ਕਰਨ ਔਜਲਾ ਵੱਲੋਂ ਨਵੀਂ ਐਲਬਮ Way Ahead ਦਾ ਐਲਾਨ, 10 ਮਈ ਨੂੰ ਹੋਵੇਗੀ ਰਿਲੀਜ਼

ਪੰਜਾਬੀ ਸਿੰਗਰ ਕਰਨ ਔਜਲਾ ਦੇ ਫ਼ੈਨਜ਼ ਦੀ ਉਡੀਕ ਖ਼ਤਮ ਹੋ ਗਈ ਹੈ। ਕਰਨ ਔਜਲਾ ਵੱਲੋਂ ਜਲਦ ਹੀ ਨਵੀਂ ਐਲਬਮ ਰਿਲੀਜ਼ ਕਰਨ ਦਾ ਐਲਾਨ ਕੀਤਾ ਗਿਆ ਹੈ। ਦਸ ਦਈਏ ਕਿ ਵੇ ਅਹੈੱਡ ਨਾਂ ਦੀ ਇਹ ਐਲਬਮ 10 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।

ਇਸ ਬਾਰੇ ਔਜਲਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ `ਤੇ ਫ਼ੈਨਜ਼ ਨਾਲ ਜਾਣਕਾਰੀ ਸ਼ੇਅਰ ਕੀਤੀ। ਉਨ੍ਹਾਂ ਨੇ ਐਲਬਮ ਦਾ ਪੋਸਟਰ ਸ਼ੇਅਰ ਕਰ ਕੈਪਸ਼ਨ `ਚ 10 ਮਈ ਲਿਖਿਆ। ਕਰੀਬ 2 ਘੰਟੇ ਪਹਿਲਾਂ ਪਾਈ ਗਈ ਇਸ ਪੋਸਟ `ਤੇ ਔਜਲਾ ਦੇ ਫ਼ੈਨਜ਼ ਨੇ ਖ਼ੂਬ ਕਮੈਂਟਸ ਕੀਤੇ। ਇਸ ਤੋਂ ਸਾਫ਼ ਜ਼ਾਹਰ ਹੁੰਦਾ ਹੈ ਕਿ ਔਜਲਾ ਦੇ ਫ਼ੈਨਜ਼ ਨੂੰ ਉਨ੍ਹਾਂ ਦੀ ਨਵੀਂ ਐਲਬਮ ਦਾ ਕਿਸ ਕਦਰ ਇੰਤਜ਼ਾਰ ਸੀ।

View this post on Instagram

A post shared by Karan Aujla (@karanaujla_official)

ਗੱਲ ਕੀਤੀ ਜਾਵੇ ਨਵੀਂ ਐਲਬਮ ਬਾਰੇ ਤਾਂ ਇਹ ਐਲਬਮ ਰੇਹਾਨ ਸੰਦੀਪ ਤੇ ਕਰਨ ਔਜਲਾ ਸਾਂਝੇ ਤੌਰ ਤੇ ਲੈ ਕੇ ਆ ਰਹੇ ਹਨ। ਇਸ ਦੇ ਨਾਲ ਹੀ ਐਲਬਮ ਦੇ ਗਾਣਿਆਂ ਨੂੰ ਸੁਰ, ਸੰਗੀਤ ਨਾਲ ਕਰਨ ਔਜਲਾ ਨੇ ਸਜਾਇਆ ਹੈ। ਇਸ ਤੋਂ ਇਲਾਵਾ ਗੀਤਾਂ ਦੇ ਬੋਲ ਵੀ ਖ਼ੁਦ ਔਜਲਾ ਨੇ ਲਿਖੇ ਹਨ।