Kailash Kher: ਕੈਲਾਸ਼ ਖੇਰ ਨੇ ਕੰਸਰਟ 'ਚ ਹਮਲੇ ਦੀਆਂ ਖਬਰਾਂ ਵਿਚਾਲੇ ਸ਼ੇਅਰ ਕੀਤਾ ਵੀਡੀਓ, ਲਿਖੀ ਇਹ ਗੱਲ

Singer Kailash On hampi Utsav: ਬਾਲੀਵੁੱਡ ਗਾਇਕ ਕੈਲਾਸ਼ ਖੇਰ ਆਪਣੇ ਗੀਤਾਂ ਲਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹਨ। ਹਾਲ ਹੀ ਵਿੱਚ ਗਾਇਕ ਕਰਨਾਟਕ 'ਚ ਤਿੰਨ ਦਿਨਾਂ ਹੰਪੀ ਫੈਸਟੀਵਲ ਦਾ ਆਯੋਜਨ ਦਾ ਹਿੱਸਾ ਬਣੇ। ਇਸ ਦੌਰਾਨ ਗਾਇਕ 'ਤੇ ਦੋ ਮੁੰਡਿਆਂ ਨੇ ਹਮਲਾ ਕੀਤਾ। ਇਹ ਘਟਨਾ ਐਤਵਾਰ 29 ਜਨਵਰੀ ਦੀ ਸ਼ਾਮ ਨੂੰ ਵਾਪਰੀ, ਜਿਸ 'ਚ ਕੈਲਾਸ਼ ਖੇਰ ਦਾ ਗੀਤ ਸੁਣਨ ਲਈ ਹਜ਼ਾਰਾਂ ਲੋਕ ਪਹੁੰਚੇ ਹੋਏ ਸਨ। ਉਸ ਦੀ ਆਵਾਜ਼ 'ਤੇ ਭੀੜ ਨੱਚ ਰਹੀ ਸੀ ਪਰ ਇਸ ਦੌਰਾਨ ਕਿਸੇ ਨੇ ਕੈਲਾਸ਼ ਖੇਰ 'ਤੇ ਕੱਚ ਦੀ ਬੋਤਲ ਸੁੱਟ ਦਿੱਤੀ। ਜਿੱਥੇ ਮੰਚ 'ਤੇ ਮੌਜੂਦ ਉਨ੍ਹਾਂ ਦੀ ਟੀਮ ਨੇ ਉਨ੍ਹਾਂ ਦਾ ਬਚਾਅ ਕੀਤਾ। ਹਾਲਾਂਕਿ ਇਸ ਹਮਲੇ ਦੀਆਂ ਖਬਰਾਂ ਵਿਚਕਾਰ ਕੈਲਾਸ਼ ਖੇਰ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਪਰ ਇੱਕ ਵੀਡੀਓ ਸ਼ੇਅਰ ਕੀਤਾ ਗਿਆ ਹੈ। ਤੁਸੀ ਵੀ ਵੇਖੋ ਇਹ ਵੀਡੀਓ...

View this post on Instagram

A post shared by Kailash Kher (@kailashkher)

ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਕੈਲਾਸ਼ ਖੇਰ ਨੇ ਲਿਖਿਆ,  ਜਦੋਂ ਪੁਨੀਤ ਰਾਜ ਕੁਮਾਰ ਜੀ ਨੂੰ ਕੈਲਾਸਾ  ਸੰਗੀਤਕ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਇੱਕ ਗੀਤ  ਲੜੀ ਉਨ੍ਹਾਂ ਉੱਤੇ ਫਿਲਮਾਏ ਗਏ ਸਾਡੇ ਕੰਨੜ ਗੀਤਾਂ ਦੀ ਪੇਸ਼ ਕੀਤੀ। ਪੂਰਾ ਵਿਜੇਨਗਰ ਗਾ ਰਿਹਾ ਹੈ, ਝੂਮ ਰਿਹਾ ਹੈ, ਭਾਵਾਕੁਲ ਹੋ ਰਿਹਾ ਹੈ। ਇਸਦਾ ਸਮਾਪਨ  ਬੇਹੱਦ ਭਾਵੁਕ ਕਰਨ ਵਾਲਾ ਰਿਹਾ...

ਜਾਣੋ ਕਿਉਂ ਹੋਇਆ ਹਮਲਾ...

