ਲਾਕਡਾਉਨ ‘ਚ ਫਸਿਆ ਪੁੱਤਰ, ਮੁਸਲਮਾਨ ਗਵਾਂਢੀਆਂ ਨੇ ਕੀਤਾ ਹਿੰਦੂ ਸ਼ਖਸ ਦਾ ਅੰਤਮ ਸਸਕਾਰ

News18 Punjabi | News18 Punjab
Updated: May 14, 2020, 12:20 PM IST
share image
ਲਾਕਡਾਉਨ ‘ਚ ਫਸਿਆ ਪੁੱਤਰ, ਮੁਸਲਮਾਨ ਗਵਾਂਢੀਆਂ ਨੇ ਕੀਤਾ ਹਿੰਦੂ ਸ਼ਖਸ ਦਾ ਅੰਤਮ ਸਸਕਾਰ
ਲਾਕਡਾਉਨ ‘ਚ ਫਸਿਆ ਪੁੱਤਰ, ਮੁਸਲਮਾਨ ਗਵਾਂਢੀਆਂ ਨੇ ਕੀਤਾ ਹਿੰਦੂ ਸ਼ਖਸ ਦਾ ਅੰਤਮ ਸਸਕਾਰ

ਕਰਨਾਟਕ ਦੇ ਤੁਮਕੁਰੂ ਵਿਚ 60 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ, ਪਰ ਪਰਿਵਾਰਕ ਮੈਂਬਰ ਲਾਕਡਾਉਨ ਵਿੱਚ ਅੰਤਿਮ ਸੰਸਕਾਰ ਵਿੱਚ ਸ਼ਾਮਲ ਨਹੀਂ ਹੋ ਸਕੇ। ਅਜਿਹੀ ਸਥਿਤੀ ਵਿੱਚ, ਮੁਸਲਮਾਨ ਗੁਆਂਢੀਆਂ ਨੇ ਬਜ਼ੁਰਗ ਦਾ ਅੰਤਮ ਸਸਕਾਰ ਪੂਰੇ ਹਿੰਦੂ ਰਿਵਾਜ ਨਾਲ ਕੀਤਾ।

  • Share this:
  • Facebook share img
  • Twitter share img
  • Linkedin share img
ਕੋਰੋਨਾਵਾਇਰਸ ਲੋਕਾਂ ਵਿਚ ਸਮਾਜਕ ਦੂਰੀ ਦੇ ਨਾਲ-ਨਾਲ ਭਾਵਨਾਤਮਕ ਦੂਰੀ ਵੀ ਵਧਾ ਰਿਹਾ ਹੈ। ਪਰ ਬਹੁਤ ਸਾਰੇ ਲੋਕ ਹਨ ਜੋ ਇਸ ਮਹਾਂਮਾਰੀ ਵਿੱਚ ਸਹਾਇਤਾ ਲਈ ਅੱਗੇ ਆ ਰਹੇ ਹਨ। ਅਜਿਹਾ ਹੀ ਇਕ ਮਾਮਲਾ ਕਰਨਾਟਕ ਦੇ ਤੁਮਕੁਰੂ ਵਿਚ ਸਾਹਮਣੇ ਆਇਆ ਹੈ। ਇੱਥੇ ਇੱਕ 60 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ, ਪਰ ਪਰਿਵਾਰਕ ਮੈਂਬਰ ਲਾਕਡਾਉਨ ਵਿੱਚ ਅੰਤਿਮ ਸੰਸਕਾਰ ਵਿੱਚ ਸ਼ਾਮਲ ਨਹੀਂ ਹੋ ਸਕੇ। ਅਜਿਹੀ ਸਥਿਤੀ ਵਿੱਚ ਮੁਸਲਮਾਨ ਗੁਆਂਢੀਆਂ ਨੇ ਬਜ਼ੁਰਗ ਦਾ ਅੰਤਮ ਸਸਕਾਰ ਪੂਰੇ ਹਿੰਦੂ ਰਿਵਾਜ ਨਾਲ ਕੀਤਾ।

ਅੰਗਰੇਜ਼ੀ ਅਖਬਾਰ ‘ਦਿ ਹਿੰਦੂ’ ਦੀ ਖ਼ਬਰ ਅਨੁਸਾਰ ਇਹ ਮਾਮਲਾ ਤੁਮਕੁਰੂ ਦੀ ਕੇਐਚਬੀ ਕਲੋਨੀ ਨਾਲ ਸਬੰਧਤ ਹੈ। ਇਥੇ ਕੋਰੋਨਾ ਦੀ ਲਾਗ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਕਲੋਨੀ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਇਸੇ ਕਲੋਨੀ ਵਿਚ ਰਹਿਣ ਵਾਲੇ ਪੇਸ਼ੇ ਤੋਂ ਦਰਜ਼ੀ ਨਾਰਾਇਣ ਰਾਓ (60 ਸਾਲ) ਦੀ ਮੰਗਲਵਾਰ ਰਾਤ ਨੂੰ ਮੌਤ ਹੋ ਗਈ। ਉਨ੍ਹਾਂ ਨੂੰ ਸ਼ੂਗਰ ਅਤੇ ਬਲੱਡ ਪ੍ਰੈਸ਼ਰ ਸੀ। ਕੋਰੋਨਾ ਦੇ ਕਾਰਨ, ਕਲੋਨੀ ਪੂਰੀ ਤਰ੍ਹਾਂ ਸੀਲ ਹੋ ਗਈ ਸੀ ਅਤੇ ਤਾਲਾਬੰਦੀ ਕਾਰਨ ਪਰਿਵਾਰ ਦੇ ਮੈਂਬਰ ਨਹੀਂ ਪਹੁੰਚ ਸਕੇ। ਅਜਿਹੀ ਸਥਿਤੀ ਵਿੱਚ, 10 ਮੁਸਲਮਾਨ ਲੜਕੇ ਮਦਦ ਲਈ ਅੱਗੇ ਆਏ।

