ਬਿਨਾਂ ਡੈਬਿਟ ਕਾਰਡ ਦੇ ਵੀ ਕਢਵਾਏ ਜਾ ਸਕਦੇ ਹਨ ਏਟੀਐਮ ਵਿੱਚੋਂ ਪੈਸੇ, ਜਾਣੋ ਕਿਵੇਂ

ਕਈ ਵਾਰ ਇੰਝ ਹੁੰਦਾ ਹੈ ਕਿ ਤੁਸੀਂ ਕਿਤੇ ਗਏ ਹੋਵੋ ਤੇ ਉੱਥੇ ਤੁਹਾਨੂੰ ਕੈਸ਼ ਦੀ ਜ਼ਰੂਰਤ ਪਵੇ, ਇਸ ਦੌਰਾਨ ਜੇ ਤੁਸੀਂ ਡੈਬਿਟ ਕਾਰਡ ਲੈ ਕੇ ਗਏ ਹੋ ਤਾਂ ਕੰਮ ਆਸਾਨ ਹੋ ਜਾਂਦਾ ਹੈ ਪਰ ਬਿਨਾਂ ਡੈਬਿਟ ਕਾਰਡਦੇ ਦਿੱਕਤਾਂ ਹੋਰ ਵੀ ਵੱਧ ਜਾਂਦੀਆਂ ਹਨ। ਹਾਲਾਂਕਿ, ਵਧਦੀ ਟੈਕਨਾਲੋਜੀ ਦੇ ਨਾਲ, ਤੁਸੀਂ ਬਿਨਾਂ ਕਾਰਡ ਦੇ ਵੀ ATM ਮਸ਼ੀਨ ਤੋਂ ਪੈਸੇ ਕਢਵਾ ਸਕਦੇ ਹੋ। ਜੇਕਰ ਤੁਸੀਂ ਕਦੇ ਵੀ ਆਪਣਾ ਏਟੀਐਮ ਕਾਰਡ ਘਰ ਭੁੱਲ ਗਏ ਹੋ, ਤਾਂ ਤੁਸੀਂ ਆਸਾਨੀ ਨਾਲ ਏਟੀਐਮ ਤੋਂ ਪੈਸੇ ਕਢਵਾ ਸਕਦੇ ਹੋ।

ਜੇਕਰ ਤੁਸੀਂ BHIM, Paytm, PhonePe, Google Pay, Amazon Pay ਵਰਗੀਆਂ UPI ਐਪਸ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਬਿਨਾਂ ਡੈਬਿਟ ਕਾਰਡ ਦੇ ATM ਤੋਂ ਆਸਾਨੀ ਨਾਲ ਪੈਸੇ ਕਢਵਾ ਸਕਦੇ ਹੋ। ਹਾਲਾਂਕਿ, ਯੂਪੀਆਈ ਦੁਆਰਾ ਕਾਰਡ ਰਹਿਤ ਨਕਦ ਨਿਕਾਸੀ ਦੀ ਸਹੂਲਤ ਫ਼ਿਲਹਾਲ ਸਿਰਫ਼ ਚੋਣਵੇਂ ਬੈਂਕ ਏਟੀਐਮ ਵਿੱਚ ਉਪਲਬਧ ਹੈ। ਇਨ੍ਹਾਂ ਵਿੱਚ ਭਾਰਤੀ ਸਟੇਟ ਬੈਂਕ, ਪੰਜਾਬ ਨੈਸ਼ਨਲ ਬੈਂਕ, ਐਚਡੀਐਫਸੀ ਬੈਂਕ ਦੇ ਏ.ਟੀ.ਐਮ ਸ਼ਾਮਲ ਹਨ।

ਦੱਸ ਦੇਈਏ ਕਿ UPI ਇੱਕ ਰੀਅਲ ਟਾਈਮ ਭੁਗਤਾਨ ਪ੍ਰਣਾਲੀ ਹੈ, ਜੋ ਇੱਕ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ ਵਿੱਚ ਤੁਰੰਤ ਪੈਸੇ ਟਰਾਂਸਫ਼ਰ ਕਰਨ ਦੀ ਸਹੂਲਤ ਦਿੰਦੀ ਹੈ। ਖ਼ਾਸ ਗੱਲ ਇਹ ਹੈ ਕਿ UPI ਰਾਹੀਂ ਤੁਸੀਂ ਦਿਨ ਜਾਂ ਰਾਤ ਕਿਸੇ ਵੀ ਸਮੇਂ ਪੈਸੇ ਟਰਾਂਸਫ਼ਰ ਕਰ ਸਕਦੇ ਹੋ। UPI ਰਾਹੀਂ, ਤੁਸੀਂ ਇੱਕ ਬੈਂਕ ਖਾਤੇ ਨੂੰ ਕਈ UPI ਐਪਸ ਨਾਲ ਲਿੰਕ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ, ਇੱਕ UPI ਐਪ ਰਾਹੀਂ ਕਈ ਬੈਂਕ ਖਾਤੇ ਚਲਾਏ ਜਾ ਸਕਦੇ ਹਨ। ਖ਼ਾਸ ਗੱਲ ਇਹ ਹੈ ਕਿ UPI ਤੁਹਾਨੂੰ ਪੈਸੇ ਟਰਾਂਸਫ਼ਰ ਦੀ ਸਹੂਲਤ ਦਿੰਦਾ ਹੈ।

UPI ਐਪ ਰਾਹੀਂ ATM ਕੈਸ਼ ਕਢਵਾਉਣ ਦਾ ਤਰੀਕਾ :

> ATM ਮਸ਼ੀਨ 'ਤੇ ਜਾਣ ਤੋਂ ਬਾਅਦ ਸਕਰੀਨ 'ਚ ਕੈਸ਼ ਨਿਕਾਸੀ ਦਾ ਵਿਕਲਪ ਚੁਣੋ।

> ਹੁਣ ਸਕਰੀਨ ਵਿੱਚ UPI ਦਾ ਵਿਕਲਪ ਚੁਣੋ।

> ਇਸ ਤੋਂ ਬਾਅਦ ਇੱਕ QR ਕੋਡ ਆਵੇਗਾ।

> ਆਪਣੇ ਮੋਬਾਈਲ ਵਿੱਚ UPI ਐਪ ਖੋਲ੍ਹੋ ਅਤੇ QR ਕੋਡ ਨੂੰ ਸਕੈਨ ਕਰੋ।

> ਹੁਣ ਰਕਮ ਦਰਜ ਕਰੋ।

> UPI PIN ਦਰਜ ਕਰੋ ਅਤੇ ਫਿਰ Proceed 'ਤੇ ਟੈਪ ਕਰੋ।

> ਹੁਣ ਤੁਹਾਨੂੰ ਏ.ਟੀ.ਐਮ ਮਸ਼ੀਨ ਤੋਂ ਕੈਸ਼ ਮਿਲੇਗਾ।

>ਇਸ ਸਹੂਲਤ ਰਾਹੀਂ ਤੁਸੀਂ ਇੱਕ ਵਾਰ ਵਿੱਚ ਵੱਧ ਤੋਂ ਵੱਧ 5000 ਰੁਪਏ ਕਢਵਾ ਸਕਦੇ ਹੋ।