Rakhi Sawant: ਆਦਿਲ ਨਾਲ ਵਿਆਹ ਪਿੱਛੋਂ ਫਾਤਿਮਾ ਬਣੀ ਰਾਖੀ ਸਾਵੰਤ... ਹੁਣ ਇਸ ਗੱਲ ਦਾ ਸਤਾ ਰਿਹੈ ਡਰ

ਮੁੰਬਈ : ਰਾਖੀ ਸਾਵੰਤ ਨੇ ਇਕ ਵਾਰ ਫਿਰ ਆਪਣੇ ਇਕ ਫੈਸਲੇ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਉਹ ਇਹ ਸਾਬਤ ਕਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡਦੀ ਕਿ ਉਹ ਬਾਲੀਵੁੱਡ ਦੀ ਡਰਾਮਾ ਕੁਈਨ ਹੈ ਅਤੇ ਇੱਕ ਵਾਰ ਫਿਰ ਅਜਿਹਾ ਹੀ ਕਰਦੀ ਨਜ਼ਰ ਆ ਰਹੀ ਹੈ। ਰਾਖੀ ਨੇ ਆਪਣੇ ਬੁਆਏਫ੍ਰੈਂਡ ਆਦਿਲ ਦੁਰਾਨੀ ਨਾਲ ਵਿਆਹ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਉਸ ਨੇ ਆਪਣੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦਿਆਂ ਦੱਸਿਆ ਕਿ ਉਸ ਦਾ ਵਿਆਹ 7 ਮਹੀਨੇ ਪਹਿਲਾਂ ਆਦਿਲ ਨਾਲ ਹੋਇਆ ਸੀ ਪਰ ਆਦਿਲ ਨੇ ਉਸ 'ਤੇ ਇਸ ਵਿਆਹ ਨੂੰ ਗੁਪਤ ਰੱਖਣ ਲਈ ਦਬਾਅ ਪਾਇਆ ਸੀ। ਰਾਖੀ ਨੇ ਇਹ ਵੀ ਦੱਸਿਆ ਕਿ ਉਸਨੇ ਨਿਕਾਹ ਦੇ ਨਾਲ ਕੋਰਟ ਮੈਰਿਜ ਵੀ ਕੀਤੀ ਸੀ। ਪਰ ਹੁਣ ਤੱਕ ਇਹ ਗੱਲ ਸਭ ਤੋਂ ਛੁਪਾਈ ਹੋਈ ਸੀ।

ਰਾਖੀ ਸਾਵੰਤ ਨੇ ਵਿਆਹ ਅਤੇ ਆਦਿਲ ਨਾਲ ਧੋਖੇ ਬਾਰੇ ਕੀਤੀ ਗੱਲ

ਪਰ, ਹੁਣ ਰਾਖੀ ਦਾ ਕਹਿਣਾ ਹੈ ਕਿ ਆਦਿਲ ਉਸ ਨਾਲ ਗੱਲ ਨਹੀਂ ਕਰ ਰਿਹਾ ਹੈ। ਜੀ ਹਾਂ, ਇੱਕ ਇੰਟਰਵਿਊ ਵਿੱਚ ਰਾਖੀ ਸਾਵੰਤ ਨੇ ਆਪਣੇ ਵਿਆਹ ਅਤੇ ਆਦਿਲ ਨਾਲ ਧੋਖੇ ਬਾਰੇ ਗੱਲ ਕੀਤੀ ਹੈ। 'ਡਰਾਮਾ ਕੁਈਨ' ਦਾ ਕਹਿਣਾ ਹੈ ਕਿ ਉਹ ਹੁਣ ਲਵ ਜੇਹਾਦ ਤੋਂ ਡਰਦੀ ਹੈ। ਕਿਉਂਕਿ ਆਦਿਲ ਦਾ ਪਰਿਵਾਰ ਉਸ 'ਤੇ ਕਾਫੀ ਦਬਾਅ ਪਾ ਰਿਹਾ ਹੈ, ਜਿਸ ਕਾਰਨ ਉਹ ਉਨ੍ਹਾਂ ਨਾਲ ਗੱਲ ਨਹੀਂ ਕਰ ਰਿਹਾ ਹੈ। ਰਾਖੀ ਨੇ ਆਦਿਲ ਦੇ ਕਿਸੇ ਹੋਰ ਕੁੜੀ ਨਾਲ ਰਿਲੇਸ਼ਨਸ਼ਿਪ ਵਿੱਚ ਹੋਣ ਦੀ ਗੱਲ ਵੀ ਕਹੀ ਹੈ।

