HOME » NEWS » Films

ਕੁੱਤਿਆਂ ਦੀ ਲੜਾਈ ਕਰਕੇ ਬਾਲੀਵੁੱਡ ਅਦਾਕਾਰ ਨੇ ਪਤਨੀ ਤੋਂ ਲਿਆ ਤਲਾਕ, ਮਾਮਲਾ ਹਾਈਕੋਰਟ ਪੁੱਜਾ

News18 Punjabi | News18 Punjab
Updated: September 15, 2020, 2:33 PM IST
share image
ਕੁੱਤਿਆਂ ਦੀ ਲੜਾਈ ਕਰਕੇ ਬਾਲੀਵੁੱਡ ਅਦਾਕਾਰ ਨੇ ਪਤਨੀ ਤੋਂ ਲਿਆ ਤਲਾਕ, ਮਾਮਲਾ ਹਾਈਕੋਰਟ ਪੁੱਜਾ
ਅਰੁਣੋਦਯ ਸਿੰਘ ਅਤੇ ਉਸ ਦੀ ਪਤਨੀ ਦੀ ਤਲਾਕ ਪਟੀਸ਼ਨ ਉੱਤੇ ਹਾਈ ਕੋਰਟ ਵਿੱਚ ਸੁਣਵਾਈ ਹੋਈ। (photo-instagram)

ਜਬਲਪੁਰ ਹਾਈ ਕੋਰਟ ਨੇ ਬਾਲੀਵੁੱਡ ਅਭਿਨੇਤਾ ਅਤੇ ਮੱਧ ਪ੍ਰਦੇਸ਼ ਦੇ ਕਾਂਗਰਸੀ ਨੇਤਾ ਅਜੈ ਸਿੰਘ ਦੇ ਬੇਟੇ ਅਰੁਣੋਦਯ ਸਿੰਘ ਦੀ ਕੈਨੇਡੀਅਨ ਪਤਨੀ ਲੀ ਐਲਟਨ ਦੀ ਪਟੀਸ਼ਨ 'ਤੇ ਸੁਣਵਾਈ ਕੀਤੀ ਹੈ।

  • Share this:
  • Facebook share img
  • Twitter share img
  • Linkedin share img
ਜਬਲਪੁਰ ਹਾਈ ਕੋਰਟ ਨੇ ਬਾਲੀਵੁੱਡ ਅਭਿਨੇਤਾ ਅਰੁਣੋਦਯ ਸਿੰਘ ਅਤੇ ਉਸਦੀ ਕੈਨੇਡੀਅਨ ਪਤਨੀ ਲੀ ਐਲਟਨ ਵਿਚਕਾਰ ਡੋਗੀ ਤਲਾਕ ਬਾਰੇ ਪਟੀਸ਼ਨ ‘ਤੇ ਸੁਣਵਾਈ ਕੀਤੀ। ਵਿਵਾਦ ਅਰੁਣੋਦਯ ਦੇ ਕੁੱਤੇ ਅਤੇ ਉਸ ਦੀ ਪਤਨੀ ਦੇ ਕੁੱਤੇ ਵਿਚਾਲੇ ਲੜਾਈ ਨਾਲ ਸ਼ੁਰੂ ਹੋਇਆ ਸੀ। ਹਾਈ ਕੋਰਟ ਨੇ ਅੱਜ ਇਸ ਮਾਮਲੇ ਵਿਚ ਭੋਪਾਲ ਦੀ ਫੈਮਲੀ ਕੋਰਟ ਦਾ ਰਿਕਾਰਡ ਮੰਗਿਆ ਹੈ। ਪੂਰਾ ਮਾਮਲਾ ਇਕਪਾਸੜ ਤਲਾਕ ਦੇ ਫੈਸਲੇ ਨੂੰ ਚੁਣੌਤੀ ਦੇਣ ਨਾਲ ਸਬੰਧਤ ਹੈ। ਇਸ ‘ਤੇ ਅਗਲੀ ਸੁਣਵਾਈ 6 ਅਕਤੂਬਰ ਨੂੰ ਨਿਰਧਾਰਤ ਕੀਤੀ ਗਈ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਅਰੁਣੋਦਯ ਸਿੰਘ ਮੱਧ ਪ੍ਰਦੇਸ਼ ਕਾਂਗਰਸ ਦੇ ਨੇਤਾ ਅਜੇ ਸਿੰਘ ਦਾ ਬੇਟਾ ਹੈ। ਇਹ ਪੂਰਾ ਮਾਮਲਾ ਅਰੁਣੋਦਯ ਅਤੇ ਉਸ ਦੀ ਪਤਨੀ ਲੀ ਐਲਟਨ ਦੇ ਤਲਾਕ ਨਾਲ ਜੁੜਿਆ ਹੋਇਆ ਹੈ। ਲੀ ਐਲਟਨ ਨੇ ਆਪਣੀ ਪਟੀਸ਼ਨ ਵਿਚ ਦਲੀਲ ਦਿੱਤੀ ਹੈ ਕਿ ਅਰੁਣੋਦਿਆ ਨੇ ਉਨ੍ਹਾਂ ਨੂੰ ਤਲਾਕ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਅਤੇ ਉਸ ਖਿਲਾਫ ਤਲਾਕ ਦਾ ਇਕਪਾਸੜ ਫ਼ਰਮਾਨ ਪ੍ਰਾਪਤ ਕੀਤਾ।

ਪਟੀਸ਼ਨ ਵਿਚ ਕਿਹਾ ਗਿਆ ਹੈ ਕਿ ਇਸ ਸੰਬੰਧੀ ਭੋਪਾਲ ਕੋਰਟ ਦੇ ਆਦੇਸ਼ ਨੂੰ ਰੱਦ ਕੀਤਾ ਜਾਣਾ ਚਾਹੀਦਾ ਹੈ। ਕੈਨੇਡਾ ਨਿਵਾਸੀ ਲੀ ਐਲਟਨ ਅਤੇ ਅਰੁਣੋਦਯ ਸਿੰਘ ਨੇ ਭੋਪਾਲ ਵਿੱਚ ਸਪੈਸ਼ਲ ਮੈਰਿਜ ਐਕਟ ਤਹਿਤ ਰਜਿਸਟਰ ਕੀਤਾ ਸੀ। ਵਿਆਹ ਤੋਂ ਕੁਝ ਦਿਨਾਂ ਬਾਅਦ ਹੀ ਦੋਵਾਂ ਵਿਚ ਆਪਸੀ ਤਣਾਅ ਵਧ ਗਿਆ। ਅਰੁਣੋਦਯ ਨੇ ਅਚਾਨਕ 2019 ਦੇ ਵਿਚਕਾਰ ਆਉਣਾ-ਜਾਣਾ ਵੀ ਬੰਦ ਕਰ ਦਿੱਤਾ। 10 ਮਈ 2019 ਨੂੰ ਲੀ ਐਲਟਨ ਵਿਰੁੱਧ ਭੋਪਾਲ ਦੀ ਫੈਮਲੀ ਕੋਰਟ ਵਿੱਚ ਤਲਾਕ ਦਾ ਕੇਸ ਦਾਇਰ ਕੀਤਾ ਗਿਆ ਸੀ। ਇਸ ਦੌਰਾਨ ਲੀ ਐਲਟਨ ਕਨੇਡਾ ਗਈ ਹੋਈ ਸੀ ਅਤੇ ਅਰੁਣੋਦਯ ਖ਼ਿਲਾਫ਼ ਮੁੰਬਈ ਵਿੱਚ ਵਿਆਹੁਤਾ ਸੰਬੰਧਾਂ ਦੀ ਸੰਭਾਲ ਅਤੇ ਬਹਾਲੀ ਲਈ ਕੇਸ ਦਾਇਰ ਕੀਤਾ ਸੀ। ਇਸ ਦੌਰਾਨ 18 ਦਸੰਬਰ, 2019 ਨੂੰ ਲੀ ਐਲਟਨ ਦੀ ਜਾਣਕਾਰੀ ਤੋਂ ਬਿਨਾਂ ਭੋਪਾਲ ਕੁਟੰਬ ਕੋਰਟ ਨੇ ਤਲਾਕ ਦਾ ਇਕਤਰਫਾ ਫਰਮਾਨ ਪਾਸ ਕਰ ਦਿੱਤਾ।
ਜ਼ਿਕਰਯੋਗ ਹੈ ਕਿ ਲੀ ਐਲਟਨ ਅਤੇ ਅਰੁਣੋਦਯ ਸਿੰਘ ਦਾ ਵਿਆਹ ਨਵੰਬਰ 2016 ਵਿਚ ਹੋਇਆ ਸੀ ਅਤੇ 3 ਸਾਲਾਂ ਦੇ ਵਿਚ ਹੀ ਉਨ੍ਹਾਂ ਵਿਚਾਲੇ ਵਿਵਾਦ ਇੰਨਾ ਵੱਧ ਗਿਆ ਕਿ ਨੌਬਤ ਤਲਾਕ ਤਕ ਆ ਗਈ। ਨੇੜਲੇ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਵਿਵਾਦ ਲੀ ਐਲਟਨ ਦੀ ਡੌਗੀ ਅਤੇ ਅਰੁਣੋਦਯ ਸਿੰਘ ਦੇ ਡੌਗੀ ਦੀ ਲੜਾਈ ਨਾਲ ਸ਼ੁਰੂ ਹੋਇਆ ਸੀ। ਇਸ ਤੋਂ ਬਾਅਦ ਦੋਵਾਂ ਵਿਚਾਲੇ ਵਿਵਾਦ ਵਧ ਗਿਆ। ਇਸ ਤੋਂ ਇਲਾਵਾ ਅਰੁਣੋਦਯ ਨੇ ਲੀ ਐਲਟਨ ਉੱਤੇ ਵੀ ਕਈ ਗੰਭੀਰ ਦੋਸ਼ ਲਗਾਏ ਸਨ।
Published by: Ashish Sharma
First published: September 15, 2020, 2:33 PM IST
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading