Job Alert! ਆਈ.ਟੀ. ਸੈਕਟਰ 'ਚ ਹੋਵੇਗੀ ਬੰਪਰ ਭਰਤੀ, ਇਹ ਕੰਪਨੀ ਕੱਢੇਗੀ 60 ਹਜ਼ਾਰ ਨੌਕਰੀਆਂ

ਜੇਕਰ ਤੁਸੀਂ IT ਸੈਕਟਰ 'ਚ ਨੌਕਰੀ (Jobs) ਕਰਨ ਦਾ ਸੁਪਨਾ ਦੇਖਦੇ ਹੋ, ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਫਰਾਂਸ ਦੀ IT ਕੰਪਨੀ Capgemini ਇਸ ਸਾਲ ਭਾਰਤ ਵਿੱਚ ਬੰਪਰ ਹਾਇਰਿੰਗ (Bumper Hiring in India) ਕਰਨ ਜਾ ਰਹੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਇਸ ਸਾਲ ਭਾਰਤ 'ਚ ਕਰੀਬ 60,000 ਕਰਮਚਾਰੀਆਂ ਦੀ ਭਰਤੀ ਕਰਨ ਜਾ ਰਹੀ ਹੈ। ਇਹ ਸੰਖਿਆ 2021 ਦੇ ਮੁਕਾਬਲੇ ਜ਼ਿਆਦਾ ਹੈ।

ਕੰਪਨੀ ਦੇ ਸੀਈਓ ਯਸ਼ਵਿਨ ਯਾਰਡੀ ਦਾ ਕਹਿਣਾ ਹੈ ਕਿ ਡਿਜੀਟਲ ਆਧਾਰਿਤ ਹੱਲਾਂ ਦੀ ਮੰਗ ਵਧ ਰਹੀ ਹੈ। ਸਾਡੇ ਕੋਲ ਵਿਸ਼ਵ ਪੱਧਰ 'ਤੇ ਲਗਭਗ 3.25 ਲੱਖ ਕਰਮਚਾਰੀ ਹਨ। ਇਨ੍ਹਾਂ ਵਿੱਚੋਂ ਅੱਧੇ ਭਾਰਤ ਵਿੱਚ ਹਨ। ਨਵੀਆਂ ਨਿਯੁਕਤੀਆਂ ਨਵੇਂ ਭਰਤੀ ਅਤੇ ਲੇਟਰਲ ਟੇਲੈਂਟ ਦੇ ਰੂਪ ਵਿੱਚ ਹੋਣਗੀਆਂ। ਇਹ 5G ਅਤੇ ਕੁਆਂਟਮ ਵਰਗੇ ਉਭਰ ਰਹੇ ਖੇਤਰਾਂ 'ਤੇ ਧਿਆਨ ਕੇਂਦਰਿਤ ਕਰੇਗਾ।

ਐਰਿਕਸਨ (Ericsson) ਨਾਲ ਸਾਂਝੇਦਾਰੀ

Capgemini ਨੇ Ericsson ਦੇ ਨਾਲ ਸਾਂਝੇਦਾਰੀ ਵਿੱਚ ਪਿਛਲੇ ਸਾਲ ਭਾਰਤ ਵਿੱਚ ਇੱਕ 5G ਲੈਬ ਲਾਂਚ ਕੀਤੀ ਸੀ। ਯਾਰਡੀ ਨੇ ਕਿਹਾ ਕਿ ਇਸ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਅਸੀਂ ਹੁਣ 5G ਉਦਯੋਗ ਨੂੰ ਹੋਰ ਸੇਵਾਵਾਂ ਪ੍ਰਦਾਨ ਕਰਨ ਲਈ ਕੁਝ ਗਲੋਬਲ ਅਤੇ ਭਾਰਤੀ ਸੇਵਾ ਪ੍ਰਦਾਤਾਵਾਂ ਨਾਲ ਕੰਮ ਕਰ ਰਹੇ ਹਾਂ।

ਪਿਛਲੇ ਸਾਲ ਵਧੀਆ ਪ੍ਰਦਰਸ਼ਨ

ਕੈਪਜੇਮਿਨੀ ਨੇ 2021 ਵਿੱਚ ਭਾਰਤ ਵਿੱਚ ਚੰਗਾ ਪ੍ਰਦਰਸ਼ਨ ਕੀਤਾ। ਯਾਰਡੀ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿਚ ਇਸ ਦਾ ਆਊਟਲੁੱਕ ਬਿਹਤਰ ਹੋਣ ਵਾਲਾ ਹੈ, ਜਿਸ ਨਾਲ ਸਾਡੀ ਹਾਇਰਿੰਗ ਡਰਾਈਵ ਨੂੰ ਹੁਲਾਰਾ ਮਿਲਿਆ ਹੈ। ਅਸੀਂ ਹਾਇਰਿੰਕ ਨੂੰ ਉਤਸ਼ਾਹਿਤ ਕਰਨ ਲਈ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਵਿੱਚ ਵੀ ਜਾ ਰਹੇ ਹਾਂ।

ਸੰਚਾਲਨ 'ਚ ਭਾਰਤ ਨਿਭਾਏਗਾ ਵੱਡੀ ਭੂਮਿਕਾ

ਪਿਛਲੇ ਮਹੀਨੇ, ਕੈਪਜੇਮਿਨੀ ਗਰੁੱਪ ਦੇ ਸੀਈਓ ਏਮਾਨ ਇਜ਼ਾਤ ਨੇ ਕਿਹਾ ਸੀ ਕਿ ਭਾਰਤ ਅੱਗੇ ਜਾ ਕੇ ਕੰਪਨੀ ਦੇ ਸੰਚਾਲਨ ਦੇ ਪ੍ਰਬੰਧਨ ਵਿੱਚ ਵੱਡੀ ਭੂਮਿਕਾ ਨਿਭਾਏਗਾ। ਇਹ ਭਾਰਤ ਦੇ ਉਭਰਦੇ ਨੇਤਾਵਾਂ 'ਤੇ ਵੀ ਨਜ਼ਰ ਰੱਖੇਗਾ ਜੋ ਵਿਸ਼ਵ ਪੱਧਰ 'ਤੇ ਟੀਮਾਂ ਦੀ ਅਗਵਾਈ ਕਰ ਸਕਦੇ ਹਨ। ਕੁਆਂਟਮ, 5G ਅਤੇ ਮੈਟਾਵਰਸ ਵਰਗੀਆਂ ਉਭਰਦੀਆਂ ਤਕਨੀਕਾਂ ਦੇ ਅੱਗੇ ਵਧਣ ਦੀ ਉਮੀਦ ਹੈ।