Home /News /coronavirus-latest-news /

ਸ਼ਿਵਸੈਨਾ ਨੇ ਉਡਾਇਆ ਸੋਨੂੰ ਸੂਦ ਦਾ ਮਜ਼ਾਕ, ਕਿਹਾ-ਕੋਰੋਨਾ ਦੌਰਾਨ ਇਕ ਨਵਾਂ 'ਮਹਾਤਮਾ' ਆ ਗਿਆ...

ਸ਼ਿਵਸੈਨਾ ਨੇ ਉਡਾਇਆ ਸੋਨੂੰ ਸੂਦ ਦਾ ਮਜ਼ਾਕ, ਕਿਹਾ-ਕੋਰੋਨਾ ਦੌਰਾਨ ਇਕ ਨਵਾਂ 'ਮਹਾਤਮਾ' ਆ ਗਿਆ...

  • Share this:

ਇਨ੍ਹੀਂ ਦਿਨੀਂ ਪ੍ਰਵਾਸੀ ਮਜ਼ਦੂਰਾਂ ਦਾ ਸਭ ਤੋਂ ਵੱਡਾ ਹੀਰੋ ਹੈ, ਫਿਲਮ ਅਦਾਕਾਰ ਸੋਨੂੰ ਸੂਦ। ਇਸ ਅਦਾਕਾਰ ਨੇ ਲੱਖਾਂ ਮਜ਼ਦੂਰਾਂ ਨੂੰ ਤਾਲਾਬੰਦੀ ਦੌਰਾਨ ਆਪਣੇ ਖਰਚੇ ਉਤੇ ਵਾਪਸ ਘਰ ਭੇਜਿਆ। ਸੋਨੂੰ ਦੀ ਮਾਨਵਤਾ ਦੀ ਮਿਸਾਲ ਦੀ ਚਰਚਾ ਨਾ ਸਿਰਫ ਮੁੰਬਈ, ਬਲਕਿ ਦੇਸ਼ ਦੇ ਹਰ ਕੋਨੇ ਵਿਚ ਹੈ। ਪਰ ਅਜਿਹਾ ਲੱਗਦਾ ਹੈ ਕਿ ਮਹਾਰਾਸ਼ਟਰ ਵਿਚ ਸੱਤਾਧਾਰੀ ਸ਼ਿਵਸੈਨਾ ਸੋਨੂੰ ਸੂਦ ਦੇ ਕੰਮ ਨੂੰ ਪਸੰਦ ਨਹੀਂ ਕਰ ਰਹੀ ਹੈ। ਪਾਰਟੀ ਨੇ ਸੂਦ ਨੂੰ ਨਿਸ਼ਾਨਾ ਬਣਾਉਂਦਿਆਂ ਆਪਣੇ ਮੁੱਖ ਪੱਤਰ ‘ਸਾਮਨਾ’ ਵਿੱਚ ਸੂਦ ਦਾ ਮਜ਼ਾਕ ਉਡਾਇਆ ਹੈ। ਲਿਖਿਆ ਗਿਆ ਹੈ ਕਿ ਜਲਦੀ ਹੀ ਉਹ ਪ੍ਰਧਾਨ ਮੰਤਰੀ ਮੋਦੀ ਨੂੰ ਮਿਲਣਗੇ ਅਤੇ ਮੁੰਬਈ ਦੇ ਸੈਲੇਬਰਿਟੀ ਮੈਨੇਜਰ ਬਣਨਗੇ।

ਸੋਨੂੰ ਨੂੰ 'ਮਹਾਤਮਾ ਸੂਦ' ਕਿਹਾ...

ਸੰਪਾਦਕੀ ਵਿਚ ਸ਼ਿਵ ਸੈਨਾ ਨੇਤਾ ਸੰਜੇ ਰਾਓਤ ਨੇ ਲਿਖਿਆ ਹੈ ਕਿ ਕੋਰੋਨਾ ਵਾਇਰਸ ਦੌਰਾਨ ਇਕ ਨਵਾਂ 'ਮਹਾਤਮਾ' ਆ ਗਿਆ ਹੈ, ਜਿਸ ਨੂੰ ਲੋਕ ਸੋਨੂੰ ਸੂਦ ਕਹਿੰਦੇ ਹਨ। ਰਾਓਤ ਨੇ ਲਿਖਿਆ, 'ਇਹ ਕਿਹਾ ਜਾ ਰਿਹਾ ਹੈ ਕਿ ਇਸ ਅਭਿਨੇਤਾ ਨੇ ਲੱਖਾਂ ਪ੍ਰਵਾਸੀਆਂ ਨੂੰ ਆਪਣੇ ਰਾਜਾਂ ਵਿਚ ਭੇਜਿਆ। ਮਹਾਰਾਸ਼ਟਰ ਦੇ ਰਾਜਪਾਲ ਨੇ ਵੀ ‘ਮਹਾਤਮਾ ਸੂਦ’ ਦੀ ਪ੍ਰਸ਼ੰਸਾ ਕੀਤੀ ਹੈ। ਅਜਿਹਾ ਲਗਦਾ ਹੈ ਕਿ ਕੇਂਦਰ ਅਤੇ ਰਾਜ ਦੀਆਂ ਸਰਕਾਰਾਂ ਪ੍ਰਵਾਸੀਆਂ ਨੂੰ ਭੇਜਣ ਲਈ ਕੋਈ ਕੰਮ ਨਹੀਂ ਕਰ ਰਹੀਆਂ ਹਨ। ਰਾਓਤ ਨੇ ਇਹ ਸਵਾਲ ਵੀ ਉਠਾਇਆ ਹੈ ਕਿ ਜਦੋਂ ਰਾਜ ਦੀਆਂ ਸਰਕਾਰਾਂ ਪ੍ਰਵਾਸੀਆਂ ਨੂੰ ਆਉਣ ਦੀ ਆਗਿਆ ਨਹੀਂ ਦੇ ਰਹੀਆਂ, ਤਾਂ ਉਹ ਕਿੱਥੇ ਜਾ ਰਹੀਆਂ ਹਨ।

ਸੂਦ ਅਤੇ ਰਾਜਪਾਲ ਦੀ ਮੁਲਾਕਾਤ

ਦੱਸ ਦਈਏ ਕਿ 31 ਮਈ ਨੂੰ ਸੋਨੂੰ ਸੂਦ ਮਹਾਰਾਸ਼ਟਰ ਦੇ ਰਾਜਪਾਲ ਭਗਤ ਸਿੰਘ ਕੋਸ਼ਰੀ ਨੂੰ ਮਿਲਣ ਰਾਜ ਭਵਨ ਗਏ ਸਨ। ਮੁਲਾਕਾਤ ਦੌਰਾਨ ਉਨ੍ਹਾਂ ਨੇ ਸੂਦ ਦੇ ਕੰਮਾਂ ਦੀ ਪ੍ਰਸ਼ੰਸਾ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਪੂਰਾ ਸਮਰਥਨ ਦੇਣ ਦੀ ਗੱਲ ਵੀ ਕੀਤੀ ਗਈ। ਇਸ ਤੋਂ ਬਾਅਦ ਕਿਆਸ ਲਗਾਏ ਜਾ ਰਹੇ ਸਨ ਕਿ ਸੋਨੂੰ ਸੂਦ ਜਲਦੀ ਹੀ ਭਾਜਪਾ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਹਾਲਾਂਕਿ ਉਸ ਨੇ ਗਲਫ ਨਿਊਜ਼ ਨਾਲ ਗੱਲਬਾਤ ਦੌਰਾਨ ਇਨ੍ਹਾਂ ਖਬਰਾਂ ਤੋਂ ਇਨਕਾਰ ਕੀਤਾ, ਉਸ ਨੇ ਕਿਹਾ ਕਿ ਉਸ ਨੂੰ ਨਿਸ਼ਚਤ ਰੂਪ ਵਿੱਚ ਪੇਸ਼ਕਸ਼ ਮਿਲੀ ਹੈ ਪਰ ਉਹ ਰਾਜਨੀਤੀ ਵਿੱਚ ਕੋਈ ਦਿਲਚਸਪੀ ਨਹੀਂ ਰੱਖਦਾ।

Published by:Gurwinder Singh
First published:

Tags: Coronavirus, COVID-19, Sonu Sood, Unlock 1.0