ਸ਼ਾਹਰੁਖ ਨੂੰ ਝਟਕਾ, ਆਇਰਨ ਦੀ ਗ੍ਰਿਫਤਾਰੀ ਮਗਰੋਂ BYJU'S ਨੇ ਰੋਕੇ ਸਾਰੇ ਇਸ਼ਤਿਹਾਰ

ਬਾਈਜੂਸ ਨੇ ਐਡਵਾਂਸ ਬੁਕਿੰਗ ਦੇ ਬਾਵਜੂਦ ਉਨ੍ਹਾਂ ਦੇ ਸਾਰੇ ਇਸ਼ਤਿਹਾਰ ਬੰਦ ਕਰ ਦਿੱਤੇ ਹਨ। ਬਾਈਜੂਸ  ਕਿੰਗ ਖਾਨ ਦੇ ਸਪਾਂਸਰਸ਼ਿਪ ਸੌਦਿਆਂ ਦਾ ਸਭ ਤੋਂ ਵੱਡਾ ਬ੍ਰਾਂਡ ਸੀ।

ਸ਼ਾਹਰੁਖ ਨੂੰ ਝਟਕਾ, ਆਇਰਨ ਦੀ ਗ੍ਰਿਫਤਾਰੀ ਮਗਰੋਂ BYJU'S ਨੇ ਬੰਦ ਕੀਤੇ ਸਾਰੇ ਇਸ਼ਤਿਹਾਰ

ਸ਼ਾਹਰੁਖ ਨੂੰ ਝਟਕਾ, ਆਇਰਨ ਦੀ ਗ੍ਰਿਫਤਾਰੀ ਮਗਰੋਂ BYJU'S ਨੇ ਬੰਦ ਕੀਤੇ ਸਾਰੇ ਇਸ਼ਤਿਹਾਰ

  • Share this:
    ਮੁੰਬਈ : ਕਰੂਜ਼ ਪਾਰਟੀ ਡਰੱਗਜ਼ ਮਾਮਲੇ ਦੇ ਦੋਸ਼ੀ ਆਰੀਅਨ ਖਾਨ (Aryan Khan) ਦੇ ਪਿਤਾ ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ ਖਾਨ ਨੂੰ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ, ਦੇਸ਼ ਦੀ ਸਭ ਤੋਂ ਵੱਡੀ ਐਡਟੇਕ ਸਟਾਰਟ-ਅਪ ਕੰਪਨੀ ਬਾਈਜੂਸ (Byju’s)  ਨੇ ਸ਼ਾਹਰੁਖ ਖਾਨ ਦੇ ਸਾਰੇ ਇਸ਼ਤਿਹਾਰ ਬੰਦ ਕਰ ਦਿੱਤੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਹਰੁਖ ਖਾਨ ਸਾਲ 2017 ਤੋਂ ਬਿਜੂ ਦੇ ਬ੍ਰਾਂਡ ਅੰਬੈਸਡਰ ਹਨ।

    ਮੀਡੀਆ ਰਿਪੋਰਟਾਂ ਅਨੁਸਾਰ, ਬਾਈਜੂਸ ਨੇ ਐਡਵਾਂਸ ਬੁਕਿੰਗ ਦੇ ਬਾਵਜੂਦ ਉਨ੍ਹਾਂ ਦੇ ਸਾਰੇ ਇਸ਼ਤਿਹਾਰ ਬੰਦ ਕਰ ਦਿੱਤੇ ਹਨ। ਬਾਈਜੂਸ  ਕਿੰਗ ਖਾਨ ਦੇ ਸਪਾਂਸਰਸ਼ਿਪ ਸੌਦਿਆਂ ਦਾ ਸਭ ਤੋਂ ਵੱਡਾ ਬ੍ਰਾਂਡ ਸੀ। ਇਸ ਤੋਂ ਇਲਾਵਾ ਸ਼ਾਹਰੁਖ ਖਾਨ ਕੋਲ ਹੁੰਡਈ, ਰਿਲਾਇੰਸ ਜਿਓ, ਐਲਜੀ, ਦੁਬਈ ਟੂਰਿਜ਼ਮ ਵਰਗੀਆਂ ਕੰਪਨੀਆਂ ਦੇ ਇਸ਼ਤਿਹਾਰ ਹਨ। ਰਿਪੋਰਟਾਂ ਦੇ ਅਨੁਸਾਰ, ਬਾਈਜੂਸ ਕਿੰਗ ਖਾਨ ਨੂੰ ਬ੍ਰਾਂਡ ਦਾ ਸਮਰਥਨ ਕਰਨ ਦੇ ਲਈ ਸਾਲਾਨਾ 3-4 ਕਰੋੜ ਰੁਪਏ ਅਦਾ ਕਰਦਾ ਹੈ।

    ਦੱਸਣਯੋਗ ਹੈ ਕਿ ਕਰੂਜ਼ ਰੇਵ ਪਾਰਟੀ ਮਾਮਲੇ 'ਚ ਅਦਾਲਤ ਤੋਂ ਜ਼ਮਾਨਤ ਨਾ ਮਿਲਣ 'ਤੇ ਆਰੀਅਨ ਖਾਨ ਨੂੰ ਸ਼ੁੱਕਰਵਾਰ ਨੂੰ ਆਰਥਰ ਰੋਡ ਜੇਲ੍ਹ ਭੇਜ ਦਿੱਤਾ ਗਿਆ ਸੀ। ਆਰੀਅਨ ਦੇ ਨਾਲ, ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ 5 ਹੋਰ ਮੁਲਜ਼ਮਾਂ ਨੂੰ ਵੀ ਜੇਲ੍ਹ ਭੇਜਿਆ ਗਿਆ, ਜਦੋਂ ਕਿ ਮੁਲਜ਼ਮ ਮੁਨਮੁਨ ਧਮੇਚਾ ਸਮੇਤ ਦੋ ਮਹਿਲਾ ਮੁਲਜ਼ਮਾਂ ਨੂੰ ਭਾਯਖਲਾ ਮਹਿਲਾ ਜੇਲ੍ਹ ਭੇਜਿਆ ਗਿਆ ਹੈ।

    ਵਧੀਕ ਮੁੱਖ ਮੈਟਰੋਪੋਲੀਟਨ ਮੈਜਿਸਟਰੇਟ ਆਰਐਮ ਨੇਰਲੀਕਰ ਨੇ ਕਿਹਾ ਕਿ ਆਰੀਅਨ, ਮੁਨਮੁਨ ਧਮੇਚਾ ਅਤੇ ਅਰਬਾਜ਼ ਮਰਚੈਂਟ ਦੀਆਂ ਜ਼ਮਾਨਤ ਅਰਜ਼ੀਆਂ "ਸੁਣਵਾਈਯੋਗ ਨਹੀਂ" ਹਨ। ਆਰੀਅਨ ਅਤੇ ਸੱਤ ਹੋਰਾਂ ਦੀ ਹਿਰਾਸਤ ਵਧਾਉਣ ਦੀ ਐਨਸੀਬੀ ਦੀ ਬੇਨਤੀ ਨੂੰ ਰੱਦ ਕਰ ਦਿੱਤਾ ਗਿਆ ਅਤੇ ਉਨ੍ਹਾਂ ਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ। ਇਤਫਾਕਨ, ਅਦਾਲਤ ਨੇ ਆਰੀਅਨ ਦੀ ਜ਼ਮਾਨਤ ਅਰਜ਼ੀ ਨੂੰ ਉਸ ਦਿਨ ਰੱਦ ਕਰ ਦਿੱਤਾ ਜਦੋਂ ਉਸ ਦੀ ਮਾਂ ਗੌਰੀ ਖਾਨ ਦਾ 51 ਵਾਂ ਜਨਮਦਿਨ ਸੀ।
    Published by:Ashish Sharma
    First published: