BB16 ਫੇਮ ਗੋਰੀ ਨਾਗੋਰੀ 'ਤੇ ਹਮਲਾ, ਸ਼ਿਕਾਇਤ ਕਰਨ 'ਤੇ ਪੁਲਿਸ ਵਾਲਿਆਂ ਨੇ ਸੈਲਫੀ ਲੈ ਕੇ ਭੇਜਿਆ ਘਰ

Gori Nagori Attacked in Ajmer: ਬਿੱਗ ਬੌਸ ਫੇਮ ਅਤੇ ਮਸ਼ਹੂਰ ਡਾਂਸ ਗੋਰੀ ਨਾਗੋਰੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਉਸ 'ਤੇ ਹਮਲਾ ਕੀਤਾ ਗਿਆ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਉਸ ਨੇ ਇਕ ਵੀਡੀਓ ਦੇ ਨਾਲ ਇਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਸ ਨੇ ਆਪਣੇ ਜੀਜਾ ਅਤੇ ਉਸ ਦੇ ਦੋਸਤਾਂ 'ਤੇ ਕੁੱਟਮਾਰ ਦਾ ਦੋਸ਼ ਲਗਾਇਆ ਹੈ। ਗੋਰੀ ਨਾਗੌਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਟੀਮ 'ਤੇ ਵੀ ਹਮਲਾ ਹੋਇਆ ਸੀ। ਹਮਲੇ ਦੀ ਵੀਡੀਓ real_gorinagori ਨਾਮ ਦੇ ਇੱਕ ਇੰਸਟਾ ਅਕਾਊਂਟ ਨੇ ਵੀ ਸ਼ੇਅਰ ਕੀਤੀ ਹੈ। ਵੀਡੀਓ 'ਚ ਕੁਝ ਜ਼ਖਮੀ ਲੋਕਾਂ ਨੂੰ ਵੀ ਦੇਖਿਆ ਜਾ ਸਕਦਾ ਹੈ। ਵੀਡੀਓ 'ਚ ਗੋਰੀ ਨਾਗੌਰੀ ਨੇ ਉਨ੍ਹਾਂ 'ਤੇ ਹਮਲਾ ਕਰਨ ਵਾਲੇ ਕੁਝ ਲੋਕਾਂ ਦੇ ਨਾਂ ਵੀ ਲਏ ਹਨ।

ਗੋਰੀ ਨੇ ਸਾਂਝੀ ਕੀਤੀ ਵੀਡੀਓ ਵਿੱਚ ਕਿਹਾ “ਹੈਲੋ ਦੋਸਤੋ, ਮੈਂ ਤੁਹਾਡੀ ਗੋਰੀ ਹਾਂ। ਮੈਂ ਇਹ ਵੀਡੀਓ ਅਪਲੋਡ ਕਰ ਰਹੀ ਹਾਂ ਕਿ ਅੱਜ ਮੇਰੇ ਨਾਲ ਕੀ ਵਾਪਰਿਆ, 22 ਮਈ ਨੂੰ ਮੇਰੀ ਭੈਣ ਦਾ ਵਿਆਹ ਸੀ। ਜਿਵੇਂ ਕਿ ਮੈਂ ਮੇਰਟਾ ਸ਼ਹਿਰ ਵਿੱਚ ਰਹਿੰਦੀ ਹਾਂ ਅਤੇ ਮੇਰੇ ਪਿਤਾ ਅਤੇ ਭਰਾ ਉੱਥੇ ਨਹੀਂ ਹਨ। ਮੇਰੇ ਇੱਕ ਵੱਡੇ ਜੀਜਾ ਜਾਵੇਦ ਹੁਸੈਨ ਹਨ ਕਿਹਾ ਕਿ ਜੇਕਰ ਤੁਸੀਂ ਕਿਸ਼ਨਗੜ੍ਹ ਵਿੱਚ ਵਿਆਹ ਲਈ ਆਓ ਤਾਂ ਮੈਂ ਸਾਰਾ ਪ੍ਰਬੰਧ ਕਰ ਦਿਆਂਗਾ। ਇਸ ਲਈ, ਮੈਂ ਉਸ ਦੇ ਕਹਿਣ 'ਤੇ ਕਿਸ਼ਨਗੜ੍ਹ ਆਉਣ ਲਈ ਰਾਜ਼ੀ ਹੋ ਗਈ ਅਤੇ ਮੈਨੂੰ ਨਹੀਂ ਪਤਾ ਸੀ ਕਿ ਇਹ ਮੈਨੂੰ ਕਿਸ਼ਨਗੜ੍ਹ ਬੁਲਾਉਣ ਦੀ ਸਾਜ਼ਿਸ਼ ਸੀ। ਮੇਰੇ ਜੀਜਾ ਅਤੇ ਉਸਦੇ ਦੋਸਤਾਂ ਨੇ ਮੇਰੀ ਟੀਮ 'ਤੇ ਬਹੁਤ ਬੁਰੀ ਤਰ੍ਹਾਂ ਹਮਲਾ ਕੀਤਾ।"

View this post on Instagram

A post shared by Official_Gori_Nagori (@real_gorinagori)

ਇਹ ਘਟਨਾ ਅਜਮੇਰ ਦੇ ਗੇਗਲ ਥਾਣਾ ਖੇਤਰ ਦੀ ਦੱਸੀ ਜਾ ਰਹੀ ਹੈ। ਗੋਰੀ ਨਾਗੌਰੀ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਸ਼ੇਅਰ ਕਰਕੇ ਮਦਦ ਦੀ ਅਪੀਲ ਕੀਤੀ ਹੈ। ਉਸ ਨੇ ਦੋਸ਼ ਲਾਇਆ ਹੈ ਕਿ ਜਦੋਂ ਉਹ ਥਾਣੇ ਪਹੁੰਚੀ ਤਾਂ ਉਸ ਦੀ ਸ਼ਿਕਾਇਤ ਦਰਜ ਨਹੀਂ ਕੀਤੀ ਗਈ। ਇਸ ਦੇ ਨਾਲ ਹੀ ਪੁਲਿਸ ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰਦਿਆਂ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰਨ ਦੀ ਗੱਲ ਕਹੀ ਹੈ।

ਗੋਰੀ ਨਾਗੌਰੀ ਨੇ ਆਪਣੀ ਪੋਸਟ 'ਚ ਪੁਲਿਸ ਬਾਰੇ ਲਿਖਿਆ, 'ਜਦੋਂ ਮੈਂ ਸ਼ਿਕਾਇਤ ਲੈ ਕੇ ਥਾਣੇ ਗਈ ਤਾਂ ਸ਼ਿਕਾਇਤ ਦਰਜ ਨਹੀਂ ਹੋਈ। ਉਹਨਾਂ ਨੇ ਕਿਹਾ ਕਿ ਘਰ ਦੀ ਗੱਲ ਹੈ। ਘਰ ਵਿੱਚ ਹੀ ਨਜਿੱਠਣ। ਪੁਲਿਸ ਵਾਲਿਆਂ ਨੇ ਉਸ ਨੂੰ ਕਾਫੀ ਦੇਰ ਤੱਕ ਬਿਠਾ ਕੇ ਰੱਖਿਆ ਅਤੇ ਸੈਲਫੀ ਲੈਣ ਲਈ ਕਿਹਾ।