ਲਾੜੀ ਨਿਕਲੀ ਕੋਰੋਨਾ ਪਾਜੀਟਿਵ, ਲਾੜਾ ਅਤੇ ਪੰਡਤ ਸਣੇ 32 ਕੁਆਰੰਟੀਨ

ਭੋਪਾਲ ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਦੇ ਰੈੱਡ ਜ਼ੋਨ ਵਿਚ ਹੋਏ ਵਿਆਹ ਨੇ ਦੋ ਜ਼ਿਲ੍ਹਿਆਂ ਨੂੰ ਬਿਪਤਾ ਪਾ ਦਿੱਤੀ ਹੈ। ਵਿਆਹ ਦੇ ਤੀਜੇ ਦਿਨ, ਦੁਲਹਨ ਦੀ ਕੋਰੋਨਾ ਰਿਪੋਰਟ ਪਾਜੀਟਿਵ ਆਈ। ਇਸ ਤੋਂ ਬਾਅਦ ਲਾੜੇ ਸਮੇਤ ਵਿਆਹ ਵਿੱਚ ਸ਼ਾਮਲ 32 ਲੋਕਾਂ ਨੂੰ ਤੁਰੰਤ ਘਰ ਵਿਚ ਕੁਆਰੰਟੀਨ ਕੀਤਾ ਗਿਆ। ਰੈੱਡ ਜ਼ੋਨ ਵਾਲੀ ਭੋਪਾਲ ਦੀ ਲੜਕੀ ਵਿਆਹ ਕੇ ਗ੍ਰੀਨ ਜ਼ੋਨ ਰਾਏਸਨ ਦੇ ਮੰਡਦੀਪ ਗਈ ਸੀ। ਇਸ ਲਈ ਰਾਇਸਨ ਵਿੱਚ ਹੜਕੰਪ ਹੋਇਆ ਹੈ। ਏਕਾਂਤਵਾਸ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਕਿ ਉਹ ਕਿੰਨੇ ਹੋਰ ਲੋਕਾਂ ਦੇ ਸੰਪਰਕ ਵਿੱਚ ਆਏ ਸਨ। ਅਜਿਹੀ ਸਥਿਤੀ ਵਿਚ ਕੋਰੋਨਾ ਚੇਨ ਬਣਨ ਦਾ ਖ਼ਤਰਾ ਵੀ ਪੈਦਾ ਹੋ ਗਿਆ ਹੈ।

ਮਾਮਲਾ ਰਾਜਧਾਨੀ ਭੋਪਾਲ ਦੇ ਜਾਟ ਖੇੜੀ ਦਾ ਹੈ। ਇਥੇ ਰਹਿਣ ਵਾਲੀ ਲੜਕੀ ਦਾ ਸੋਮਵਾਰ ਨੂੰ ਵਿਆਹ ਹੋਇਆ ਸੀ। ਬਰਾਤ ਰਾਜਧਾਨੀ ਦੇ ਨਾਲ ਲੱਗਦੇ ਰਾਏਸਨ ਜ਼ਿਲੇ ਦੇ ਮੰਡਦੀਪ ਤੋਂ ਆਈ ਸੀ। ਲੜਕੀ ਨੂੰ 7 ਦਿਨ ਪਹਿਲਾਂ ਬੁਖਾਰ ਹੋਇਆ ਸੀ, ਜੋ ਦਵਾਈ ਲੈਣ ਤੋਂ ਬਾਅਦ ਉਤਰ ਗਿਆ ਸੀ। ਹਾਲਾਂਕਿ ਸਾਵਧਾਨੀ ਲੈਂਦਿਆਂ, ਪਰਿਵਾਰ ਨੇ ਸ਼ਨੀਵਾਰ ਨੂੰ ਉਸ ਦਾ ਨਮੂਨਾ ਜਾਂਚ ਲਈ ਭੇਜਿਆ, ਪਰ ਇਸ ਦੌਰਾਨ ਸੋਮਵਾਰ ਨੂੰ ਮੁਟਿਆਰ ਦੀ ਸ਼ਾਦੀ ਹੋ ਗਈ। ਤੀਜੇ ਦਿਨ ਬੁੱਧਵਾਰ ਨੂੰ ਰਿਪੋਰਟ ਸਾਹਮਣੇ ਆਈ, ਜਿਸ ਵਿਚ ਲਾੜੀ ਕੋਰੋਨਾ ਪਾਜੀਟਿਨ ਨਿਕਲੀ। ਜਿਵੇਂ ਹੀ ਲਾੜੀ ਦੇ ਕੋਰੋਨਾ ਹੋਣ ਦੀ ਖ਼ਬਰ ਮਿਲੀ, ਘਰ ਅਤੇ ਬਾਹਰ ਦੋਵੇਂ ਪਾਸੇ ਹੜਕੰਮ ਮਚ ਗਿਆ।

ਲਾੜੀ ਅਤੇ ਲਾੜੇ ਦੇ ਸੰਪਰਕ ਵਿਚ ਆਏ ਸੱਸ ਅਤੇ ਸਹੁਰੇ ਦੋਵਾਂ ਧਿਰਾਂ ਦੇ 32 ਵਿਅਕਤੀਆਂ ਨੂੰ ਤੁਰੰਤ ਏਕਾਂਤਵਾਸ ਕਰ ਦਿੱਤਾ ਹੈ। ਵਿਆਹ ਕਰਵਾਉਣ ਵਾਲੇ ਪੰਡਿਤ ਜੀ ਵੀ ਹੁਣ ਕੁਆਰੰਟੀਨ ਵਿੱਚ ਹੈ। ਸਾਰਿਆਂ ਦੇ ਨਮੂਨੇ ਲਏ ਗਏ ਹਨ, ਜਿਨ੍ਹਾਂ ਦੀ ਰਿਪੋਰਟ ਇਕ ਜਾਂ ਦੋ ਦਿਨਾਂ ਵਿਚ ਮਿਲੇਗੀ।