Jasmine-Sunanda: ਜੈਸਮੀਨ ਸੈਂਡਲਾਸ ਤੇ ਸੁਨੰਦਾ ਸ਼ਰਮਾ `ਦਿਲ ਦੀਆਂ ਗੱਲਾਂ` ਸ਼ੋਅ `ਚ ਸਾਂਝੇ ਕਰਨਗੀਆਂ ਦਿਲ ਦੇ ਜਜ਼ਬਾਤ

Jasmine Sandlas-Sunanda  Sharma In Dil Diyan Gallan Season 2: ਪੰਜਾਬੀ ਅਦਾਕਾਰਾ ਸੋਨਮ ਬਾਜਵਾ ਦਾ ਸ਼ੋਅ `ਦਿਲ ਦੀਆਂ ਗੱਲਾਂ ਸੀਜ਼ਨ 2` ਦੇ ਚੱਲਦੇ ਸੁਰਖੀਆਂ ਬਟੋਰ ਰਹੀ ਹੈ। ਅਦਾਕਾਰਾ ਨਾਲ ਸ਼ੋਅ ਵਿੱਚ ਇੱਕ ਤੋਂ ਬਾਅਦ ਇੱਕ ਕਈ ਮਸ਼ਹੂਰ ਕਲਾਕਾਰ ਨਜ਼ਰ ਆ ਰਹੇ ਹਨ। ਜੋ ਕਿ ਅਦਾਕਾਰਾ ਦੇ ਨਾਲ-ਨਾਲ ਪ੍ਰਸ਼ੰਸ਼ਕਾਂ ਸਾਹਮਣੇ ਵੀ ਆਪਣੇ ਦਿਲ ਦੇ ਜਜ਼ਬਾਤ ਰੱਖ ਰਹੇ ਹਨ। ਇਸ ਵਿਚਕਾਰ ਹੀ ਹੁਣ ਸੁਨੰਦਾ ਸ਼ਰਮਾ (Sunanda Sharma) ਅਤੇ ਜੈਸਮੀਨ ਸੈਂਡਲਾਸ (Jasmine Sandlas) ਇਸ ਸ਼ੋਅ ਦਾ ਹਿੱਸਾ ਬਣਨਗੀਆਂ। ਜੋ ਕਿ ਸੋਨਮ ਨਾਲ ਦਿਲ ਦੇ ਜਜ਼ਬਾਤ ਸਾਂਝੇ ਕਰਦੇ ਹੋਏ ਨਜ਼ਰ ਆਉਂਣਗੀਆਂ।

Jasmine Sandlas

ਦੱਸ ਦੇਈਏ ਕਿ ਜੈਸਮੀਨ ਇੰਨੀ ਦਿਨੀਂ ਪੰਜਾਬ ਵਿੱਚ ਹੈ। ਇਸ ਦੌਰਾਨ ਉਹ ਸੋਨਮ ਬਾਜਵਾ ਦੇ ਸ਼ੋਅ `ਦਿਲ ਦੀਆਂ ਗੱਲਾਂ ਸੀਜ਼ਨ 2`ਦਾ ਹਿੱਸਾ ਬਣੇਗੀ। ਜੀ ਹਾਂ, ਪੰਜਾਬੀ ਗਾਇਖਾ ਜੈਸਮੀਨ ਸੈਂਡਲਾਸ ਸ਼ੋਅ ਦਾ ਹਿੱਸਾ ਬਣਨ ਲਈ ਤਿਆਰ ਹੈ। ਜਿਸਦੀ ਤਸਵੀਰ ਸੋਨਮ ਬਾਜਵਾ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਇੰਸਟਾਗ੍ਰਾਮ ਦੀ ਸਟੋਰੀ ਵਿੱਚ ਸ਼ੇਅਰ ਕੀਤੀ ਗਈ। ਸੋਨਮ ਬਾਜਵਾ ਦੇ ਸ਼ੋਅ ਤੋਂ ਇਹ ਤਾਂ ਸਾਫ਼ ਹੈ ਕਿ ਇਸ ਦੇ ਜਰਿਏ ਇੰਡਸਟਰੀ ਦੇ ਸਿਤਾਰੇ ਆਪਣੇ ਦਿਲ ਦੀਆਂ ਗੱਲਾਂ ਪ੍ਰਸ਼ੰਸ਼ਕਾਂ ਨਾਲ ਸਾਂਝੀਆਂ ਕਰਦੇ ਹਨ।

sunanda sharma sonam bajwa

ਇਸ ਤੋਂ ਇਲਾਵਾ ਸਿੰਗਰ ਸੁਨੰਦਾ ਸ਼ਰਮਾ ਵੀ ਇਸ ਸ਼ੋਅ ਦਾ ਹਿੱਸਾ ਬਣੇਗੀ। ਜੈਸਮੀਨ ਅਤੇ ਸੁਨੰਦਾ ਹੁਣ ਤੱਕ ਕਈ ਸ਼ਾਨਦਾਰ ਗੀਤ ਪੰਜਾਬੀ ਇੰਡਸਟਰੀ ਨੂੰ ਦੇ ਚੁੱਕੀਆਂ ਹਨ। ਜਿਨ੍ਹਾਂ ਨੂੰ ਪ੍ਰਸ਼ੰਸ਼ਕਾਂ ਦਾ ਬੇਹੱਦ ਪਿਆਰ ਮਿਲਿਆ ਤੇ  ਮਿਲ ਰਿਹਾ ਹੈ।