Anand Mahindra: ਆਨੰਦ ਮਹਿੰਦਰਾ ਹੋਏ ਨੌਜਵਾਨਾਂ ਦੇ ਕਾਇਲ, ਫਲਾਈਓਵਰ ਹੇਠਾਂ ਪਈ ਖਾਲੀ ਥਾਂ ਨੂੰ ਬਣਾਇਆ ਖੇਡ ਦਾ ਮੈਦਾਨ

ਸੜਕ 'ਤੇ ਪੁਲ ਜਾਂ ਫਲਾਈਓਵਰ ਬਣਾਉਣ ਨਾਲ ਸੜਕ 'ਤੇ ਵਾਹਨਾਂ ਦੇ ਜਾਮ ਵਿਚ ਫਰਕ ਪੈਂਦਾ ਹੈ। ਪਰ ਉਨ੍ਹਾਂ ਦੇ ਹੇਠਾਂ ਖਾਲੀ ਜ਼ਮੀਨ ਵੀ ਕਈ ਤਰ੍ਹਾਂ ਦੇ ਕੰਮ ਆ ਸਕਦੀ ਹੈ। ਨਵੀਂ ਮੁੰਬਈ ਵਿੱਚ ਫਲਾਈਓਵਰ ਦੇ ਹੇਠਾਂ ਦੀ ਖਾਲੀ ਜਗ੍ਹਾ ਲਈ ਇੱਕ ਅਨੋਖਾ ਹੱਲ ਲੱਭਿਆ ਗਿਆ ਹੈ। ਨਵੀਂ ਮੁੰਬਈ ਦੇ ਲੋਕਾਂ ਨੇ ਇਸ ਖਾਲੀ ਥਾਂ ਦੀ ਵਰਤੋਂ ਕਰਨ ਦਾ ਇੱਕ ਰਚਨਾਤਮਕ ਤਰੀਕਾ ਲੱਭਿਆ ਹੈ। ਇਸ ਨਾਲ ਜੁੜੀ ਵੀਡੀਓ ਭਾਰਤੀ ਅਰਬਪਤੀ ਕਾਰੋਬਾਰੀ ਆਨੰਦ ਮਹਿੰਦਰਾ ਨੇ ਸ਼ੇਅਰ ਕੀਤੀ ਹੈ। ਆਨੰਦ ਮਹਿੰਦਰਾ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਲੋਕਾਂ ਨਾਲ ਜੁੜਨ ਲਈ ਵੱਖ-ਵੱਖ ਤਰ੍ਹਾਂ ਦੀਆਂ ਪੋਸਟਾਂ ਵੀ ਸ਼ੇਅਰ ਕਰਦੇ ਰਹਿੰਦੇ ਹਨ।

Transformational. Let’s do this. In every city. pic.twitter.com/4GJtKoNpfr

— anand mahindra (@anandmahindra) March 28, 2023

ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਹੈ। ਵੀਡੀਓ ਦੀ ਸ਼ੂਟਿੰਗ ਨਵੀਂ ਮੁੰਬਈ 'ਚ ਕੀਤੀ ਗਈ ਹੈ। ਵੀਡੀਓ ਦਿਖਾਉਂਦਾ ਹੈ ਕਿ ਪੁਲ ਦੇ ਹੇਠਾਂ ਜਗ੍ਹਾ ਦੀ ਚੰਗੀ ਵਰਤੋਂ ਕਿਵੇਂ ਕੀਤੀ ਜਾ ਸਕਦੀ ਹੈ। ਪੁਲ ਦੇ ਹੇਠਾਂ ਇੱਕ ਖੇਡ ਦਾ ਮੈਦਾਨ ਹੈ ਜਿੱਥੇ ਲੋਕ ਬਾਸਕਟਬਾਲ, ਕ੍ਰਿਕਟ ਵਰਗੀਆਂ ਕਈ ਖੇਡਾਂ ਖੇਡਦੇ ਦੇਖੇ ਜਾ ਸਕਦੇ ਹਨ। ਆਨੰਦ ਮਹਿੰਦਰਾ ਨੇ ਆਪਣੇ ਟਵਿੱਟਰ ਅਕਾਊਂਟ ਤੋਂ ਧਨੰਜੈ_ਟੈਕ ਨਾਮ ਦੇ ਇੱਕ ਯੂਜ਼ਰ ਵੱਲੋਂ ਅਪਲੋਡ ਕੀਤੀ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ। ਉਹ ਇਸ ਜਗ੍ਹਾ ਤੋਂ ਬਹੁਤ ਪ੍ਰਭਾਵਿਤ ਦਿਖਾਈ ਦੇ ਰਹੇ ਸੀ। ਉਹ ਚਾਹੁੰਦੇ ਹਨ ਕਿ ਦੇਸ਼ ਦੇ ਜ਼ਿਆਦਾਤਰ ਸ਼ਹਿਰਾਂ ਵਿੱਚ ਅਜਿਹੀ ਫਸਿਲਟੀ ਤਿਆਰ ਕੀਤੀ ਜਾਵੇ। ਉਨ੍ਹਾਂ ਨੇ ਵੀਡੀਓ ਦੇ ਕੈਪਸ਼ਨ 'ਚ ਲਿਖਿਆ, "ਪਰਿਵਰਤਨਸ਼ੀਲ। ਚਲੋ ਸਾਰੇ ਸ਼ਹਿਰਾਂ ਵਿੱਚ ਅਜਿਹਾ ਕੀਤਾ ਜਾਵੇ।" ਇਸ ਵੀਡੀਓ 'ਚ ਕੁਝ ਯੂਜ਼ਰਸ ਪੁਲ ਦੇ ਹੇਠਾਂ ਖਾਲੀ ਜ਼ਮੀਨ ਦੀ ਵਰਤੋਂ ਦੀ ਤਾਰੀਫ ਕਰ ਰਹੇ ਹਨ, ਜਦਕਿ ਕੁਝ ਬਿਹਤਰ ਹੱਲ ਦਾ ਸੁਝਾਅ ਦੇ ਰਹੇ ਹਨ।

ਆਨੰਦ ਮਹਿੰਦਰਾ ਦੇ ਇਸ ਟਵੀਟ ਨੂੰ 8 ਹਜ਼ਾਰ ਵਾਰ ਰੀਟਵੀਟ ਕੀਤਾ ਜਾ ਚੁੱਕਾ ਹੈ। ਟਵੀਟ 'ਤੇ 52 ਹਜ਼ਾਰ ਲਾਈਕਸ ਅਤੇ 1000 ਕਮੈਂਟਸ ਵੀ ਆ ਚੁੱਕੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, ਇਹ ਸਪੋਰਟਸ ਕਲੱਬਾਂ, ਰੈਸਟੋਰੈਂਟਾਂ ਆਦਿ ਰਾਹੀਂ ਸਰਕਾਰਾਂ ਲਈ ਭਾਰੀ ਆਮਦਨ ਪੈਦਾ ਕਰਨ ਦਾ ਵਧੀਆ ਤਰੀਕਾ ਬਣ ਸਕਦਾ ਹੈ। ਇਨ੍ਹਾਂ ਸਥਾਨਾਂ ਨੂੰ ਬਦਲਣ ਅਤੇ ਵਰਤੋਂ ਵਿੱਚ ਲਿਆਉਣ ਲਈ ਸਰਕਾਰ ਨਾਲ ਤਾਲਮੇਲ ਕਰਨ ਲਈ ਇੱਕ ਸਟਾਰਟਅੱਪ ਦਾ ਗਠਨ ਕੀਤਾ ਜਾਣਾ ਚਾਹੀਦਾ ਹੈ।