Bunty Aur Babli 2: ਟ੍ਰੇਲਰ ਜਾਰੀ, ਮਨੋਰੰਜਨ ਅਤੇ ਕਾਮੇਡੀ ਨਾਲ ਭਰਪੂਰ ਹੋਵੇਗੀ ਪੁਰਾਣੇ ਤੇ ਨਵੇਂ ਬੰਟੀ ਬਬਲੀ ਦੀ ਲੜਾਈ

ਰਾਣੀ ਮੁਖਰਜੀ (Rani Mukerji) ਅਤੇ ਸੈਫ ਅਲੀ ਖਾਨ (Saif Ali Khan) ਦੀ ਆਉਣ ਵਾਲੀ ਫਿਲਮ 'ਬੰਟੀ ਔਰ ਬਬਲੀ 2' (Bunty Aur Babli 2) ਦਾ ਮਜ਼ੇਦਾਰ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਯਸ਼ਰਾਜ ਬੈਨਰ ਹੇਠ ਬਣੀ ਇਹ ਮਜ਼ਾਕੀਆ ਕਾਮੇਡੀ ਫਿਲਮ ਦੀਵਾਲੀ 2021 (Diwali 2021) ਮੌਕੇ ਰਿਲੀਜ਼ ਹੋਣ ਜਾ ਰਹੀ ਹੈ। ਜਿੱਥੇ ਇੱਕ ਪਾਸੇ ਪੁਰਾਣੇ ਬੰਟੀ ਅਤੇ ਬਬਲੀ ਰਾਣੀ ਅਤੇ ਸੈਫ ਹਨ, ਦੂਜੇ ਪਾਸੇ ਸਿਧਾਂਤ ਚਤੁਰਵੇਦੀ ਅਤੇ ਸ਼ਰਵਰੀ ਨਵੇਂ ਬੰਟੀ-ਬਬਲੀ ਬਣ ਕੇ ਲੋਕਾਂ ਨੂੰ ਲੁੱਟਣ ਆ ਰਹੇ ਹਨ। ਪਿਛਲੀ ਬੰਟੀ ਔਰ ਬਬਲੀ ਵਿੱਚ ਜਿੱਥੇ ਅਮਿਤਾਭ ਬੱਚਨ ਇਨ੍ਹਾਂ ਠੱਗਾਂ ਨੂੰ ਫੜਦੇ ਨਜ਼ਰ ਆਏ ਸਨ, ਇਸ ਵਾਰ ਪੰਕਜ ਤ੍ਰਿਪਾਠੀ ਪੁਲਿਸ ਵਾਲੇ ਦੀ ਭੂਮਿਕਾ ਨਿਭਾਉਣ ਜਾ ਰਹੇ ਹਨ।

ਫਿਲਮ ਦਾ ਟ੍ਰੇਲਰ ਕੁਝ ਸਮਾਂ ਪਹਿਲਾਂ ਰਿਲੀਜ਼ ਕੀਤਾ ਗਿਆ ਹੈ। 2005 ਵਿੱਚ ਆਈ 'ਬੰਟੀ ਔਰ ਬਬਲੀ' ਦੀ ਬੰਟੀ- ਬਬਲੀ ਹੁਣ ਧੋਖਾਧੜੀ ਦਾ ਕਾਰੋਬਾਰ ਛੱਡ ਕੇ ਆਰਾਮਦਾਇਕ ਵਿਆਹੁਤਾ ਜੀਵਨ ਜੀ ਰਹੀ ਹੈ। ਮੁਸੀਬਤਾਂ ਉਦੋਂ ਆਉਂਦੀਆਂ ਹਨ ਜਦੋਂ ਬੰਟੀ ਅਤੇ ਬਬਲੀ, ਜੋ ਕਿ ਇਸ ਖੁਸ਼ਹਾਲ ਪਰਿਵਾਰ ਵਿੱਚ ਰਹਿੰਦੇ ਹਨ, ਨੂੰ ਦੂਜੇ ਬੰਟੀ ਅਤੇ ਬਬਲੀ ਬਾਰੇ ਪਤਾ ਚਲਦਾ ਹੈ ਜੋ ਇੱਕੋ ਨਾਮ ਨਾਲ ਦੁਨੀਆ ਨੂੰ ਧੋਖਾ ਦੇ ਰਹੇ ਹਨ। ਅਜਿਹੇ 'ਚ ਰਾਣੀ ਮੁਖਰਜੀ ਦ੍ਰਿੜ੍ਹ ਹੈ ਕਿ ਹੁਣ ਉਹ ਆਪਣੇ 'ਬ੍ਰਾਂਡ' ਦਾ ਇਸਤੇਮਾਲ ਕਰਕੇ ਕਿਸੇ ਨੂੰ ਵੀ ਧੋਖਾਧੜੀ ਦਾ ਕਾਰੋਬਾਰ ਨਹੀਂ ਕਰਨ ਦੇਵੇਗੀ।

ਇਸ ਵਾਰ ਫਿਲਮ ਵਿੱਚ ਨਵੀਂ ਜੋੜੀ ਵਿੱਚ ਸਿਧਾਂਤ ਚਤੁਰਵੇਦੀ ਅਤੇ ਸ਼ਰਵਰੀ ਹਨ, ਜੋ ਨਵੇਂ ਯੁੱਗ ਦੇ ਬੰਟੀ ਬਬਲੀ ਦੇ ਰੂਪ ਵਿੱਚ ਨਜ਼ਰ ਆਉਣਗੇ। ਇਹ ਨਵੀਂ ਜੋੜੀ ਡਿਜੀਟਲ ਫਰਾਡ ਨਾਲ ਸ਼ਹਿਰ ਦੇ ਮੇਅਰ ਨੂੰ ਧੋਖਾ ਦੇਣ ਤੱਕ ਜਾ ਰਹੀ ਹੈ। 'ਗਲੀ ਬੁਆਏ' ਵਿੱਚ ਐਮਸੀ ਸ਼ੇਰ ਦੇ ਕਿਰਦਾਰ ਨਾਲ ਸੁਪਰਹਿੱਟ ਹੋਏ ਸਿਧਾਂਤ ਦਾ ਵੀ ਇਸ ਟ੍ਰੇਲਰ ਵਿੱਚ ਦਬਦਬਾ ਹੈ। ਇਸ ਦੇ ਨਾਲ ਹੀ ਸ਼ਰਵਰੀ ਵੀ ਬਹੁਤ ਫਨੀ ਲੱਗ ਰਹੀ ਹੈ।


'ਬੰਟੀ ਔਰ ਬਬਲੀ 2' ਇਸੇ ਨਾਂਅ ਦੀ 2005 ਦੀ ਫਿਲਮ ਦਾ ਸੀਕਵਲ ਹੈ। ਇਸ ਫਿਲਮ 'ਚ ਪਹਿਲਾਂ ਰਾਣੀ ਮੁਖਰਜੀ ਅਤੇ ਅਭਿਸ਼ੇਕ ਬੱਚਨ ਨਜ਼ਰ ਆਏ ਸਨ। ਇਸ ਦੇ ਨਾਲ ਹੀ ਇਸ ਫਿਲਮ 'ਚ ਅਮਿਤਾਭ ਬੱਚਨ ਵੀ ਇੰਸਪੈਕਟਰ ਦੀ ਭੂਮਿਕਾ 'ਚ ਨਜ਼ਰ ਆਏ ਸਨ। ਇਸ ਸੀਕਵਲ 'ਚ ਸੈਫ ਅਭਿਸ਼ੇਕ ਦੀ ਜਗ੍ਹਾ ਲੈਣ ਜਾ ਰਹੇ ਹਨ ਅਤੇ ਅਮਿਤਾਭ ਦੀ ਜਗ੍ਹਾ ਪੰਕਜ ਤ੍ਰਿਪਾਠੀ ਨਾਰਾਜ ਆਉਣਗੇ। ਯਸ਼ ਰਾਜ ਬੈਨਰ ਹੇਠ ਬਣੀ ਇਹ ਫਿਲਮ 19 ਨਵੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ।