Home /News /entertainment /

ਪੰਜਾਬ ਆਈ ਕੰਗਣਾ ਨੂੰ ਕਿਸਾਨਾਂ ਨੇ ਘੇਰਿਆ, ਮੁਆਫੀ ਮੰਗ ਕੇ ਛੁਡਾਇਆ ਖਹਿੜਾ

ਪੰਜਾਬ ਆਈ ਕੰਗਣਾ ਨੂੰ ਕਿਸਾਨਾਂ ਨੇ ਘੇਰਿਆ, ਮੁਆਫੀ ਮੰਗ ਕੇ ਛੁਡਾਇਆ ਖਹਿੜਾ

(ਫਾਇਲ ਫੋਟੋ ਕੈ. Instagram)

(ਫਾਇਲ ਫੋਟੋ ਕੈ. Instagram)

  • Share this:
    ਅਦਾਕਾਰਾ ਕੰਗਨਾ ਰਣੌਤ ਵੱਲੋਂ ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਕਿਸਾਨਾਂ ਬਾਰੇ ਕੀਤੀਆਂ ਟਿੱਪਣੀਆਂ ਤੋਂ ਭੜਕੇ ਕਿਸਾਨਾਂ ਨੇ ਸ਼ੁੱਕਰਵਾਰ ਨੂੰ ਪੰਜਾਬ ਦੇ ਕੀਰਤਪੁਰ 'ਚ ਉਸ ਦੇ ਕਾਫਲੇ ਨੂੰ ਘੇਰ ਲਿਆ। ਕਿਸਾਨਾਂ ਨੇ ਕੰਗਨਾ ਦੀ ਕਾਰ ਨੂੰ ਰੋਕਿਆ ਅਤੇ ਉਸ ਖਿਲਾਫ ਨਾਅਰੇਬਾਜ਼ੀ ਕੀਤੀ। ਕਿਸਾਨਾਂ ਅਤੇ ਔਰਤਾਂ ਨੇ ਉਸ ਤੋਂ ਜਨਤਕ ਮੁਆਫ਼ੀ ਦੀ ਮੰਗ ਕੀਤੀ।

    ਕਿਸਾਨਾਂ ਦੇ ਰੋਸ ਨੂੰ ਦੇਖਦਿਆਂ ਮੌਕੇ ’ਤੇ ਭਾਰੀ ਪੁਲਿਸ ਫੋਰਸ ਤਾਇਨਾਤ ਕੀਤੀ ਗਈ ਸੀ। ਕਿਸਾਨ ਰਸਤਾ ਰੋਕ ਕੇ ਅੜੇ ਹੋਏ ਸਨ ਕਿ ਕੰਗਨਾ ਵੱਲੋਂ ਪਹਿਲਾਂ ਮੁਆਫੀ ਮੰਗਣ ਤੋਂ ਬਾਅਦ ਹੀ ਉਨ੍ਹਾਂ ਨੂੰ ਜਾਣ ਦਿੱਤਾ ਜਾਵੇਗਾ।

    ਬਾਅਦ ਵਿਚ ਕੰਗਣਾ ਨੇ ਮੁਆਫੀ ਮੰਗ ਕੇ ਖਹਿੜਾ ਛੁਡਵਾਇਆ। ਕੰਗਨਾ ਰਣੌਤ ਹਿਮਾਚਲ ਤੋਂ ਪੰਜਾਬ 'ਚ ਆਈ ਸੀ। ਉਹ ਚੰਡੀਗੜ੍ਹ ਜਾ ਰਹੀ ਸੀ।

    ਕੰਗਨਾ ਵੱਲੋਂ ਮੁਆਫੀ ਮੰਗਣ ਤੋਂ ਬਾਅਦ ਹੀ ਕਿਸਾਨਾਂ ਨੇ ਉਸ ਨੂੰ ਅੱਗੇ ਜਾਣ ਦਿੱਤਾ।

    ਦੋ ਵਜੇ ਤੋਂ ਸਾਢੇ ਚਾਰ ਵਜੇ ਤੱਕ ਕਾਫਲਾ ਰੁਕਿਆ ਰਿਹਾ। ਆਖਰ ਅਭਿਨੇਤਰੀ ਨੂੰ ਗੱਡੀ ’ਚੋਂ ਉਤਰਨਾ ਪਿਆ। ਕੰਗਨਾ ਨੂੰ ਕਿਸਾਨ ਬੀਬੀਆਂ ਨੂੰ ਸਫਾਈ ਦਿੱਤੀ ਕਿ ਉਸ ਨੇ ਕਿਸਾਨ ਬੀਬੀਆਂ ਨੂੰ ਨਹੀਂ, ਬਲਕਿ ਉਸ ਨੇ ਤਾਂ ਸ਼ਾਹੀਨ ਬਾਗ ਦੀਆਂ ਔਰਤਾਂ ਖ਼ਿਲਾਫ਼ ਇਹ ਗੱਲ ਆਖੀ ਸੀ।

    ਆਖਰ ਕੰਗਣਾ ਨੂੰ ਆਪਣੀ ਬੋਲੀ ਮੰਦਭਾਸ਼ਾ ਦੇ ਬਦਲੇ ਮੁਆਫੀ ਮੰਗਣ ਲਈ ਮਜਬੂਰ ਹੋਣਾ ਪਿਆ।
    Published by:Gurwinder Singh
    First published:

    Tags: Farmers Protest, Kangana Ranaut

    ਅਗਲੀ ਖਬਰ