Ray Stevenson: ਜਨਮਦਿਨ ਤੋਂ ਦੋ ਦਿਨ ਪਹਿਲਾਂ 'RRR' ਅਦਾਕਾਰ ਰੇ ਸਟੀਵਨਸਨ 58 ਸਾਲ ਦੀ ਉਮਰ 'ਚ ਦੇਹਾਂਤ, ਸੋਗ 'ਚ ਡੁੱਬੇ ਫੈਨਜ਼

ਮੁੰਬਈ- ਹਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਰੇ ਸਟੀਵਨਸਨ ਦਾ 58 ਸਾਲ ਦੀ ਉਮਰ 'ਚ ਦੇਹਾਂਤ ਹੋ ਗਿਆ। ਆਇਰਿਸ਼ ਮੂਲ ਦੇ ਅਭਿਨੇਤਾ ਨੂੰ ਆਖਰੀ ਵਾਰ ਐਸਐਸ ਰਾਜਾਮੌਲੀ ਦੀ ਹਿੱਟ ਫਿਲਮ 'ਆਰਆਰਆਰ' ਵਿੱਚ ਦੇਖਿਆ ਗਿਆ ਸੀ। ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਰੇਅ ਦੇ ਪ੍ਰਸ਼ੰਸਕ ਸੋਗ ਵਿੱਚ ਡੁੱਬੇ ਹੋਏ ਹਨ। ਦੋ ਦਿਨ ਬਾਅਦ, 25 ਮਈ ਨੂੰ, ਰੇਅ ਦਾ ਜਨਮ ਦਿਨ ਸੀ। ਮਾਰਵਲ ਦੀਆਂ ਕਈ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਰੇ ਸਟੀਵਨਸਨ ਦੀ ਮੌਤ ਦੀ ਖਬਰ ਨਾਲ ਪੂਰੇ ਮਨੋਰੰਜਨ ਜਗਤ 'ਚ ਸੋਗ ਦੀ ਲਹਿਰ ਹੈ।

ਰਾਮ ਚਰਨ ਅਤੇ ਜੂਨੀਅਰ ਐਨਟੀਆਰ ਨੇ ਐਸਐਸ ਰਾਜਾਮੌਲੀ ਦੀ ਪੀਰੀਅਡ ਐਕਸ਼ਨ ਫਿਲਮ 'ਆਰਆਰਆਰ' ਵਿੱਚ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾਈਆਂ ਹਨ। ਫਿਲਮ ਵਿੱਚ ਰੇ ਸਟੀਵਨਸਨ ਵੀ ਇੱਕ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਏ ਸਨ। ਉਨ੍ਹਾਂ ਨੇ 'ਸਕਾਟ ਬਕਸਟਨ' ਦੀ ਭੂਮਿਕਾ ਨਿਭਾਈ। ਇਹ ਉਸਦੇ ਕਰੀਅਰ ਦੀ ਪਹਿਲੀ ਭਾਰਤੀ ਫਿਲਮ ਸੀ। ਰੇ ਦਾ ਜਨਮ 25 ਮਈ 1964 ਨੂੰ ਉੱਤਰੀ ਆਇਰਲੈਂਡ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਇੱਕ ਪਾਇਲਟ ਸਨ ਅਤੇ 8 ਸਾਲ ਦੀ ਉਮਰ ਵਿੱਚ ਉਹ ਪਰਿਵਾਰ ਨਾਲ ਇੰਗਲੈਂਡ ਚਲੇ ਗਏ ਸਨ।

(twitter@DiscussingFilm)

ਰੇ ਨੇ ਆਪਣੇ ਮਨੋਰੰਜਨ ਦੀ ਦੁਨੀਆ ਵਿੱਚ ਬਹੁਤ ਨਾਮ ਕਮਾਇਆ। ਉਨ੍ਹਾਂ ਨੇ ਕਈ ਅਹਿਮ ਕਿਰਦਾਰ ਨਿਭਾਏ, ਜਿਨ੍ਹਾਂ ਨੇ ਦਰਸ਼ਕਾਂ ਦੇ ਦਿਲਾਂ 'ਤੇ ਛਾਪ ਛੱਡੀ। ਉਨ੍ਹਾਂ ਨੇ 'ਪਨੀਸ਼ਰ: ਵਾਰ ਜਾਨ', 'ਦੀ ਥਿਊਰੀ ਆਫ ਫਲਾਈਟ', 'ਕਿੰਗ ਆਰਥਰ' 'ਚ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਇਸ ਦੇ ਨਾਲ ਹੀ 'ਦਿ ਵਾਕਿੰਗ ਡੇਡ', 'ਸਟਾਰ ਵਾਰਜ਼', 'ਵਾਈਕਿੰਗਜ਼', 'ਬਲੈਕ ਸੇਲਜ਼', 'ਡੇਕਸਟਰ' ਵਰਗੇ ਐਨੀਮੇਟਡ ਸ਼ੋਅ ਲਈ ਵੀ ਜਾਣਿਆ ਜਾਂਦਾ ਹੈ।