਲਾਂ ਵਿੱਚ ਨਿਵੇਸ਼ਕਾਂ ਦੇ ਰੁਝਾਨ ਵਿੱਚ, ਇਹ ਦੇਖਿਆ ਗਿਆ ਹੈ ਕਿ ਚਿੰਤਾ ਮੁੱਖ ਤੌਰ 'ਤੇ ਨਿਵੇਸ਼ਕ ਦੇ ਵਿਵਹਾਰ ਤੋਂ ਸ਼ੁਰੂ ਹੁੰਦੀ ਹੈ। ਜਿਵੇਂ ਕਿ ਸਿਰਫ ਇੱਕ ਸਿੰਗਲ ਵਿਕਲਪ 'ਤੇ ਹੀ ਫੋਕਸ ਕਰਨਾ ਤੇ ਪ੍ਰਕਿਰਿਆਵਾਂ 'ਤੇ ਧਿਆਨ ਨਾ ਦੇਣਾ।

ਬਹੁਤ ਸਾਰੇ ਨਿਵੇਸ਼ਕ ਜੋ ਵਿੱਤੀ ਚਿੰਤਾ ਤੋਂ ਪ੍ਰੇਸ਼ਾਨ ਹਨ: ਇਸ ਦੇ ਪਿੱਛੇ ਮੁੱਖ ਕਾਰਨ ਇਹ ਹੈ ਕਿ ਉਹ ਵਾਰ-ਵਾਰ ਮਾਰਕੀਟ ਬਾਰੇ ਅਨੁਮਾਨਾਂ ਨੂੰ ਸੁਣਨ ਅਤੇ ਸਮਝਣ ਵਿੱਚ ਸਮਾਂ ਬਰਬਾਦ ਕਰ ਰਹੇ ਹਨ। ਮਾਰਕੀਟ ਦਾ ਸਮਾਂ ਨਿਰਧਾਰਤ ਕਰਨਾ ਜਾਂ ਇਸ ਨੂੰ ਨਿਰੰਤਰ ਰੱਖਣਾ ਇੱਕ ਅਸੰਭਵ ਕੰਮ ਹੈ। ਇਸ ਦੀ ਬਜਾਏ, ਨਿਵੇਸ਼ਕ ਐਸੇਟ ਐਲੋਕੇਸ਼ਨ ਅਤੇ ਵਿਭਿੰਨਤਾ ਦੇ ਨਿਯਮਾਂ ਦੀ ਪਾਲਣਾ ਕਰਕੇ ਮਾਰਕੀਟ ਜੋਖਮ ਨੂੰ ਘਟਾ ਸਕਦੇ ਹਨ। ਜੇਕਰ ਤੁਸੀਂ ਬਜ਼ਾਰ ਵਿੱਚ ਨਿਵੇਸ਼ ਕਰਨ ਦਾ ਮਨ ਬਣਾਉਂਦੇ ਹੋ, ਤਾਂ ਯਕੀਨੀ ਤੌਰ 'ਤੇ ਕਿਸੇ ਹੁਨਰਮੰਦ ਵਿੱਤੀ ਸਲਾਹਕਾਰ ਦੀ ਸਲਾਹ ਲਓ। ਕਿਸੇ ਵਿੱਤੀ ਸਲਾਹਕਾਰ ਦੀ ਮਦਦ ਲਓ ਅਤੇ ਆਪਣੀਆਂ ਜ਼ਰੂਰਤਾਂ ਦੇ ਅਨੁਸਾਰ ਨਿਵੇਸ਼ ਦਾ ਫੈਸਲਾ ਲਓ। ਹੋਰ ਚੀਜ਼ਾਂ ਬਾਰੇ ਬਹੁਤ ਜ਼ਿਆਦਾ ਚਿੰਤਾ ਨਾ ਕਰੋ। ਉਦਾਹਰਨ ਲਈ, ਵਿਆਜ ਦਰਾਂ, ਮਹਿੰਗਾਈ, ਕੱਚੇ ਤੇਲ ਦੀਆਂ ਕੀਮਤਾਂ ਵਰਗੇ ਵਿਸ਼ਾਲ ਆਰਥਿਕ ਕਾਰਕ ਕਿਸੇ ਦੇ ਕਾਬੂ ਵਿੱਚ ਨਹੀਂ ਹਨ, ਇਸ ਲਈ ਇਨ੍ਹਾਂ ਨੂੰ ਲੈ ਕੇ ਚਿੰਤਾ ਕਰਨਾ ਸਮਾਂ ਬਰਬਾਦ ਕਰਨ ਵਰਗਾ ਹੈ।

