ਇਕ ਹੀ ਨੰਬਰ ਨੇ ਖੋਲ੍ਹੀ ਦੋ ਵਾਰ ਕਿਸਮਤ, ਲਾਟਰੀ ਵਿਚ ਪਹਿਲਾਂ ਜਿੱਤੇ 37 ਲੱਖ ਤੇ ਫਿਰ 15 ਕਰੋੜ

ਕਿਸਮਤ ਮਿਹਰਬਾਨ ਹੋਵੇ ਤਾਂ ਲਾਟਰੀ ਦਾ ਇਕ ਹੀ ਨੰਬਰ ਤੁਹਾਨੂੰ ਦੋ ਵਾਰ ਜਿੱਤ ਦਵਾ ਸਕਦਾ ਹੈ। ਅਜਿਹਾ ਹੀ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਪਹਿਲੀ ਲਾਟਰੀ ਵਿਚ ਇਕ ਔਰਤ ਨੇ 37 ਲੱਖ ਜਿੱਤੇ, ਉਸ ਤੋਂ ਬਾਅਦ ਉਸੇ ਨੰਬਰ ਵਾਲੀ ਲਾਟਰੀ ਉਤੇ ਉਸ ਨੇ 15 ਕਰੋੜ ਰੁਪਏ ਜਿੱਤ ਲਏ। ਇੱਕੋ ਨੰਬਰ ਉਤੇ ਲਗਾਤਾਰ ਦੋ ਵਾਰ ਲਾਟਰੀ ਨਿਕਲਣ ਦਾ ਮਾਮਲਾ ਕਾਫੀ ਹੈਰਾਨ ਕਰਨ ਵਾਲਾ ਹੈ।

ਨਾਰਥ ਕੈਰੋਲਿਨਾ ਦੀ ਇਕ ਔਰਤ ਨੇ ਪਾਵਰਬਾਲ ਪ੍ਰਾਈਜ਼ ਲਾਟਰੀ ਵਿਚ 20 ਲੱਖ ਡਾਲਰ (ਤਕਰੀਬਨ 15 ਕਰੋੜ) ਦੀ ਰਾਸ਼ੀ ਜਿੱਤੀ। ਲਾਟਰੀ ਦਾ ਨੰਬਰ ਉਹੋ ਸੀ ਜਿਸ ਉਤੇ ਇਸ ਮਹਿਲਾ ਨੇ 3 ਸਾਲ ਪਹਿਲਾਂ 37 ਲੱਖ ਰੁਪਏ ਜਿੱਤੇ ਸਨ। ਡਰਹਮ ਦੀ ਰਹਿਣ ਵਾਲੀ ਲਾਟਰੀ ਜੇਤੂ ਸ਼ਨਿਕਾ ਮਿਲਰ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਉਸ ਨੇ ਨਾਰਥ ਕੈਰੋਲੀਨਾ ਲਾਟਰੀ ਦੇ ਅਧਿਕਾਰੀਆਂ ਨੂੰ ਦੱਸਿਆ ਹੈ ਕਿ ਉਸ ਨੇ ਪਾਵਰਬਾਲ ਲਾਟਰੀ ਦੀ ਟਿਕਟ ਆਨਲਾਈਨ ਖਰੀਦੀ ਹੈ। ਉਸ ਨੇ ਉਸੇ ਨੰਬਰ ਦੀ ਲਾਟਰੀ ਖਰੀਦੀ, ਜੋ ਉਸ ਨੇ ਪਹਿਲਾਂ ਖਰੀਦ ਕੀਤੀ ਸੀ। ਉਹ ਨੰਬਰ ਉਸ ਦੇ ਬੱਚੇ ਦਾ ਜਨਮਦਿਨ ਨੰਬਰ ਹੈ।

ਮਿਲਰ ਨੇ ਕਿਹਾ ਹੈ ਕਿ ਉਹ ਹਮੇਸ਼ਾਂ ਇਕੋ ਨੰਬਰ ਦੀ ਲਾਟਰੀ ਖਰੀਦਦੀ ਸੀ। ਜਿਸ ਕਾਰਨ ਮਿਲਰ ਦੀ ਕਿਸਮਤ ਇਕ ਵਾਪ ਮੁੜ ਖੁੱਲ੍ਹ ਗਈ। ਮਿਲਰ ਨੇ ਦੱਸਿਆ ਹੈ ਕਿ ਉਹ ਸਵੇਰੇ 6 ਵਜੇ ਉੱਠੀ, ਜਿਵੇਂ ਹੀ ਉਸ ਨੇ ਲਾਟਰੀ ਦੇ ਡਰਾਅ ਦਾ ਨਤੀਜਾ ਵੇਖਿਆ, ਉਹ ਰੋਣ ਲੱਗੀ। ਉਸ ਨੇ ਦੱਸਿਆ ਕਿ ਪਹਿਲਾਂ ਮੈਂ ਸੋਚਿਆ ਇਹ ਸੱਚ ਨਹੀਂ ਹੋ ਸਕਦਾ। ਇਸ ਲਈ ਉਸ ਨੇ ਵਾਰ ਵਾਰ ਨੰਬਰਾਂ ਦੀ ਜਾਂਚ ਕਰਨੀ ਸ਼ੁਰੂ ਕਰ ਦਿੱਤੀ। ਕਈ ਵਾਰ ਜਾਂਚ ਤੋਂ ਬਾਅਦ, ਉਸਨੂੰ ਪੂਰਾ ਵਿਸ਼ਵਾਸ ਸੀ ਕਿ ਉਸ ਨੇ 2 ਮਿਲੀਅਨ ਡਾਲਰ ਜਿੱਤੇ ਸਨ। 2017 ਦੇ ਖੁਸ਼ਕਿਸਮਤ ਡਰਾਅ ਵਿੱਚ, ਇਸ ਗਿਣਤੀ ਨੇ ਉਸ ਨੂੰ 50 ਹਜ਼ਾਰ ਡਾਲਰ ਦੀ ਰਕਮ ਦਿੱਤੀ। ਉਸਨੇ ਦੱਸਿਆ ਹੈ ਕਿ ਉਹ ਲਾਟਰੀ ਦੇ ਪੈਸੇ ਤੋਂ ਆਪਣੇ ਬੇਟੇ ਲਈ ਇੱਕ ਕਾਰ ਖਰੀਦੇਗੀ।ਇਸਦੇ ਨਾਲ ਉਹ ਇੱਕ ਘਰ ਖਰੀਦਣ ਅਤੇ ਆਪਣੇ ਸਾਰੇ ਬਿੱਲਾਂ ਦਾ ਭੁਗਤਾਨ ਕਰੇਗੀ।