ਕਬੀਰ ਬੇਦੀ ਨੇ ਬੇਟੇ ਸਿਧਾਰਥ ਦੀ ਖ਼ੁਦਕੁਸ਼ੀ 'ਤੇ ਕਿਹਾ, 'ਇਸ ਨਾਲ ਲੜਨ ਦੀ ਪੂਰੀ ਕੋਸ਼ਿਸ਼ ਕੀਤੀ ,ਪਰ ਮੈਂ ਹਾਰ ਗਿਆ

ਅਭਿਨੇਤਾ ਕਬੀਰ ਬੇਦੀ ਨੇ ਆਪਣੇ ਬੇਟੇ ਸਿਧਾਰਥ ਦੀ ਮੌਤ ਬਾਰੇ ਗੱਲ ਕੀਤੀ ਹੈ, ਜਿਸ ਨੇ 1997 ਵਿੱਚ 25 ਸਾਲ ਦੀ ਉਮਰ ਵਿੱਚ ਸਿਜ਼ੋਫ੍ਰੇਨੀਆ ਦੀ ਪਛਾਣ ਹੋਣ ਤੋਂ ਬਾਅਦ ਆਪਣੀ ਜਾਨ ਲੈ ਲਈ ਸੀ। ਉਸ ਨੇ ਕਿਹਾ ਕਿ 'ਜ਼ਖਮ ਠੀਕ ਹੋ ਜਾਂਦਾ ਹੈ, ਪਰ ਦਾਗ਼ ਹਮੇਸ਼ਾ ਰਹਿਣਗੇ'।

ਆਪਣੀ ਸਵੈ-ਜੀਵਨੀ ਦੀ ਸ਼ੁਰੂਆਤ ਤੋਂ ਪਹਿਲਾਂ ਇੱਕ ਇੰਟਰਵਿਊ ਵਿੱਚ, ਉਸ ਨੇ ਕਿਹਾ ਕਿ ਸਿਧਾਰਥ ਵਰਗੀਆਂ ਸਥਿਤੀਆਂ ਵਿੱਚ ਮਹੱਤਵਪੂਰਨ ਹੈ ਜਿਵੇਂ ਕਿ ਪਰਵਾਰ ਮਾਨਸਿਕ ਬਿਮਾਰੀ ਤੋਂ ਪੀੜਤ ਵਿਅਕਤੀ ਦੇ ਨਾਲ ਖੜਾਂ ਹੋਵੇ।

ਕਬੀਰ ਬੇਦੀ ਨੇ ਬਾਲੀਵੁੱਡ ਹੰਗਾਮਾ ਨੂੰ ਦੱਸਿਆ , "ਸਿਧਾਰਥ ਬਹੁਤ ਹੁਸ਼ਿਆਰ ਨੌਜਵਾਨ ਸੀ। ਉਹ ਆਪਣੀਆਂ ਯੋਗਤਾਵਾਂ ਵਿੱਚ ਬੇਮਿਸਾਲ ਸੀ, ਅਤੇ ਫਿਰ ਅਚਾਨਕ, ਇੱਕ ਦਿਨ, ਉਹ ਸੋਚ ਨਹੀਂ ਸਕਦਾ ਸੀ। ਅਸੀਂ ਪਹਿਲਾਂ ਇਹ ਪਤਾ ਲਗਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਕਿ ਕੀ ਗ਼ਲਤ ਹੋ ਰਿਹਾ ਹੈ, ਅਤੇ ਤਿੰਨ ਸਾਲਾਂ ਤੱਕ, ਅਸੀਂ ਇਸ ਨਾਲ ਲੜਦੇ ਰਹੇ, ਅਤੇ ਆਖ਼ਰਕਾਰ ਉਸ ਨੇ ਮਾਂਟਰੀਅਲ ਦੀਆਂ ਸੜਕਾਂ 'ਤੇ ਇਹ ਬੇਹੱਦ ਹਿੰਸਕ ਤੋੜ ਕੀਤੀ , ਅਤੇ ਉਸ ਨੂੰ ਨਕੇਲ ਪਾਉਣ ਲਈ ਅੱਠ ਪੁਲਿਸ ਵਾਲਿਆਂ ਨੂੰ ਲੱਗਣਾ ਪਿਆ। ਅਤੇ ਫਿਰ, ਮਾਂਟਰੀਅਲ ਦੇ ਡਾਕਟਰਾਂ ਨੇ ਆਖ਼ਰਕਾਰ ਉਸ ਨੂੰ ਸਿਜ਼ੋਫ੍ਰੇਨਿਕ ਬਿਮਾਰੀ ਨਾਲ ਗ੍ਰਸਿਤ ਪਾਇਆ ।

