ਭਾਰਤ ਵਿੱਚ ਅਜੇ ਵੀ ਨਹੀਂ ਹੈ ਨੌਕਰੀਆਂ ਦੀ ਘਾਟ, ਇਸ ਖੇਤਰ ਵਿੱਚ ਹੋ ਰਹੀ ਹੈ ਚੰਗੀ ਭਰਤੀ

Jobs in India: ਦੁਨੀਆਂ ਭਰ ਵਿੱਚ ਪਿਛਲੇ ਸਾਲ ਤੋਂ ਹੀ ਵੱਡੀਆਂ ਕੰਪਨੀਆਂ ਆਪਣੇ ਕਰਮਚਾਰੀਆਂ ਦੀ ਛਾਂਟੀ ਕਰ ਰਹੀਆਂ ਹਨ ਅਤੇ ਇਸ ਨਵੇਂ ਸਾਲ ਦੀ ਸ਼ੁਰੂਆਤ ਵਿੱਚ ਹੀ ਹਜ਼ਾਰਾਂ ਕਰਮਚਾਰੀਆਂ ਦੀਆਂ ਨੌਕਰੀਆਂ ਗਈਆਂ ਹਨ। ਇਹਨਾਂ ਵਿੱਚ Google, Facebook, Twitter ਅਤੇ Amazon ਆਦਿ ਵਰਗੀਆਂ ਵੱਡੀਆਂ ਕੰਪਨੀਆਂ ਹਨ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੇ ਬਾਵਜੂਦ ਵੀ ਮੈਡੀਕਲ, ਭੋਜਨ ਸੇਵਾ, ਉਸਾਰੀ ਅਤੇ ਸਿੱਖਿਆ (ਗੈਰ-ਤਕਨੀਕੀ ਨੌਕਰੀਆਂ ਦੀ ਮੰਗ ਵਧੀ) ਵਰਗੇ ਗੈਰ-ਤਕਨਾਲੋਜੀ ਖੇਤਰਾਂ ਵਿੱਚ ਹੁਨਰਮੰਦ ਨੌਜਵਾਨਾਂ ਦੀ ਮੰਗ ਵਧੀ ਹੈ।

ਇੱਕ ਰੋਜ਼ਗਾਰ ਵੈੱਬਸਾਈਟ ਦੇ ਅਨੁਸਾਰ ਦਸੰਬਰ 2022 ਵਿੱਚ ਇਸਦੇ ਪਲੇਟਫਾਰਮ 'ਤੇ, ਦੰਦਾਂ ਦੇ ਡਾਕਟਰੀ ਜਾਂ ਨਰਸਿੰਗ ਵਰਗੇ ਮੈਡੀਕਲ ਨਾਲ ਸਬੰਧਤ ਖੇਤਰਾਂ ਵਿੱਚ ਨੌਕਰੀਆਂ ਲਈ ਸਭ ਤੋਂ ਵੱਧ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਸੀ। ਇਸ ਰਿਪੋਰਟ ਮੁਤਾਬਕ ਕਾਰੋਬਾਰੀ ਗਤੀਵਿਧੀਆਂ ਤੇਜ਼ ਹੋਣ ਕਾਰਨ ਸਥਿਤੀ ਬਦਲ ਰਹੀ ਹੈ।

ਇਹਨਾਂ ਖੇਤਰਾਂ ਵਿੱਚ ਹੈ ਭਾਰੀ ਮੰਗ: ਜਿੱਥੇ ਕੰਪਨੀਆਂ ਨੇ ਆਪਣੇ ਖਰਚਿਆਂ ਨੂੰ ਘੱਟ ਕਰਦੇ ਹੋਏ ਗ਼ੈਰ-ਤਕਨੀਕੀ ਸਟਾਫ ਨੂੰ ਘਟਾਇਆ ਹੈ ਉੱਥੇ ਹੀ ਭੋਜਨ ਸੇਵਾਵਾਂ (8.8%), ਨਿਰਮਾਣ (8.3%), ਆਰਕੀਟੈਕਟ (7.2%), ਸਿੱਖਿਆ (7.1%), ਥੈਰੇਪੀ (6.3%) ਅਤੇ ਮਾਰਕੀਟਿੰਗ (6.1%) ਨੌਕਰੀਆਂ ਦੀ ਮੰਗ ਵਧੀ ਹੈ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਨਿਰਮਾਣ ਅਤੇ ਇੰਜਨੀਅਰਿੰਗ ਵਰਗੇ ਖੇਤਰਾਂ ਵਿੱਚ ਕੋਰੋਨਾ ਦੌਰ ਤੋਂ ਬਾਅਦ ਕਾਰੋਬਾਰੀ ਸਥਿਤੀ ਤੇਜ਼ੀ ਨਾਲ ਆਮ ਹੋ ਰਹੀ ਹੈ।

ਕੋਰੋਨਾ ਤੋਂ ਬਾਅਦ ਹੀ ਮਾਰਕੀਟਿੰਗ ਵਾਲਿਆਂ ਦੀਆਂ ਨੌਕਰੀਆਂ ਵਿੱਚ ਵਾਧਾ ਹੋਇਆ ਹੈ। ਹਾਲਾਂਕਿ, ਕੋਰੋਨਾ ਦੇ ਆਉਂਦੇ ਹੀ ਸਭ ਤੋਂ ਪਹਿਲਾਂ ਇਹਨਾਂ ਦੀਆਂ ਹੀ ਨੌਕਰੀਆਂ ਗਈਆਂ ਸਨ। ਹੁਣ ਇਹਨਾਂ ਦੀ ਜ਼ਰੂਰਤ ਨੂੰ ਸਮਝਿਆ ਜਾ ਰਿਹਾ ਹੈ।

ਇਹਨਾਂ ਸ਼ਹਿਰਾਂ ਵਿੱਚ ਮਿਲੀ ਹੈ ਲੋਕਾਂ ਨੂੰ ਨੌਕਰੀ: Indeed ਦੀ ਰਿਪੋਰਟ ਦਸੰਬਰ 2021 ਤੋਂ ਦਸੰਬਰ 2022 ਤੱਕ ਪੋਸਟ ਕੀਤੀਆਂ ਨੌਕਰੀਆਂ ਦੇ ਅੰਕੜਿਆਂ 'ਤੇ ਆਧਾਰਿਤ ਹੈ। ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਨੌਕਰੀ ਦੇ ਇਸ਼ਤਿਹਾਰਾਂ ਦੇ ਮਾਮਲੇ ਵਿੱਚ ਬੇਂਗਲੁਰੂ 16.5% ਹਿੱਸੇਦਾਰੀ ਨਾਲ ਸੂਚੀ ਵਿੱਚ ਸਭ ਤੋਂ ਉੱਪਰ ਹੈ। ਇਸ ਤੋਂ ਬਾਅਦ ਮੁੰਬਈ (8.23%), ਪੁਣੇ (6.33%) ਅਤੇ ਚੇਨਈ (6.1%) ਦਾ ਨੰਬਰ ਆਉਂਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਹਨਾਂ ਵੱਡੇ ਸ਼ਹਿਰਾਂ ਤੋਂ ਇਲਾਵਾ ਅਹਿਮਦਾਬਾਦ, ਕੋਇੰਬਟੂਰ, ਕੋਚੀ, ਜੈਪੁਰ ਅਤੇ ਮੋਹਾਲੀ ਵਰਗੇ ਟੀਅਰ II ਸ਼ਹਿਰਾਂ ਵਿੱਚ ਵੀ 6.9% ਨੌਕਰੀਆਂ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਹਨ।