Business Ideas: ਸਿਰਫ਼ 5 ਹਜ਼ਾਰ ਨਾਲ ਸ਼ੁਰੂ ਕਰੋ ਇਹ ਕਾਰੋਬਾਰ, ਰੋਜ਼ਾਨਾ ਹੋਵੇਗਾ ਹਜ਼ਾਰਾਂ ਰੁਪਏ ਮੁਨਾਫਾ

Business Idea: ਅੱਜਕਲ ਦੇ ਸਮੇਂ ਵਿੱਚ ਹਰ ਕੋਈ ਇਹੀ ਚਾਹੁੰਦਾ ਹੈ ਕਿ ਉਸ ਵੱਲੋਂ ਨਿਵੇਸ਼ ਭਾਵੇਂ ਘੱਟ ਕੀਤਾ ਜਾਵੇ ਪਰ ਉਸ ਨੂੰ ਮੁਨਾਫਾ ਚੰਗਾ ਹੋਵੇ। ਇਸ ਲਈ ਜਾਂ ਤਾਂ ਸਹੀ ਥਾਂ ਉੱਤੇ ਨਿਵੇਸ਼ (Investment) ਕਰ ਕੇ ਜਾਂ ਸਹੀ ਕਾਰੋਬਾਰ ਕਰ ਕੇ ਤੁਸੀਂ ਮੁਨਾਫਾ ਕਮਾ ਸਕਦੇ ਹੋ। ਜੇਕਰ ਤੁਸੀਂ ਕੋਈ ਕਾਰੋਬਾਰ (Business) ਸ਼ੁਰੂ ਕਰਨਾ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਅਜਿਹਾ ਵਧੀਆ ਬਿਜ਼ਨਸ ਆਈਡੀਆ (Business Idea) ਦੇ ਰਹੇ ਹਾਂ, ਜਿਸ ਤੋਂ ਤੁਸੀਂ ਹਰ ਮਹੀਨੇ ਬੰਪਰ ਕਮਾਈ ਕਰ ਸਕਦੇ ਹੋ। ਇਸ ਦੇ ਤਹਿਤ ਤੁਸੀਂ ਕੁੱਲੜ (Kullad) ਬਣਾਉਣ ਦਾ ਕਾਰੋਬਾਰ ਸ਼ੁਰੂ ਕਰ ਸਕਦੇ ਹੋ। ਭਾਰਤ ਵਿੱਚ ਇੱਕ ਵੱਡੀ ਆਬਾਦੀ ਚਾਹ ਦੀ ਸ਼ੌਕੀਨ ਹੈ। ਰੇਲਵੇ ਸਟੇਸ਼ਨ ਅਤੇ ਬੱਸ ਸਟੈਂਡ 'ਤੇ ਵੀ ਕੁੱਲੜ ਵਾਲੀ ਚਾਹ ਦੀ ਮੰਗ ਰਹਿੰਦੀ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਕਾਰੋਬਾਰ ਬਹੁਤ ਘੱਟ ਨਿਵੇਸ਼ ਨਾਲ ਸ਼ੁਰੂ ਕੀਤਾ ਜਾ ਸਕਦਾ ਹੈ।

ਕਰਨਾ ਹੋਵੇਗਾ ਸਿਰਫ 5 ਹਜ਼ਾਰ ਦਾ ਨਿਵੇਸ਼: ਕੁੱਲੜ ਬਣਾਉਣ ਦੇ ਕਾਰੋਬਾਰ 'ਚ ਤੁਹਾਨੂੰ ਸਿਰਫ 5 ਹਜ਼ਾਰ ਰੁਪਏ ਦਾ ਨਿਵੇਸ਼ (Invest) ਕਰਨਾ ਹੋਵੇਗਾ। ਇਸ ਦੇ ਲਈ ਤੁਹਾਨੂੰ ਥੋੜੀ ਜਿਹੀ ਥਾਂ ਦੀ ਲੋੜ ਪਵੇਗੀ। ਕੇਂਦਰ ਸਰਕਾਰ ਨੇ ਕੁੱਲੜ ਦੇ ਕਾਰੋਬਾਰ ਨੂੰ ਉਤਸ਼ਾਹਿਤ ਕਰਨ ਲਈ ਘੁਮਿਆਰ ਸਸ਼ਕਤੀਕਰਨ ਯੋਜਨਾ ਲਾਗੂ ਕੀਤੀ ਹੈ। ਇਸ ਯੋਜਨਾ ਤਹਿਤ ਕੇਂਦਰ ਸਰਕਾਰ ਦੇਸ਼ ਭਰ ਦੇ ਘੁਮਿਆਰਾਂ ਨੂੰ ਬਿਜਲੀ ਨਾਲ ਚੱਲਣ ਵਾਲੇ ਪਹੀਏ ਜਾਂ ਚਾਕ ਦਿੰਦੀ ਹੈ। ਉਹ ਇਸ ਤੋਂ ਕੁੱਲੜ ਸਮੇਤ ਸਾਰੇ ਮਿੱਟੀ ਦੇ ਬਰਤਨ ਬਣਾ ਸਕਦੇ ਹਨ।

ਕਾਫੀ ਸਸਤੇ ਭਾਅ 'ਤੇ ਵਿਕਦਾ ਹੈ ਕੁੱਲੜ: ਚਾਹ ਵਾਲੇ ਕੁੱਲੜ ਬਹੁਤ ਹੀ ਕਿਫ਼ਾਇਤੀ ਹੋਣ ਦੇ ਨਾਲ-ਨਾਲ ਵਾਤਾਵਰਣ ਦੇ ਨਜ਼ਰੀਏ ਤੋਂ ਵੀ ਸੁਰੱਖਿਅਤ ਹੈ। ਚਾਹ ਵਾਲੇ ਕੁੱਲੜ ਦੀ ਕੀਮਤ 50 ਰੁਪਏ ਪ੍ਰਤੀ ਸੈਂਕੜਾ ਦੇ ਕਰੀਬ ਹੈ। ਇਸ ਦੇ ਨਾਲ ਹੀ ਲੱਸੀ ਵਾਲੇ ਕੁੱਲੜ ਦੀ ਕੀਮਤ 150 ਰੁਪਏ ਪ੍ਰਤੀ ਸੈਂਕੜਾ, ਦੁੱਧ ਵਾਲੇ ਕੁੱਲੜ ਦੀ ਕੀਮਤ 150 ਰੁਪਏ ਪ੍ਰਤੀ ਸੈਂਕੜਾ ਤੇ ਪਿਆਲੀ 100 ਰੁਪਏ ਪ੍ਰਤੀ ਸੈਂਕੜਾ ਦੇ ਹਿਸਾਬ ਨਾਲ ਮਿਲਦਾ ਹੈ।

1000 ਰੁਪਏ ਰੋਜ਼ਾਨਾ ਦੀ ਹੋ ਸਕਦੀ ਹੈ ਕਮਾਈ: ਅੱਜ ਦੇ ਸਮੇਂ ਵਿੱਚ ਸ਼ਹਿਰਾਂ ਵਿੱਚ ਕੁੱਲੜ ਵਾਲੀ ਚਾਹ ਦੀ ਕੀਮਤ 15 ਤੋਂ 20 ਰੁਪਏ ਤੱਕ ਹੈ। ਜੇਕਰ ਕਾਰੋਬਾਰ ਨੂੰ ਸਹੀ ਢੰਗ ਨਾਲ ਚਲਾਇਆ ਜਾਵੇ ਅਤੇ ਕੁੱਲੜ ਵੇਚਣ 'ਤੇ ਧਿਆਨ ਦਿੱਤਾ ਜਾਵੇ ਤਾਂ 1 ਦਿਨ 'ਚ ਕਰੀਬ 1000 ਰੁਪਏ ਦੀ ਬਚਤ ਕੀਤੀ ਜਾ ਸਕਦੀ ਹੈ।