ਪਰਵਾਰ ਨੇ ਸਿਧਾਰਥ ਦੀ ਬਿਮਾਰੀ ਨਾਲ 'ਲੜਾਈ' ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ 'ਅੰਤ ਵਿੱਚ', ਕਬੀਰ ਨੇ ਕਿਹਾ, 'ਮੈਂ ਹਾਰ ਗਿਆ, ਉਸ ਨੇ ਜਾਣਾ ਚੁਣਿਆ।' ਉਸ ਨੇ ਆਪਣੀ ਕਿਤਾਬ ਵਿੱਚ ਕਿਹਾ ਕਿ ਉਨ੍ਹਾਂ ਪਰਵਾਰਾਂ ਨਾਲ ਕੀ ਹੁੰਦਾ ਹੈ, ਜੋ ਇਸ ਤਰਾਂ ਦੀ ਕਿਸੇ ਚੀਜ਼ ਵਿੱਚੋਂ ਗੁਜ਼ਰਦੇ ਹਨ, 'ਕਿਉਂਕਿ ਜਿਸ ਵਿਅਕਤੀ ਨੂੰ ਉਹ ਦੇਖ ਰਹੇ ਹਨ ਉਹ ਉਹ ਵਿਅਕਤੀ ਨਹੀਂ ਹੈ ਜਿਸ ਨੂੰ ਉਹ ਜਾਣਦੇ ਸਨ'। ਉਸ ਨੇ ਕਿਹਾ ਕਿ ਚਾਹੇ ਉਸ ਨੇ ਕਿੰਨੀ ਵੀ ਕੋਸ਼ਿਸ਼ ਕੀਤੀ ਹੋਵੇ, 'ਦੋਸ਼ ਬਹੁਤ ਵੱਡਾ ਹੈ'।

ਕਬੀਰ ਦੀ ਧੀ ਪੂਜਾ ਬੇਦੀ ਨੇ ਵੀ ਆਪਣੀ ਵੈੱਬਸਾਈਟ 'ਤੇ ਇੱਕ ਬਲਾਗ ਪੋਸਟ ਵਿੱਚ ਆਪਣੇ ਭਰਾ ਬਾਰੇ ਲਿਖਿਆ ਸੀ, "ਮੈਂ ਆਪਣੇ ਭਰਾ ਸਿਧਾਰਥ ਨੂੰ ਬਹੁਤ ਯਾਦ ਕਰਦੀ ਹਾਂ। ਉਹੀ ਸਕੂਲ, ਉਹੀ ਦੋਸਤ, ਉਹੀ ਕਮਰਾ। ਅਸੀਂ ਇਕੱਠੇ ਘੁੰਮਦੇ , ਲੜਦੇ , ਹੱਸਦੇ ਅਤੇ ਇੱਕ ਦੂਜੇ ਨੂੰ ਪਾਗਲਾਂ ਵਾਂਗ ਪਿਆਰ ਕਰਦੇ ਸੀ । ਉਸ ਦੀ ਸਿਜ਼ੋਫ੍ਰੇਨੀਆ ਬਿਮਾਰੀ ਦਾ ਇਲਾਜ ਕੀਤਾ ਜਾ ਰਿਹਾ ਸੀ ਅਤੇ 1997 ਵਿੱਚ ਉਸ ਦੀ ਖ਼ੁਦਕੁਸ਼ੀ ਨੇ ਮੇਰੀ ਜ਼ਿੰਦਗੀ ਨੂੰ ਹਮੇਸ਼ਾ ਲਈ ਬਦਲ ਦਿੱਤਾ। ਉਹ ਇੱਕ ਸੰਵੇਦਨਸ਼ੀਲ, ਦੇਖਭਾਲ ਕਰਨ ਵਾਲਾ, ਕੋਮਲ ਅਤੇ ਮਜ਼ਾਕੀਆ ਵਿਅਕਤੀ ਸੀ। ਉਸ ਦੀ ਮੌਤ ਦਾ ਖ਼ਾਲੀ ਪਣ ਅਤੇ 1998 ਵਿੱਚ ਮੇਰੀ ਮਾਂ ਦੀ ਮੌਤ ਉਹ ਚੀਜ਼ ਹੈ ਜੋ ਮੈਂ ਕਦੇ ਨਹੀਂ ਭਰ ਸਕਦੀ।