ਮੁਹੰਮਦ ਖਾਲਿਦ ਨੇ ਦੱਸਿਆ ਕਿ ਮੇਰੇ ਦੋਸਤ ਪੁਨੀਤ ਰਾਓ ਦੇ ਪਿਤਾ ਨਾਰਾਇਣ ਰਾਓ ਦੀ ਮੌਤ ਹੋ ਗਈ ਹੈ। ਜਿਵੇਂ ਹੀ ਮੈਨੂੰ ਇਸ ਬਾਰੇ ਜਾਣਕਾਰੀ ਮਿਲੀ, ਮੈਂ ਦੂਜੇ ਦੋਸਤਾਂ ਨਾਲ ਉਨ੍ਹਾਂ ਦੇ ਘਰ ਪੁੱਜ ਗਿਆ। ਮ੍ਰਿਤਕ ਦੇ ਘਰ ਵਿੱਚ ਛੋਟੇ ਭਰਾ, ਦੋ ਔਰਤਾਂ ਅਤੇ ਭਤੀਜੇ ਸਨ। ਅਸੀਂ ਉਨ੍ਹਾਂ ਨੂੰ ਅੰਤਮ ਸਸਕਾਰ ਪੂਰੀ ਰਸਮ ਨਾਲ ਕਰਨ ਦਾ ਭਰੋਸਾ ਦਿੱਤਾ।
ਖਾਲਿਦ ਨੇ ਕਿਹਾ ਕਿ ਮੇਰੇ ਦੋਸਤ ਇਮਰਾਨ ਨੇ ਪਰਿਵਾਰ ਨੂੰ 5000 ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ। ਹਾਲਾਂਕਿ, ਮ੍ਰਿਤਕ ਦਾ ਪਰਿਵਾਰ ਕੋਰੋਨਾ ਵਾਇਰਸ ਦੇ ਡਰੋਂ ਅੰਤਮ ਸੰਸਕਾਰ ਨਹੀਂ ਕਰਨਾ ਚਾਹੁੰਦਾ ਸੀ। ਅਸੀਂ ਉਨ੍ਹਾਂ ਨੂੰ ਸ਼ਮਸ਼ਾਨਘਾਟ ਵੱਲ ਤੁਰਨ ਲਈ ਕਿਹਾ। ਇਸ ਤੋਂ ਬਾਅਦ ਵੀ ਪਰਿਵਾਰਕ ਮੈਂਬਰ ਸ਼ਮਸ਼ਾਨਘਾਟ ਜਾਣ ਲਈ ਤਿਆਰ ਨਹੀਂ ਸਨ। ਅੰਤਮ ਸਸਕਾਰ ਦੀਆਂ ਸਾਰੀਆਂ ਤਿਆਰੀਆਂ ਕਰਨ ਤੋਂ ਬਾਅਦ, ਅਸੀਂ ਲਾਸ਼ ਨੂੰ ਐਂਬੂਲੈਂਸ ਵਿਚ ਲੈਕੇ ਸ਼ਮਸ਼ਾਨਘਾਟ ਪਹੁੰਚੇ। ਉਥੇ ਪੂਰੇ ਹਿੰਦੂ ਰੀਤੀ ਰਿਵਾਜ਼ਾਂ ਨਾਲ ਅੰਤਮ ਸਸਕਾਰ ਕੀਤਾ।

ਦੂਜੇ ਪਾਸੇ ਨਾਰਾਇਣ ਰਾਓ ਦਾ ਪੁੱਤਰ ਪੁਨੀਤ ਨੇ ਕਿਹਾ ਕਿ  ਮੈਂ ਆਪਣੇ ਮੁਸਲਿਮ ਭਰਾਵਾਂ ਦਾ ਇਸ ਮੁਸ਼ਕਲ ਸਮੇਂ' ਚ ਦਿੱਤੀ ਸਹਾਇਤਾ ਲਈ ਹਮੇਸ਼ਾਂ ਸ਼ੁਕਰਗੁਜ਼ਾਰ ਰਹਾਂਗਾ।

 

 
First published: May 14, 2020
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading