IIFA 2023: ਆਈਫਾ ਈਵੈਂਟ 'ਚ ਸਲਮਾਨ ਖਾਨ ਦੇ ਬਾਡੀਗਾਰਡ ਨੇ ਵਿੱਕੀ ਕੌਸ਼ਲ ਨੂੰ ਦਿੱਤਾ ਧੱਕਾ! ਵੀਡੀਓ ਦੇਖ ਫੈਨਜ਼ ਹੈਰਾਨ

ਆਈਫਾ ਅਵਾਰਡ ਜਲਦ ਹੀ ਸ਼ੁਰੂ ਹੋਣ ਜਾ ਰਹੇ ਹਨ। ਇਸ ਵਾਰ ਵੀ ਅਬੂ ਧਾਬੀ ਬਾਲੀਵੁੱਡ ਸਿਤਾਰੇ ਮਸਤੀ ਦੇ ਨਾਲ-ਨਾਲ ਆਪਣੇ ਸਟਾਈਲਿਸ਼ ਅੰਦਾਜ਼ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਣ ਲਈ ਤਿਆਰ ਹਨ। ਆਈਫਾ 2023 (IIFA 2023) ਲਈ ਸਲਮਾਨ ਖਾਨ (Salman Khan) ਸਮੇਤ ਫਰਾਹ ਖਾਨ, ਰਾਜਕੁਮਾਰ, ਅਭਿਸ਼ੇਕ ਬੱਚਨ ਅਤੇ ਵਿੱਕੀ ਕੌਸ਼ਲ ਅਬੂ ਧਾਬੀ ਪਹੁੰਚ ਚੁੱਕੇ ਹਨ। ਆਈਫਾ 2023 ਦੀ ਪ੍ਰੈੱਸ ਕਾਨਫਰੰਸ ਤੋਂ ਸਲਮਾਨ ਖਾਨ ਅਤੇ ਵਿੱਕੀ ਕੌਸ਼ਲ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।

ਵਾਇਰਲ ਵੀਡੀਓ 'ਚ ਵਿੱਕੀ ਕੌਸ਼ਲ ਕੁਝ ਦੂਰੀ 'ਤੇ ਖੜ੍ਹੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਸਲਮਾਨ ਆਪਣੇ ਬਾਡੀਗਾਰਡਸ ਨਾਲ ਐਂਟਰੀ ਲੈਂਦੇ ਹਨ। ਇਸ ਦੌਰਾਨ ਵਿੱਕੀ ਉਨ੍ਹਾਂ ਦਾ ਹੱਥ ਮਿਲਾਉਣ ਲਈ ਅੱਗੇ ਵਧਦੇ ਹਨ। ਪਰ ਸਲਮਾਨ ਦੇ ਇੱਕ ਬਾਡੀਗਾਰਡ ਨੇ ਵਿੱਕੀ ਨੂੰ ਉਨ੍ਹਾਂ ਤੋਂ ਦੂਰ ਕਰ ਦਿੰਦਾ ਹੈ। ਹਾਲਾਂਕਿ, ਸਲਮਾਨ ਖੁਦ ਵੀ ਉਸ ਵੱਲ ਹੱਥ ਨਹੀਂ ਵਧਾਉਂਦੇ ਅਤੇ ਸਿਰਫ ਇੱਕ ਨਜ਼ਰ ਦਿੰਦੇ ਹਨ ਅਤੇ ਚਲੇ ਜਾਂਦੇ ਹਨ। ਇਸ ਦੌਰਾਨ ਵਿੱਕੀ ਉਨ੍ਹਾਂ ਨੂੰ ਕੁਝ ਕਹਿਣ ਦੀ ਕੋਸ਼ਿਸ਼ ਕਰਦੇ ਹਨ ਪਰ ਸਲਮਾਨ ਉਸ ਦੀ ਗੱਲ ਅਧੂਰੀ ਛੱਡ ਕੇ ਅੱਗੇ ਵਧਦੇ ਹਨ।

No matter who you are, you have to clear the path when Tiger is on his way.

The persona of #SalmanKhan 🔥 pic.twitter.com/pRSB7iwQ82

— MASS (@Freak4Salman) May 25, 2023

ਜਿਵੇਂ ਹੀ ਇਹ ਵੀਡੀਓ ਇੰਟਰਨੈੱਟ 'ਤੇ ਸਾਹਮਣੇ ਆਈ, ਨੇਟੀਜ਼ਨਸ ਨੇ ਦੇਖਿਆ ਕਿ ਦੋਵਾਂ ਦੀ ਕਾਫੀ ਅਜੀਬ ਗੱਲਬਾਤ ਹੋਈ ਸੀ। ਕਈ ਲੋਕਾਂ ਨੂੰ ਲੱਗਾ ਕਿ ਵਿੱਕੀ ਨੂੰ ਸਲਮਾਨ ਖਾਨ ਤੋਂ ਆਮ ਆਦਮੀ ਦੀ ਤਰ੍ਹਾਂ ਦੂਰ ਧੱਕ ਦਿੱਤਾ ਗਿਆ ਸੀ ਅਤੇ ਜ਼ਾਹਰ ਹੈ ਕਿ ਸਲਮਾਨ ਨੇ ਕਿਸੇ ਕਾਰਨ ਉਸ ਨਾਲ ਅਜਿਹਾ ਵਿਵਹਾਰ ਕੀਤਾ ਸੀ। ਇਕ ਪ੍ਰਸ਼ੰਸਕ ਨੇ ਲਿਖਿਆ- 'ਆਮ ਆਦਮੀ ਦੀ ਤਰ੍ਹਾਂ ਸਾਈਡ ਕੀਤਾ ਪਰ ਸਲਮਾਨ ਖਾਨ ਦੀ ਸੁਰੱਖਿਆ ਦੀ ਵਜ੍ਹਾ ਅਸੀਂ ਸਾਰੇ ਜਾਣਦੇ ਹਾਂ।' ਦੂਜੇ ਯੂਜ਼ਰ ਨੇ ਲਿਖਿਆ- ਵਿੱਕੀ ਜੋ ਕਹਿ ਰਿਹਾ ਸੀ, ਉਸ ਦੇ ਜਵਾਬ 'ਚ ਸਲਮਾਨ ਨੇ ਕੁਝ ਨਹੀਂ ਕਿਹਾ। ਤੀਜੇ ਪ੍ਰਸ਼ੰਸਕ ਨੇ ਲਿਖਿਆ- 'ਸਲਮਾਨ ਨੇ ਵਿੱਕੀ ਪ੍ਰਤੀ ਜੋ ਰਵੱਈਆ ਦਿਖਾਇਆ, ਉਹ ਪਸੰਦ ਨਹੀਂ ਆਇਆ।'