LOCKDOWN : ਅਨੌਖਾ ਨਜਾਰਾ, ਸਵੇਰ ਦੀ ਸੈਰ ‘ਤੇ ਨਿਕਲਿਆ ਸ਼ੇਰਾਂ ਦਾ ਝੁੰਡ

ਕੋਰੋਨਾਵਾਇਰਸ ਦੇ ਸੰਕਰਮਣ ਨੂੰ ਰੋਕਣ ਲਈ ਵਿਸ਼ਵ ਦੇ ਕਈ ਦੇਸ਼ਾਂ ਵਿੱਚ ਲਾਕਡਾਉਨ ਲਾਗੂ ਹੈ। ਅਜਿਹੀ ਸਥਿਤੀ ਵਿੱਚ ਲੋਕ ਘਰਾਂ ਤੋਂ ਬਾਹਰ ਨਹੀਂ ਜਾ ਰਹੇ ਹਨ। ਸੜਕਾਂ 'ਤੇ ਚੁੱਪ ਪਸਰੀ ਹੈ। ਜੰਗਲੀ ਜਾਨਵਰਾਂ ਨੇ ਇਸਦਾ ਫਾਇਦਾ ਲੈਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਉਨ੍ਹਾਂ ਨੂੰ ਵੀ ਸੁਤੰਤਰ ਤੌਰ ਤੇ ਰਹਿਣ ਦਾ ਮੌਕਾ ਮਿਲਿਆ ਹੈ। ਅਜਿਹਾ ਹੀ ਦ੍ਰਿਸ਼ ਦੱਖਣੀ ਅਫਰੀਕਾ ਦੇ ਕ੍ਰੂਗਰ ਨੈਸ਼ਨਲ ਪਾਰਕ ਦੇ ਨੇੜੇ ਮਿਲਿਆ। ਸ਼ੇਰਾਂ ਦਾ ਇੱਕ ਝੁੰਡ ਝਪਕੀਆਂ ਲੈਣ ਲਈ ਸੜਕਾਂ ‘ਤੇ ਪੁਜਿਆ।



ਇਹ ਅਨੋਖਾ ਦ੍ਰਿਸ਼ ਨੈਸ਼ਨਲ ਪਾਰਕ ਦੇ ਰੇਂਜਰ ਰਿਚਰਡ ਸੇਵਰੀ ਨੇ ਕੈਮਰੇ ਵਿਚ ਕੈਦ ਕੀਤਾ ਗਿਆ ਹੈ। ਪਾਰਕ ਦੀਆਂ ਸੜਕਾਂ 'ਤੇ ਆਮ ਤੌਰ 'ਤੇ ਸੈਲਾਨੀਆਂ ਦੀ ਭੀੜ ਹੁੰਦੀ ਹੈ। ਪਰ ਇਹ ਪਾਰਕ ਤਾਲਾਬੰਦੀ ਕਾਰਨ 25 ਮਾਰਚ ਤੋਂ ਬੰਦ ਹੈ। ਇੱਥੇ ਇਹ ਸ਼ੇਰ ਅਕਸਰ ਸੜਕ ਤੇ ਰਾਤ ਨੂੰ ਦਿਖਾਈ ਦਿੰਦੇ ਹਨ ਪਰ ਸੜਕਾਂ ਨੂੰ ਖਾਲੀ ਦੇਖਦਿਆਂ ਇਹ ਝੁੰਡ ਦਿਨ ਵਿਚ ਹੀ ਸੜਕ ਤੇ ਪਹੁੰਚ ਗਿਆ ਅਤੇ ਸ਼ੇਰ ਘੰਟਿਆਂ ਬੱਧੀ ਅਰਾਮ ਕਰਦੇ ਰਹੇ।

Even as the sun rises, without all our human visitors, the urge to sing the 'lion sleeps tonight' is just a whim away, a whim away, a whim away!
📸 ©️ Jean Rossouw; Skukuza Golf Club , Kruger National Park@SANParks pic.twitter.com/M9XiagVqjX

— Kruger National Park (@SANParksKNP) April 13, 2020

ਪਾਰਕ ਦੇ ਰੇਂਜਰ ਰਿਚਰਡ ਸੇਵਰੀ ਤਾਲਾਬੰਦੀ ਦੇ ਬਾਵਜੂਦ ਜਾਨਵਰਾਂ ਦੀ ਦੇਖਭਾਲ ਕਰ ਰਿਹਾ ਹੈ। ਸੌਵਰੀ ਇਨ੍ਹਾਂ ਦ੍ਰਿਸ਼ਾਂ ਨੂੰ ਵੇਖ ਕੇ ਹੈਰਾਨ ਰਹਿ ਗਏ। ਉਹ ਸੜਕ 'ਤੇ ਅੱਗੇ ਨਹੀਂ ਵਧੇ ਅਤੇ ਪੰਜ ਗਜ਼ ਦੀ ਦੂਰੀ' ਤੇ ਸ਼ੇਰ ਨੂੰ ਵੇਖਦੇ ਰਹੇ। ਉਸਦੇ ਅਨੁਸਾਰ ਠੰਡੇ ਦਿਨਾਂ ਵਿੱਚ, ਰਾਤ ਨੂੰ ਸ਼ੇਰ ਸੜਕ ਤੇ ਦਿਖਾਈ ਦਿੰਦੇ ਹਨ ਕਿਉਂਕਿ ਸੜਕਾਂ ਲੰਬੇ ਸਮੇਂ ਤੱਕ ਗਰਮ ਰਹਿੰਦੀਆਂ ਹਨ।

ਦੱਸਣਯੋਗ ਹੈ ਕਿ ਸਾਊਥ ਅਫਰੀਕਾ ਵਿਚ ਹੁਣ ਤੱਕ ਕੋਰੋਨਾ ਵਾਇਰਸ ਨਾਲ 34 ਲੋਕਾਂ ਦੀ ਮੌਤ ਹੋਈ ਹੈ ਅਤੇ ਢਾਈ ਹਜ਼ਾਰ ਤੋਂ ਜ਼ਿਆਦਾ ਲੋਕਾ ਪਾਜੀਵਿਟ ਹਨ।