ਹਰ ਕਿਸੇ ਦੇ ਵਿੱਤੀ ਟੀਚੇ ਵੱਖਰੇ ਹੁੰਦੇ ਹਨ: ਕੋਈ ਵੀ ਵਿੱਤੀ ਚਿੰਤਾ ਨੂੰ ਪੂਰੀ ਤਰ੍ਹਾਂ ਘੱਟ ਨਹੀਂ ਕਰ ਸਕਦਾ ਕਿਉਂਕਿ ਹਰ ਕਿਸੇ ਦੇ ਵਿੱਤੀ ਟੀਚੇ ਵੱਖਰੇ-ਵੱਖਰੇ ਹੁੰਦੇ ਹਨ। ਜੇਕਰ ਤੁਸੀਂ ਇਸ ਗੱਲ ਨੂੰ ਸਮਝ ਕੇ ਮੰਨ ਲਓ ਤਾਂ ਤਣਾਅ ਘੱਟ ਹੋ ਸਕਦਾ ਹੈ। ਵਿੱਤੀ ਚੁਣੌਤੀਆਂ ਨੂੰ ਬਿਹਤਰ ਤਰੀਕੇ ਨਾਲ ਘਟਾਉਣ ਲਈ ਯਤਨ ਕੀਤੇ ਜਾਣੇ ਚਾਹੀਦੇ ਹਨ। ਇਸ ਦੇ ਲਈ ਸਾਡੀ ਵਿੱਤੀ ਯੋਜਨਾ ਸੋਚ ਸਮਝ ਕੇ ਕੀਤੀ ਜਾਣੀ ਚਾਹੀਦੀ ਹੈ ਜੋ ਘਰੇਲੂ ਬਜਟ, ਸੁਰੱਖਿਆ, ਐਮਰਜੈਂਸੀ ਬੱਚਤ ਅਤੇ ਫਿਰ ਨਿਵੇਸ਼ ਦੇ ਸਹੀ ਕ੍ਰਮ ਦੀ ਪਾਲਣਾ ਕਰਦੀ ਹੈ।ਅਸੀਂ ਲੰਬੇ ਸਮੇਂ ਦੇ ਨਿਵੇਸ਼ ਦੁਆਰਾ ਵੀ ਜੋਖਮ ਨੂੰ ਘਟਾ ਸਕਦੇ ਹਾਂ।

ਐਸੇਟ ਐਲੋਕੇਸ਼ਨ ਤੇ ਡਾਏਵਰਸੀਫਿਕੇਸ਼ਨ ਦਾ ਰਾਹ ਅਪਣਾਓ : ਨਿਵੇਸ਼ਕਾਂ ਨੂੰ ਫਾਈਨਾਂਸ ਤੇ ਨਿਵੇਸ਼ ਨਾਲ ਸਬੰਧਤ ਜੋਖਮ ਨੂੰ ਘਟਾਉਣ ਲਈ ਵੱਖ-ਵੱਖ ਐਸੇਟ ਸ਼੍ਰੇਣੀਆਂ ਵਿੱਚ ਨਿਵੇਸ਼ ਕਰਕੇ ਆਪਣੇ ਪੋਰਟਫੋਲੀਓ ਵਿੱਚ ਡਾਏਵਰਸੀਫਿਕੇਸ਼ਨ ਕਰਨੀ ਚਾਹੀਦੀ ਹੈ। 7 ਪ੍ਰਮੁੱਖ ਸੰਪੱਤੀ ਸ਼੍ਰੇਣੀਆਂ ਇਕੁਇਟੀ, ਡੈਟ, ਸੋਨਾ, ਕਮੋਡਿਟੀ, ਕਰੰਸੀ, ਰੀਅਲ ਅਸਟੇਟ ਅਤੇ ਅਲਟਰਨੇਟਿਵ ਵਿਕਲਪ ਹਨ। ਇਹ ਮਹੱਤਵਪੂਰਨ ਹੈ ਕਿਉਂਕਿ ਇਹ ਕਿਸੇ ਦੇ ਸਮੁੱਚੇ ਪੋਰਟਫੋਲੀਓ ਵਿੱਚ ਨੁਕਸਾਨ ਦੇ ਜੋਖਮ ਨੂੰ ਘਟਾਉਣ ਵਿੱਚ ਮਦਦ ਕਰ ਸਕਦਾ ਹੈ।