Singer Jubin Nautiyal: ਗਾਇਕ ਜੁਬਿਨ ਨੌਟਿਆਲ ਹਸਪਤਾਲ 'ਚ ਭਰਤੀ, ਇੰਝ ਲੱਗੀਆਂ ਗੰਭੀਰ ਸੱਟਾਂ

Singer Jubin Nautiyal Admitted In Hospital: ਬਾਲੀਵੁੱਡ ਸਿੰਗਰ ਜੁਬਿਨ ਨੌਟਿਆਲ (Jubin Nautiyal) ਨੂੰ ਲੈ ਬੁਰੀ ਖਬਰ ਸਾਹਮਣੇ ਆ ਰਹੀ ਹੈ। ਦਰਅਸਲ, ਜੁਬਿਨ ਨੌਟਿਆਲ ਵੀਰਵਾਰ ਨੂੰ ਘਰ ਦੀਆਂ ਪੌੜੀਆਂ ਤੋਂ ਹੇਠਾਂ ਡਿੱਗ ਗਏ। ਇਸ ਦੌਰਾਨ ਉਸ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ। ਜੁਬਿਨ ਨੌਟਿਆਲ ਦੀ ਕੂਹਣੀ ਟੁੱਟ ਗਈ ਹੈ। ਇਸ ਤੋਂ ਇਲਾਵਾ ਉਸ ਦੇ ਸਿਰ, ਪਸਲੀਆਂ ਅਤੇ ਮੱਥੇ 'ਤੇ ਵੀ ਸੱਟ ਲੱਗੀ ਹੈ। ਉਨ੍ਹਾਂ ਨੂੰ ਮੁੰਬਈ ਦੇ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।

ਸੱਜੇ ਹੱਥ ਦਾ ਕਰਵਾਉਣਾ ਪਵੇਗਾ ਆਪਰੇਸ਼ਨ

ਜਾਣਕਾਰੀ ਲਈ ਦੱਸ ਦੇਈਏ ਕਿ ਜੁਬਿਨ ਨੌਟਿਆਲ ਦਾ ਨਵਾਂ ਗੀਤ ਤੂੰ ਸਾਮਨੇ ਆਏ ਹਾਲ ਹੀ ਵਿੱਚ ਰਿਲੀਜ਼ ਹੋਇਆ। ਇਹ ਗੀਤ ਉਨ੍ਹਾਂ ਨੇ ਗਾਇਕ ਯੋਹਾਨੀ ਨਾਲ ਗਾਇਆ ਹੈ। ਵੀਰਵਾਰ ਨੂੰ ਗੀਤ ਦੇ ਲਾਂਚ 'ਤੇ ਨੌਟਿਆਲ ਅਤੇ ਯੋਹਾਨੀ ਨੂੰ ਇਕੱਠੇ ਦੇਖਿਆ ਗਿਆ। ਇਸ ਤੋਂ ਬਾਅਦ ਹੀ ਉਸ ਨੂੰ ਸੱਟ ਲੱਗ ਗਈ। ਇਸ ਹਾਦਸੇ ਕਾਰਨ ਗਾਇਕ ਨੂੰ ਆਪਣੇ ਸੱਜੇ ਹੱਥ ਦਾ ਆਪਰੇਸ਼ਨ ਕਰਵਾਉਣਾ ਪਵੇਗਾ। ਡਾਕਟਰਾਂ ਨੇ ਉਸ ਨੂੰ ਸੱਜੇ ਹੱਥ ਦੀ ਵਰਤੋਂ ਨਾ ਕਰਨ ਦੀ ਸਲਾਹ ਦਿੱਤੀ ਹੈ।

View this post on Instagram

A post shared by Jubin Nautiyal (@jubin_nautiyal)

ਗਾਇਕ ਜੁਬਿਨ ਨੌਟਿਆਲ ਨੇ ਕਾਫੀ ਮਿਹਨਤ ਨਾਲ ਇੰਡਸਟਰੀ 'ਚ ਆਪਣਾ ਨਾਂ ਬਣਾਇਆ। ਹਾਲ ਹੀ 'ਚ ਉਨ੍ਹਾਂ ਦੇ ਇਕ ਤੋਂ ਬਾਅਦ ਇਕ ਗੀਤ ਰਿਲੀਜ਼ ਹੋਏ ਹਨ। ਇਸ ਵਿੱਚ ਮਾਣੀਕੇ ਦਾ ਗੀਤ ਯੋਹਾਨੀ ਅਤੇ ਫਿਲਮ ਗੋਵਿੰਦਾ ਨਾਮ ਮੇਰਾ ਦਾ ਬਨਾ ਸ਼ਰਾਬੀ ਸ਼ਾਮਲ ਹੈ। ਫਿਲਮ ਥੈਂਕ ਗੌਡ ਦਾ ਗੀਤ ਮਾਨੀਕੇ ਵੀ ਜ਼ੁਬਿਨ ਨੇ ਯੋਹਾਨੀ ਨਾਲ ਗਾਇਆ ਸੀ।