ਇਸ ਦੌਰਾਨ ਮੌਕੇ 'ਤੇ ਪੁਲਿਸ ਵੀ ਮੌਜੂਦ ਸੀ, ਜੋ ਘਟਨਾ ਤੋਂ ਤੁਰੰਤ ਬਾਅਦ ਹਰਕਤ 'ਚ ਆ ਗਈ। ਉਨ੍ਹਾਂ ਵੱਲੋਂ ਹਮਲਾਵਰ ਨੂੰ ਫੜ ਲਿਆ ਗਿਆ। ਜਾਣਕਾਰੀ ਮੁਤਾਬਕ ਕੈਲਾਸ਼ 'ਤੇ ਇਹ ਹਮਲਾ ਕੰਨੜ ਗੀਤ ਨਾ ਗਾਉਣ ਕਾਰਨ ਹੋਇਆ। ਇਨ੍ਹਾਂ ਮੁੰਡਿਆਂ ਨੂੰ ਇਸ ਗੱਲ ਦਾ ਗੁੱਸਾ ਸੀ ਕਿ ਕੈਲਾਸ਼ ਖੇਰ ਨੇ ਆਪਣੇ ਸਮਾਰੋਹ ਵਿੱਚ ਕੋਈ ਕੰਨੜ ਗੀਤ ਨਹੀਂ ਗਾਇਆ। ਅਜਿਹੇ 'ਚ ਨਾਰਾਜ਼ ਲੜਕੇ ਨੇ ਸਟੇਜ 'ਤੇ ਪਰਫਾਰਮ ਕਰ ਰਹੇ ਗਾਇਕ 'ਤੇ ਪਾਣੀ ਦੀ ਬੋਤਲ ਸੁੱਟ ਦਿੱਤੀ।

ਦੱਸ ਦੇਈਏ ਕਿ ਕਰਨਾਟਕ 'ਚ ਆਯੋਜਿਤ ਹੰਪੀ ਫੈਸਟੀਵਲ 27 ਜਨਵਰੀ ਤੋਂ ਸ਼ੁਰੂ ਹੋਇਆ ਸੀ, ਜੋ 29 ਜਨਵਰੀ ਤੱਕ ਚੱਲਿਆ। ਪ੍ਰੋਗਰਾਮ ਦਾ ਉਦਘਾਟਨ ਮੁੱਖ ਮੰਤਰੀ ਬਸਵਰਾਜ ਬੋਮਈ ਨੇ ਕੀਤਾ। ਇਸ ਪ੍ਰੋਗਰਾਮ ਦੌਰਾਨ ਗਾਇਕ 'ਤੇ ਹਮਲਾ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਕੰਨੜ ਪਲੇਬੈਕ ਗਾਇਕ ਅਰਜੁਨ, ਰਘੂ ਦੀਕਸ਼ਿਤ, ਵਿਜੇ ਪ੍ਰਕਾਸ਼ ਅਤੇ ਅਨੰਨਿਆ ਭੱਟ ਨੇ ਵੀ ਪ੍ਰਦਰਸ਼ਨ ਕੀਤਾ। ਜਿੱਥੇ ਬਾਲੀਵੁੱਡ ਤੋਂ ਕੈਲਾਸ਼ ਖੇਰ ਅਤੇ ਅਰਮਾਨ ਮਲਿਕ ਨੇ ਹਿੱਸਾ ਲਿਆ।

ਇਸ ਸਮਾਗਮ ਵਿੱਚ ਕੰਨੜ ਸਿਤਾਰਿਆਂ ਨੇ ਵੀ ਸ਼ਿਰਕਤ ਕੀਤੀ

ਕੈਲਾਸ਼ ਖੇਰ ਦੀ ਗੱਲ ਕਰੀਏ ਤਾਂ ਉਹ ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਅਤੇ ਪ੍ਰਤਿਭਾਸ਼ਾਲੀ ਗਾਇਕਾਂ ਵਿੱਚੋਂ ਇੱਕ ਹਨ, ਜੋ ਸਾਲਾਂ ਤੋਂ ਇੰਡਸਟਰੀ ਵਿੱਚ ਸਰਗਰਮ ਹਨ। ਉਸ ਦੇ ਕਈ ਗੀਤ ਅੱਜ ਵੀ ਲੋਕਾਂ ਦੀ ਪਲੇਅ ਸੂਚੀ ਵਿੱਚ ਪਹਿਲੇ ਨੰਬਰ 'ਤੇ ਬਣੇ ਹੋਏ ਹਨ। 'ਅੱਲ੍ਹਾ ਕੇ ਬੰਦੇ ਹੰਸ ਦੇ...', 'ਚਾਂਦ ਸਿਫ਼ਾਰਸ਼..' ਅਤੇ 'ਤੇਰੀ ਦੀਵਾਨੀ' ਵਰਗੇ ਗੀਤ ਸ਼ਾਮਲ ਹਨ।