ਰਾਖੀ ਨੇ ਆਦਿਲ ਉਪਰ ਲਾਏ ਦੋਸ਼

ਰਾਖੀ ਸਾਵੰਤ ਦਾ ਕਹਿਣਾ ਹੈ ਕਿ ਆਦਿਲ ਨੇ ਉਸ ਨਾਲ ਧੋਖਾ ਕੀਤਾ ਹੈ, ਆਦਿਲ ਦਾ ਕਿਸੇ ਹੋਰ ਨਾਲ ਅਫੇਅਰ ਹੈ, ਜਦਕਿ ਉਸ ਨੇ ਉਸ ਨਾਲ ਵਿਆਹ ਕਰ ਲਿਆ ਹੈ। ਵਿਆਹ ਤੋਂ ਬਾਅਦ ਵੀ ਉਹ ਕਿਸੇ ਹੋਰ ਨਾਲ ਹੈ। ਆਦਿਲ ਦੀ ਇਸ ਹਰਕਤ ਨੂੰ ਦੇਖਣ ਤੋਂ ਬਾਅਦ ਰਾਖੀ ਨੇ ਆਪਣੇ ਵਿਆਹ ਦਾ ਸੱਚ ਸਭ ਦੇ ਸਾਹਮਣੇ ਰੱਖਿਆ ਹੈ। ਰਾਖੀ ਨੇ ਇਹ ਵੀ ਦੱਸਿਆ ਕਿ ਉਸ ਨੇ ਵਿਆਹ ਤੋਂ ਬਾਅਦ ਆਪਣਾ ਨਾਂ ਬਦਲ ਲਿਆ ਸੀ। ਉਸ ਨੇ ਆਪਣਾ ਨਾਂ ਫਾਤਿਮਾ ਰੱਖਿਆ ਹੈ। ਦੂਜੇ ਪਾਸੇ ਆਦਿਲ ਨੇ ਨਿਕਾਹ ਦੀਆਂ ਖ਼ਬਰਾਂ ਦਾ ਖੰਡਨ ਕੀਤਾ ਹੈ। ਆਦਿਲ ਦਾ ਕਹਿਣਾ ਹੈ ਕਿ ਉਸ ਨੇ ਅਤੇ ਰਾਖੀ ਨੇ ਵਿਆਹ ਨਹੀਂ ਕੀਤਾ ਹੈ।

View this post on Instagram

A post shared by Rakhi Sawant (@rakhisawant2511)

ਇੰਟਰਵਿਊ 'ਚ ਰਾਖੀ ਨੇ ਦੱਸਿਆ ਕਿ ਕਿਸ ਗੱਲ ਦਾ ਹੈ ਡਰ

ਪਰ ਰਾਖੀ ਨੇ ਹੁਣ ਆਦਿਲ ਨਾਲ ਆਪਣੇ ਵਿਆਹ ਨੂੰ ਲੈ ਕੇ ਲਵ-ਜੇਹਾਦ ਵੱਲ ਇਸ਼ਾਰਾ ਕੀਤਾ ਹੈ। ਇਕ ਇੰਟਰਵਿਊ 'ਚ ਰਾਖੀ ਨੇ ਕਿਹਾ ਕਿ ਉਹ ਡਰਦੀ ਹੈ ਕਿ ਉਸ ਨਾਲ ਵੀ ਉਹੀ ਗੱਲ ਹੋ ਸਕਦੀ ਹੈ, ਜੋ ਅੱਜਕਲ ਹਰ ਪਾਸੇ ਹੋ ਰਹੀ ਹੈ। ਰਾਖੀ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਵਿਆਹ ਨਾਲ ਜੁੜੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ ਅਤੇ ਦਸਤਾਵੇਜ਼ ਵੀ ਦਿਖਾਏ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਦੇਖ ਕੇ ਲੱਗਦਾ ਹੈ ਕਿ ਰਾਖੀ ਨੇ ਆਦਿਲ ਨਾਲ ਆਪਣੇ ਵਿਆਹ ਲਈ ਧਰਮ ਪਰਿਵਰਤਨ ਕਰ ਲਿਆ ਹੈ ਅਤੇ ਇਸ ਵਿਆਹ ਲਈ ਆਪਣਾ ਨਾਂ ਬਦਲ ਕੇ ਫਾਤਿਮਾ ਰੱਖ ਲਿਆ ਹੈ।

View this post on Instagram

A post shared by Rakhi Sawant (@rakhisawant2511)

ਇਸ ਤੋਂ ਪਹਿਲਾਂ ਰਾਖੀ ਸਾਵੰਤ ਰਿਤੇਸ਼ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਚਰਚਾ 'ਚ ਰਹੀ ਸੀ। ਰਾਖੀ ਨੇ ਸੋਸ਼ਲ ਮੀਡੀਆ 'ਤੇ ਦੁਲਹਨ ਦੇ ਰੂਪ 'ਚ ਆਪਣੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ, ਪਰ ਲੰਬੇ ਸਮੇਂ ਤੱਕ ਆਪਣੇ ਪਤੀ ਦਾ ਨਾਂ ਗੁਪਤ ਰੱਖਿਆ। ਇਸ ਤੋਂ ਬਾਅਦ ਬਿੱਗ ਬੌਸ 'ਚ ਐਂਟਰੀ ਨਾਲ ਰਿਤੇਸ਼ ਦਾ ਚਿਹਰਾ ਵੀ ਬੇਨਕਾਬ ਹੋ ਗਿਆ ਸੀ। ਪਰ ਜਿਵੇਂ ਹੀ ਦੋਵੇਂ ਸ਼ੋਅ ਤੋਂ ਬਾਹਰ ਆਏ, ਉਨ੍ਹਾਂ ਦਾ ਰਿਸ਼ਤਾ ਵੀ ਖਤਮ ਹੋ ਗਿਆ।