The Kashmir Files: IFFI ਜਿਊਰੀ ਦੇ ਮੁਖੀ ਨੇ ਫਿਲਮ ਨੂੰ ਦੱਸਿਆ ਅਸ਼ਲੀਲ, ਕਿਹਾ- ਦੇਖ ਕੇ ਹੋਏ ਪਰੇਸ਼ਾਨ

ਬਾਲੀਵੁੱਡ ਫਿਲਮਕਾਰ ਵਿਵੇਕ ਅਗਨੀਹੋਤਰੀ(Vivek Agnihotri) ਦੀ ਫਿਲਮ 'ਦਿ ਕਸ਼ਮੀਰ ਫਾਈਲਜ਼' ('The Kashmir Files) ਇਕ ਵਾਰ ਫਿਰ ਸੁਰਖੀਆਂ 'ਚ ਹੈ। ਇਜ਼ਰਾਇਲੀ ਫਿਲਮ ਨਿਰਮਾਤਾ ਨਦਾਵ ਲੈਪਿਡ(Nadav Lapid) ਅਤੇ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ (IFFI) ਦੇ ਜਿਊਰੀ ਮੁਖੀ ਨੇ ਫਿਲਮ ਦੀ ਆਲੋਚਨਾ ਕੀਤੀ। ਉਨ੍ਹਾਂ ਨੇ 'ਦਿ ਕਸ਼ਮੀਰ ਫਾਈਲਜ਼' ਨੂੰ 'ਅਸ਼ਲੀਲ ਫਿਲਮ' 'ਤੇ ਪ੍ਰੋਪੋਗੰਡਾ ਕਿਹਾ ਹੈ।

ਨਦਵ ਲੈਪਿਡ ਨੇ ਇਵੈਂਟ 'ਚ ਕਿਹਾ, 'ਦਿ ਕਸ਼ਮੀਰ ਫਾਈਲਜ਼ ਨੂੰ ਦੇਖ ਕੇ ਅਸੀਂ ਸਾਰੇ ਹੈਰਾਨ ਰਹਿ ਗਏ। ਸਾਨੂੰ ਇਹ ਫਿਲਮ ਅਸ਼ਲੀਲ ਅਤੇ ਪ੍ਰੋਪੋਗੰਡਾ ਅਧਾਰਤ ਲੱਗੀ। ਇਹ ਫਿਲਮ ਇੰਨੇ ਵੱਡੇ ਫਿਲਮ ਫੈਸਟੀਵਲ ਲਈ ਠੀਕ ਨਹੀਂ ਹੈ। ਮੈਂ ਆਪਣੀਆਂ ਭਾਵਨਾਵਾਂ ਨੂੰ ਖੁੱਲ੍ਹ ਕੇ ਸਾਂਝਾ ਕਰ ਰਿਹਾ ਹਾਂ ਕਿਉਂਕਿ ਇਹ ਘਟਨਾ ਹੈ ਜਿੱਥੇ ਅਸੀਂ ਆਲੋਚਨਾਵਾਂ ਨੂੰ ਸਵੀਕਾਰ ਕਰਦੇ ਹਾਂ ਅਤੇ ਚਰਚਾ ਕਰਦੇ ਹਾਂ। ਇਹ ਇੱਕ ਹੈਰਾਨੀਜਨਕ ਫਿਲਮ ਸੀ।

ਨਾਦਵ ਨੇ ਗੋਆ ਵਿੱਚ ਆਯੋਜਿਤ 53ਵੇਂ ਫਿਲਮ ਫੈਸਟੀਵਲ ਦੀ ਸਮਾਪਤੀ ਦੌਰਾਨ ਲੈਪਿਡ ਫਿਲਮ ਬਾਰੇ ਇਹ ਗੱਲ ਕਹੀ। ਇਸ ਦੌਰਾਨ ਉੱਥੇ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਸਮੇਤ ਕਈ ਵੱਡੇ ਨੇਤਾ ਵੀ ਮੌਜੂਦ ਸਨ।

#Breaking: #IFFI Jury says they were “disturbed and shocked” to see #NationalFilmAward winning #KashmirFiles, “a propoganda, vulgar movie” in the competition section of a prestigious festival— organised by the Govt of India.
🎤 Over to @vivekagnihotri sir…
@nadavlapi pic.twitter.com/ove4xO8Ftr

— Navdeep Yadav (@navdeepyadav321) November 28, 2022

ਦੱਸ ਦੇਈਏ ਕਿ ਦਿ ਕਸ਼ਮੀਰ ਫਾਈਲਜ਼, ਅਨੁਪਮ ਖੇਰ, ਮਿਥੁਨ ਚੱਕਰਵਰਤੀ ਅਤੇ ਪੱਲਵੀ ਜੋਸ਼ੀ ਅਭਿਨੀਤ ਅਤੇ ਵਿਵੇਕ ਅਗਨੀਹੋਤਰੀ ਦੁਆਰਾ ਨਿਰਦੇਸ਼ਤ, ਫਿਲਮ ਫੈਸਟੀਵਲ ਦੇ 'ਪੈਨੋਰਮਾ' ਭਾਗ ਵਿੱਚ ਦਿਖਾਈ ਗਈ। ਭਾਜਪਾ ਨੇ ਇਸ ਦੀ ਪ੍ਰਸ਼ੰਸਾ ਕੀਤੀ ਹੈ ਅਤੇ ਇਸ ਨੂੰ ਭਾਜਪਾ ਸ਼ਾਸਤ ਰਾਜਾਂ ਵਿੱਚ ਟੈਕਸ ਮੁਕਤ ਐਲਾਨ ਦਿੱਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀ ਫਿਲਮ ਦੀ ਤਾਰੀਫ ਕੀਤੀ ਸੀ।