ਚੰਡੀਗੜ੍ਹ : 70 ਫੀਸਦੀ ਬੱਚਿਆਂ ਨੂੰ ਪਹਿਲਾਂ ਹੀ ਕਰੋਨਾ ਹੋ ਚੁੱਕਾ ਹੈ। ਜੀ ਹਾਂ ਇਹ ਹੈਰਾਨਕੁਨ ਖੁਲਾਸ ਪੀਜੀਆਈ ਚੰਡੀਗੜ੍ਹ ਦੀ ਇੱਕ ਸਟੱਡੀ ਤੋਂ ਹੋਇਆ ਹੈ। ਬੱਚਿਆਂ ਵਿੱਚ ਐਂਟੀਬਾਡੀਜ ਦਾ ਪਤਾ ਲਗਾਉਣ ਲਈ ਪੀਜੀਆਈ ਚੰਡੀਗੜ੍ਹ ਵੱਲੋਂ ਸ਼ੁਰੂ ਕੀਤੇ ਗਏ ਸੇਰੋ ਸਰਵੇ ਦੇ ਮੁੱਖ ਨਤੀਜੇ ਹੈਰਾਨ ਕਰਨ ਵਾਲੇ ਹਨ। ਹੁਣ ਤੱਕ 6 ਤੋਂ 18 ਸਾਲ ਦੇ ਬੱਚਿਆਂ ਦੇ 756 ਨਮੂਨਿਆਂ ਦੇ ਨਤੀਜਿਆਂ ਵਿੱਚ 519 ਬੱਚਿਆਂ ਵਿੱਚ ਐਂਟੀਬਾਡੀਜ਼ ਪਾਈਆਂ ਗਈਆਂ ਹਨ। ਇਸਦਾ ਸਿੱਧਾ ਅਰਥ ਹੈ ਕਿ ਇਹ ਬੱਚੇ ਪਹਿਲੀ ਅਤੇ ਦੂਜੀ ਲਹਿਰ ਵਿੱਚ ਸੰਕਰਮਿਤ ਹੋਏ ਸਨ। ਪੀਜੀਆਈ ਦੇ ਅਨੁਸਾਰ, ਚੰਡੀਗੜ੍ਹ ਦੀ ਧਨਸ, ਮਲੋਆ ਅਤੇ ਕਜਹੇਰੀਆਂ ਵਰਗੀਆਂ ਕਾਲੋਨੀਆਂ ਵਿੱਚ 73 ਪ੍ਰਤੀਸ਼ਤ ਤੋਂ ਵੱਧ ਬੱਚਿਆਂ ਵਿੱਚ ਐਂਟੀਬਾਡੀਜ਼ ਪਾਈਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਮੁੜ ਵਧੇ ਕੋਰੋਨਾ ਦੇ ਕੇਸ, 24 ਘੰਟਿਆਂ 'ਚ 43733 ਨਵੇਂ ਕੇਸ ਆਏ, 930 ਦੀ ਮੌਤ
ਇਸ ਤੋਂ ਇਲਾਵਾ ਚੰਡੀਗੜ੍ਹ ਦੇ ਸੈਕਟਰ 22, 36, 11 ਅਤੇ 24 ਵਰਗੇ ਸੈਕਟਰਾਂ ਵਿੱਚ ਬੱਚਿਆਂ ਵਿੱਚ 65 ਪ੍ਰਤੀਸ਼ਤ ਐਂਟੀਬਾਡੀਜ਼ ਪਾਈਆਂ ਗਈਆਂ ਹਨ। ਪੀਜੇਆਈ ਨੇ ਇਸ ਸਰਵੇਖਣ ਵਿਚ ਸੀ ਐਲ ਆਈ ਏ ਮਸ਼ੀਨ ਦੀ ਵਰਤੋਂ ਕੀਤੀ ਹੈ। ਨਤੀਜੇ ਜਲਦੀ ਆਉਂਦੇ ਹਨ। ਇਹ ਮਸ਼ੀਨਾਂ ਪੀਜੀਆਈ ਦੇ ਵਾਇਰਲੌਜੀ ਵਿਭਾਗ ਵਿੱਚ ਮੌਜੂਦ ਹਨ। ਪੀਜੀਆਈ ਨੇ ਸਰਵੇਖਣ ਲਈ ਟੀਮਾਂ ਨੂੰ 4 ਸਮੂਹਾਂ ਵਿੱਚ ਵੰਡਿਆ ਹੈ। ਫੀਲਡ ਜਾਂਚਕਰਤਾ ਨਮੂਨਿਆਂ ਲਈ ਘਰਾਂ ਦਾ ਦੌਰਾ ਕਰਦੇ ਹਨ, ਜਦੋਂ ਕਿ ਲੈਬ ਟੈਕਨੀਸ਼ੀਅਨ ਵਿਭਾਗ ਵਿਚ ਆਪਣਾ ਕੰਮ ਸੰਭਾਲਦੇ ਹਨ।
ਪੀਜੀਆਈ ਨੂੰ ਕੁੱਲ 2700 ਨਮੂਨਿਆਂ ਦਾ ਡਾਟਾ ਜਮ੍ਹਾ ਕਰਨਾ ਹੈ
ਹਾਲਾਂਕਿ, ਇਹ ਮੁੱਢਲੇ ਨਤੀਜੇ ਹਨ ਕਿਉਂਕਿ ਪੀਜੇਆਈ ਨੂੰ ਕੁਲ 2700 ਨਮੂਨਿਆਂ ਲਈ ਡਾਟਾ ਇਕੱਠਾ ਕਰਨਾ ਹੈ। ਸੰਭਾਵਤ ਤੀਜੀ ਲਹਿਰ ਦੇ ਆਉਣ ਤੋਂ ਪਹਿਲਾਂ, ਚੰਡੀਗੜ੍ਹ ਦਾ ਇਹ ਸਰੋ ਸਰਵੇ ਬੱਚਿਆਂ ਲਈ ਰਾਹਤ ਦਾ ਸਬੱਬ ਹੈ। ਪੀਜੀਆਈ ਦੇ ਡਾਇਰੈਕਟਰ ਜਗਤ ਰਾਮ ਦੇ ਅਨੁਸਾਰ, ਤੀਜੀ ਲਹਿਰ ਨਾ ਸਿਰਫ ਬੱਚਿਆਂ, ਬਲਕਿ ਬਾਕੀ ਲੋਕਾਂ ਨੂੰ ਵੀ ਪ੍ਰਭਾਵਤ ਕਰੇਗੀ।
ਅਗਸਤ ਵਿੱਚ ਤੀਜੀ ਲਹਿਰ ਆਉਣ ਦੇ ਦਾਅਵੇ
ਤੁਹਾਨੂੰ ਦੱਸ ਦੇਈਏ ਕਿ ਐਸਬੀਆਈ ਰਿਸਰਚ ਦੀ ਰਿਪੋਰਟ ਵਿੱਚ ਅਗਸਤ ਵਿੱਚ ਤੀਜੀ ਲਹਿਰ ਦਾ ਦਾਅਵਾ ਕੀਤਾ ਗਿਆ ਹੈ। ‘ਕੋਵਿਡ -19: ਦਿ ਰੇਸ ਟੂ ਫਿਨਿਸ਼ਿੰਗ ਲਾਈਨ’ ਦੇ ਨਾਂ ਹੇਠ ਪ੍ਰਕਾਸ਼ਤ ਇਸ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਤੀਜੀ ਲਹਿਰ ਦਾ ਸਿਖਰ ਸਤੰਬਰ ਵਿੱਚ ਆ ਜਾਵੇਗਾ। ਕੋਰੋਨਾ ਦੀ ਸਥਿਤੀ ਬਾਰੇ ਐਸਬੀਆਈ ਖੋਜ ਰਿਪੋਰਟ ਵਿੱਚ, ਇਹ ਕਿਹਾ ਗਿਆ ਸੀ ਕਿ ਦੂਜੀ ਲਹਿਰ ਦਾ ਸਿਖਰ ਮਈ ਦੇ ਤੀਜੇ ਹਫ਼ਤੇ ਵਿੱਚ ਆ ਜਾਵੇਗਾ। 6 ਮਈ ਨੂੰ ਭਾਰਤ ਵਿੱਚ ਲਾਗ ਦੇ ਤਕਰੀਬਨ 4,14,000 ਨਵੇਂ ਕੇਸ ਦਰਜ ਹੋਏ ਸਨ। ਇਹ ਇੱਕ ਦਿਨ ਵਿੱਚ ਮਹਾਂਮਾਰੀ ਦੇ ਦੌਰਾਨ ਸੰਕਰਮਿਤ ਹੋਣ ਦੀ ਸਭ ਤੋਂ ਵੱਧ ਸੰਖਿਆ ਸੀ। ਇਸ ਦੌਰਾਨ ਦਿੱਲੀ, ਮਹਾਰਾਸ਼ਟਰ ਅਤੇ ਕੇਰਲ ਵਰਗੇ ਵੱਡੇ ਰਾਜਾਂ ਵਿਚ ਸਥਿਤੀ ਬਹੁਤ ਖਰਾਬ ਹੋ ਗਈ ਸੀ। ਰਿਪੋਰਟ ਦੇ ਅਨੁਸਾਰ, ਤੀਜੀ ਲਹਿਰ ਦੀ ਚੋਟੀ ਦੂਜੀ ਲਹਿਰ ਦੇ ਸਿਖਰ ਨਾਲੋਂ ਦੋ ਜਾਂ 1.7 ਗੁਣਾ ਵਧੇਰੇ ਹੋਵੇਗੀ।
ਬ੍ਰੇਕਿੰਗ ਖ਼ਬਰਾਂ ਪੰਜਾਬੀ \'ਚ ਸਭ ਤੋਂ ਪਹਿਲਾਂ News18 ਪੰਜਾਬੀ \'ਤੇ। ਤਾਜ਼ਾ ਖਬਰਾਂ, ਲਾਈਵ ਅਪਡੇਟ ਖ਼ਬਰਾਂ, ਪੜ੍ਹੋ ਸਭ ਤੋਂ ਭਰੋਸੇਯੋਗ ਪੰਜਾਬੀ ਖ਼ਬਰਾਂ ਵੈਬਸਾਈਟ News18 ਪੰਜਾਬੀ \'ਤੇ।
Tags: Children, Corona vaccine, Coronavirus, COVID-19, Health