ਨਾਮੀਨੇਟ ਹੋਣ ਦੇ ਬਾਵਜੂਦ ਐਵਾਰਡ ਸ਼ੋਅ ਕਦੇ ਸ਼ਾਮਲ ਨਹੀਂ ਹੋਏ Singer KK, ਜਾਣੋ ਉਨ੍ਹਾਂ ਬਾਰੇ ਅਣਸੁਣੇ ਕਿੱਸੇ

ਬਾਲੀਵੁੱਡ ਗਾਇਕ ਕ੍ਰਿਸ਼ਨ ਕੁਮਾਰ ਕੁਨਾਥ (Singer KK) ਪੰਚਤਵਾ ਵਿੱਚ ਵਿਲੀਨ ਹੋ ਗਏ ਹਨ। ਉਨ੍ਹਾਂ ਦੇ ਪੁੱਤਰ ਨਕੁਲ ਨੇ ਅੰਤਿਮ ਸੰਸਕਾਰ ਦੀ ਰਸਮ ਪੂਰੀ ਕੀਤੀ । ਕੇਕੇ ਬਾਰੇ ਇਹ ਗੱਲ ਸਾਹਮਣੇ ਆ ਰਹੀ ਹੈ ਕਿ ਉਹ ਕਿਸੇ ਦੇ ਨਾਲ ਜ਼ਿਆਦਾ ਬੋਲਨਾ ਪਸੰਦ ਨਹੀਂ ਕਰਦੇ ਸੀ। ਰਿਕਾਰਡਿੰਗ ਖ਼ਤਮ ਕਰਕੇ ਉਹ ਸਿੱਧਾ ਆਪਣੇ ਘਰ ਜਾਣਾ ਪਸੰਦ ਕਰਦੇ ਸੀ। ਇਹ ਜਾਣਕਾਰੀ ਉਨ੍ਹਾਂ ਦੇ ਕਰੀਬੀ ਦੋਸਤ ਅਤੇ ਸੰਗੀਤ ਨਿਰਦੇਸ਼ਕ ਰਾਣਾ ਮਜੂਮਦਾਰ ਨੇ ਉਨ੍ਹਾਂ ਨੂੰ ਯਾਦ ਕਰਦਿਆਂ ਦਿੱਤੀ। ਕੋਲਕਾਤਾ ਵਿੱਚ ਇੱਕ ਸੰਗੀਤ ਸਮਾਰੋਹ ਦੌਰਾਨ ਬਾਲੀਵੁੱਡ ਗਾਇਕ ਕੇਕੇ ਦੀ ਮੌਤ ਹੋ ਗਈ।

ਮੁੰਬਈ 'ਚ ਮੌਜੂਦ ਮਜੂਮਦਾਰ 'ਪੀਟੀਆਈ-ਭਾਸ਼ਾ' ਨਾਲ ਫ਼ੋਨ 'ਤੇ ਗੱਲਬਾਤ ਦੌਰਾਨ ਭਾਵੁਕ ਹੋ ਗਏ ਅਤੇ ਕਿਹਾ ਕਿ ਕੇ.ਕੇ ਨੇ ਉਨ੍ਹਾਂ ਨੂੰ ਆਪਣੇ ਨਾਲ ਨਾਜ਼ਰੂਲ ਮੰਚ ਦੇ ਸਮਾਰੋਹ 'ਚ ਜਾਣ ਲਈ ਕਿਹਾ ਸੀ, ਪਰ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ। ਕੇਕੇ ਨੂੰ ਯਾਦ ਕਰਦਿਆਂ ਮਜਮੁਦਾਰ ਨੇ ਕਿਹਾ, 'ਆਖਰੀ ਵਾਰ ਅਸੀਂ ਚਾਰ ਦਿਨ ਪਹਿਲਾਂ ਗੱਲ ਕੀਤੀ ਸੀ। ਅਸੀਂ ਫਿਲਮ ਬਾਰੇ ਚਰਚਾ ਕੀਤੀ ਅਤੇ ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਕੀ ਮੈਂ ਉਸ ਨਾਲ ਪਰਫਾਰਮ ਕਰਨ ਲਈ ਕੋਲਕਾਤਾ ਜਾਣਾ ਚਾਹਾਂਗਾ। ਮੈਂ ਕਿਹਾ, 'ਨਹੀਂ, ਤੁਸੀਂ ਜਾਓ ਅਤੇ ਜਲਦੀ ਆਓ, ਜਲਦੀ ਵਾਪਸ ਆਓ, ਫਿਰ ਮਿਲਾਂਗੇ |'

ਉਨ੍ਹਾਂ ਨੇ ਕਿਹਾ, 'ਮੈਨੂੰ ਉਨ੍ਹਾਂ ਨਾਲ ਜਾਣਾ ਚਾਹੀਦਾ ਸੀ ਕਿਉਂਕਿ ਜੇ ਮੈਂ ਜਾਂਦਾ ਤਾਂ ਮੈਂ ਕੇ.ਕੇ ਨੂੰ ਬਚਾ ਸਕਦਾ ਸੀ। ਮੈਂ ਆਪਣੇ ਆਪ ਨੂੰ ਕਦੇ ਮੁਆਫ਼ ਨਹੀਂ ਕਰ ਸਕਦਾ।'' ਮਜੂਮਦਾਰ ਨੇ ਦੱਸਿਆ ਕਿ ਕੇ.ਕੇ. ਉਨ੍ਹਾਂ ਕਿਹਾ, 'ਕੇਕੇ ਪਾਰਟੀ ਕਰਨ ਵਾਲੇ ਲੋਕਾਂ ਵਿੱਚੋਂ ਨਹੀਂ ਸੀ ਅਤੇ ਕਦੇ ਵੀ ਲੋਕਾਂ ਨਾਲ ਮਿਲਦਾ ਜੁਲਦਾ ਨਹੀਂ ਸੀ। ਉਨ੍ਹਾਂ ਦੇ ਬਹੁਤੇ ਦੋਸਤ ਨਹੀਂ ਸਨ ਅਤੇ ਉਹ ਕੰਮ ਤੋਂ ਬਾਅਦ ਸਿੱਧਾ ਆਪਣੇ ਘਰ ਜਾਣਾ ਪਸੰਦ ਕਰਦੇ ਸੀ। ਕਿਸੇ ਵੀ ਐਵਾਰਡ ਲਈ ਨਾਮੀਨੇਟ ਹੋਣ ਦੇ ਬਾਵਜੂਦ ਉਹ ਐਵਰਡ ਫ਼ੰਕਸ਼ਨ ਵਿੱਚ ਜਾਣਾ ਪਸੰਦ ਨਹੀਂ ਕਰਦੇ ਸੀ।

ਮਜੂਮਦਾਰ ਨੇ ਦੱਸਿਆ ਕਿ ਕੇਕੇ ਨਾਲ ਉਨ੍ਹਾਂ ਦੀ ਪਹਿਲੀ ਮੁਲਾਕਾਤ ਸਾਲ 2005 'ਚ ਫਿਲਮ 'ਗੈਂਗਸਟਰ' ਦੇ ਗੀਤ 'ਤੂੰ ਹੀ ਮੇਰੀ ਸ਼ਬ ਹੈ' ਦੌਰਾਨ ਹੋਈ ਸੀ। ਮਜ਼ੂਮਦਾਰ, ਜੋ ਉਸ ਸਮੇਂ ਸਹਾਇਕ ਸੰਗੀਤ ਨਿਰਦੇਸ਼ਕ ਵਜੋਂ ਕੰਮ ਕਰ ਰਹੇ ਸਨ, ਨੇ ਕਿਹਾ, "ਪ੍ਰੀਤਮ ਨੇ ਮੈਨੂੰ 'ਤੂੰ ਹੀ ਮੇਰੀ ਸ਼ਬ ਹੈ' ਗੀਤ ਦੇਖਣ ਲਈ ਕਿਹਾ ਸੀ ਅਤੇ ਮੈਂ ਬਹੁਤ ਉਤਸ਼ਾਹਿਤ ਸੀ। ਇਹ ਸਾਡੀ ਪਹਿਲੀ ਮੁਲਾਕਾਤ ਸੀ ਅਤੇ ਅਸੀਂ ਦੋਸਤ ਬਣ ਗਏ।

ਮਜੂਮਦਾਰ ਨੇ ਇਹ ਵੀ ਦੱਸਿਆ ਕਿ ਕਿਵੇਂ ਰਿਕਾਰਡਿੰਗ ਵਿੱਚ ਦੇਰੀ ਨੇ 2008 ਦੇ ਮੁੰਬਈ ਹਮਲਿਆਂ ਦੌਰਾਨ ਕੇਕੇ ਅਤੇ ਉਨ੍ਹਾਂ ਦੀ ਪਤਨੀ ਦੀ ਜਾਨ ਬਚਾਈ ਸੀ। ਉਸ ਨੇ ਦੱਸਿਆ, 'ਕੇਕੇ ਨੇ 26 ਨਵੰਬਰ 2008 ਦੀ ਰਾਤ ਨੂੰ ਆਪਣੀ ਪਤਨੀ ਨੂੰ ਤਾਜ ਹੋਟਲ 'ਚ ਰਾਤ ਦੇ ਖਾਣੇ ਲਈ ਲੈ ਜਾਣ ਦੀ ਯੋਜਨਾ ਬਣਾਈ ਸੀ। ਪਰ ਉਸ ਦਿਨ ਰਿਕਾਰਡਿੰਗ ਵਿੱਚ ਦੇਰੀ ਹੋਣ ਕਾਰਨ ਉਹ ਉੱਥੇ ਨਹੀਂ ਜਾ ਸਕਿਆ। ਬਾਅਦ ਵਿੱਚ ਸਾਨੂੰ ਉੱਥੇ ਹਮਲੇ ਦੀ ਜਾਣਕਾਰੀ ਮਿਲੀ।