FIR ਮਗਰੋਂ ਜਾਵੇਦ ਅਖਤਰ ਦੀ ਮੈਜਿਸਟ੍ਰੇਟ ਕੋਰਟ ‘ਚ ਸ਼ਿਕਾਇਤ ਦਰਜ, ਤਾਲਿਬਾਨ ਨਾਲ ਕੀਤੀ ਸੀ RSS ਦੀ ਤੁਲਨਾ

FIR ਮਗਰੋਂ ਜਾਵੇਦ ਅਖਤਰ ਦੀ ਮੈਜਿਸਟ੍ਰੇਟ ਕੋਰਟ ‘ਚ ਸ਼ਿਕਾਇਤ ਦਰਜ, ਤਾਲਿਬਾਨ ਨਾਲ ਕੀਤੀ ਸੀ RSS ਦੀ ਤੁਲਨਾ (file photo)

  • Share this:
    ਮੁੰਬਈ- ਹਿੰਦੀ ਫਿਲਮਾਂ ਦੇ ਮਸ਼ਹੂਰ ਪਟਕਥਾ ਲੇਖਕ, ਗੀਤਕਾਰ ਅਤੇ ਕਵੀ ਜਾਵੇਦ ਅਖਤਰ ਖਿਲਾਫ ਰਾਸ਼ਟਰੀ ਸਵੈਮ ਸੇਵਕ ਸੰਘ 'ਤੇ ਇਤਰਾਜ਼ਯੋਗ ਟਿੱਪਣੀ ਕਰਨ ਨੂੰ ਲੈ ਕੇ ਮੁੰਬਈ ਦੀ ਮੈਜਿਸਟ੍ਰੇਟ ਅਦਾਲਤ 'ਚ ਅਪਰਾਧਿਕ ਸ਼ਿਕਾਇਤ ਦਾਇਰ ਕੀਤੀ ਗਈ ਹੈ। ਦੋਸ਼ ਹੈ ਕਿ ਜਾਵੇਦ ਨੇ ਇਹ ਟਿੱਪਣੀ ਇੱਕ ਟੀਵੀ ਇੰਟਰਵਿਊ ਦੌਰਾਨ ਕੀਤੀ ਸੀ। ਇਸ ਕਥਿਤ ਟਿੱਪਣੀ ਨੂੰ ਲੈ ਕੇ ਇੱਕ ਵਕੀਲ ਨੇ ਮੁੰਬਈ ਦੀ ਇੱਕ ਅਦਾਲਤ ਵਿੱਚ ਅਰਜ਼ੀ ਦਿੱਤੀ ਹੈ। ਵਕੀਲ ਨੇ ਅਖਤਰ ਖਿਲਾਫ ਅਪਰਾਧਿਕ ਸ਼ਿਕਾਇਤ ਦਰਜ ਕਰਵਾਈ ਹੈ।

    ਇਸ ਤੋਂ ਪਹਿਲਾਂ ਮੁਲੁੰਡ ਦੀ ਮੈਟਰੋਪੋਲੀਟਨ ਮੈਜਿਸਟ੍ਰੇਟ ਅਦਾਲਤ ਵਿੱਚ ਅਖ਼ਤਰ ਖ਼ਿਲਾਫ਼ ਧਾਰਾ 499 (ਮਾਨਹਾਨੀ), 500 (ਮਾਨਹਾਨੀ ਦੀ ਸਜ਼ਾ) ਤਹਿਤ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਵਕੀਲ ਨੇ ਦਾਅਵਾ ਕੀਤਾ ਸੀ ਕਿ ਅਜਿਹੇ ਬਿਆਨ ਦੇ ਕੇ ਜਾਵੇਦ ਅਖਤਰ ਨੇ ਭਾਰਤੀ ਦੰਡਾਵਲੀ ਦੀ ਧਾਰਾ 499 ਅਤੇ 500 ਦੇ ਤਹਿਤ ਅਪਰਾਧ ਕੀਤਾ ਹੈ। ਉਨ੍ਹਾਂ ਅਖਤਰ ਦੀ ਟਿੱਪਣੀ ਨੂੰ "ਝੂਠ ਅਤੇ ਅਪਮਾਨਜਨਕ" ਕਿਹਾ ਸੀ। ਆਰਐਸਐਸ ਸਮਰਥਕ ਸ਼ਿਕਾਇਤਕਰਤਾ ਸੰਤੋਸ਼ ਦੂਬੇ ਨੇ ਕਿਹਾ ਕਿ ਜਾਵੇਦ ਅਖਤਰ ਨੇ ਸਿਆਸੀ ਲਾਭ ਲਈ ਆਰਐਸਐਸ ਦਾ ਨਾਮ ਘਸੀਟ ਕੇ ਸੰਗਠਨ ਨੂੰ ਬਦਨਾਮ ਕੀਤਾ ਹੈ। ਦੂਬੇ ਦਾ ਦਾਅਵਾ ਹੈ ਕਿ ਅਜਿਹਾ ਉਨ੍ਹਾਂ ਲੋਕਾਂ ਨੂੰ ਭਰਮਾਉਣ ਅਤੇ ਨਿਰਾਸ਼ ਕਰਨ ਲਈ ਕੀਤਾ ਜਾ ਰਿਹਾ ਹੈ, ਜਿਨ੍ਹਾਂ ਨੇ ਆਰਐਸਐਸ ਦੀ ਮੈਂਬਰਸ਼ਿਪ ਲਈ ਹੈ ਜਾਂ ਉਸ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹਨ।

    ਦੂਬੇ ਨੇ ਇਸ ਤੋਂ ਪਹਿਲਾਂ ਇਸੇ ਮਾਮਲੇ ਵਿੱਚ ਜਾਵੇਦ ਅਖ਼ਤਰ ਦੇ ਖ਼ਿਲਾਫ਼ ਮੁਲੁੰਡ ਪੁਲਿਸ ਸਟੇਸ਼ਨ ਵਿੱਚ ਧਾਰਾ 500 ਦੇ ਤਹਿਤ ਸ਼ਿਕਾਇਤ ਦਰਜ ਕਰਵਾਈ ਸੀ, ਜਿਸ ਉੱਤੇ ਪੁਲਿਸ ਨੇ ਨਾ-ਸਮਝਣਯੋਗ ਅਪਰਾਧ ਦਾ ਮਾਮਲਾ ਦਰਜ ਕੀਤਾ ਹੈ। ਪਿਛਲੇ ਮਹੀਨੇ ਸੰਤੋਸ਼ ਦੂਬੇ ਨੇ ਜਾਵੇਦ ਅਖਤਰ ਨੂੰ ਕਾਨੂੰਨੀ ਨੋਟਿਸ ਭੇਜ ਕੇ ਮੁਆਫੀ ਮੰਗਣ ਲਈ ਕਿਹਾ ਸੀ। ਮਹਾਰਾਸ਼ਟਰ ਦੀ ਇੱਕ ਠਾਣੇ ਅਦਾਲਤ ਵਿੱਚ ਜਾਵੇਦ ਅਖਤਰ ਦੇ ਖਿਲਾਫ ਮਾਣਹਾਨੀ ਦਾ ਕੇਸ ਦਾਇਰ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਅਦਾਲਤ ਨੇ ਨੋਟਿਸ ਜਾਰੀ ਕਰਨ ਦੇ ਆਦੇਸ਼ ਦਿੱਤੇ, ਜਿਨ੍ਹਾਂ ਦਾ ਜਵਾਬ 12 ਨਵੰਬਰ ਤੱਕ ਮੰਗਿਆ ਗਿਆ ਹੈ।
    Published by:Ashish Sharma
    First published: