Share Market Today: ਬਾਜ਼ਾਰ 'ਚ ਰੌਣਕ, ਸੈਂਸੈਕਸ 629 ਅੰਕਾਂ ਦੀ ਛਾਲ, ਨਿਫਟੀ 5 ਮਹੀਨਿਆਂ ਦੇ ਉਪਰਲੇ ਪੱਧਰ 'ਤੇ ਬੰਦ

ਨਵੀਂ ਦਿੱਲੀ- ਸਟਾਕ ਮਾਰਕੀਟ ਨੇ ਜੂਨ ਸੀਰੀਜ਼ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਅਤੇ ਨਿਫਟੀ 5 ਮਹੀਨਿਆਂ ਦੇ ਉੱਚ ਪੱਧਰ 'ਤੇ ਬੰਦ ਹੋਇਆ। ਸ਼ੁੱਕਰਵਾਰ ਦੇ ਕਾਰੋਬਾਰ 'ਚ ਐੱਫ.ਐੱਮ.ਸੀ.ਜੀ., ਆਈ.ਟੀ. ਅਤੇ ਰੀਅਲਟੀ ਸ਼ੇਅਰਾਂ 'ਚ ਸਭ ਤੋਂ ਜ਼ਿਆਦਾ ਵਾਧਾ ਦੇਖਣ ਨੂੰ ਮਿਲਿਆ, ਜਦਕਿ ਮੈਟਲ, ਫਾਰਮਾ, ਆਟੋ ਇੰਡੈਕਸ ਕਿਨਾਰੇ 'ਤੇ ਬੰਦ ਹੋਏ। ਕਾਰੋਬਾਰ ਦੇ ਅੰਤ 'ਚ ਸੈਂਸੈਕਸ (Sensex)  629.07 ਅੰਕ ਭਾਵ 1.02 ਫੀਸਦੀ ਦੇ ਵਾਧੇ ਨਾਲ 62,501.69 'ਤੇ ਬੰਦ ਹੋਇਆ। ਦੂਜੇ ਪਾਸੇ ਨਿਫਟੀ 178.20 ਅੰਕ ਯਾਨੀ 0.97 ਫੀਸਦੀ ਦੇ ਵਾਧੇ ਨਾਲ 18499.35 ਦੇ ਪੱਧਰ 'ਤੇ ਬੰਦ ਹੋਇਆ।

ਰਿਲਾਇੰਸ ਇੰਡਸਟਰੀਜ਼, ਸਨ ਫਾਰਮਾ, ਡਿਵੀਸ ਲੈਬਜ਼, ਐਚਯੂਐਲ ਅਤੇ ਹਿੰਡਾਲਕੋ ਇੰਡਸਟਰੀਜ਼ ਸ਼ੁੱਕਰਵਾਰ ਦੇ ਕਾਰੋਬਾਰ ਵਿੱਚ ਨਿਫਟੀ ਦੇ ਸਿਖਰ 'ਤੇ ਸਨ। ਓ.ਐਨ.ਜੀ.ਸੀ., ਗ੍ਰਾਸੀਮ ਇੰਡਸਟਰੀਜ਼, ਬਜਾਜ ਆਟੋ, ਭਾਰਤੀ ਏਅਰਟੈੱਲ ਅਤੇ ਪਾਵਰ ਗਰਿੱਡ ਕਾਰਪੋਰੇਸ਼ਨ ਨਿਫਟੀ ਦੇ ਸਭ ਤੋਂ ਵੱਧ ਘਾਟੇ ਵਾਲੇ ਸਨ।

25 ਮਈ ਨੂੰ ਹਰੇ ਨਿਸ਼ਾਨ 'ਤੇ ਬਾਜ਼ਾਰ ਬੰਦ ਹੋਇਆ ਸੀ

ਪਿਛਲੇ ਕਾਰੋਬਾਰੀ ਸੈਸ਼ਨ 'ਚ ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਪ੍ਰਮੁੱਖ ਸੂਚਕ ਅੰਕ ਸੈਂਸੈਕਸ 98.84 ਅੰਕ ਭਾਵ 0.16 ਫੀਸਦੀ ਦੇ ਵਾਧੇ ਨਾਲ 61,872.62 ਦੇ ਪੱਧਰ 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਨਿਫਟੀ 35.75 ਅੰਕ ਯਾਨੀ 0.20 ਫੀਸਦੀ ਦੇ ਵਾਧੇ ਨਾਲ 18312.15 ਦੇ ਪੱਧਰ 'ਤੇ ਬੰਦ ਹੋਇਆ।