Sonu Sood Viral Video: ਸੋਨੂੰ ਸੂਦ ਦੀ ਨਵੀਂ ਵੀਡੀਓ 'ਤੇ ਰੇਲਵੇ ਨੇ ਲਾਈ ਫਟਕਾਰ, ਅਦਾਕਾਰ ਨੂੰ ਮੰਗਣੀ ਪਈ ਮਾਫੀ

ਉੱਤਰੀ ਰੇਲਵੇ ਨੇ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਨੂੰ ਚੱਲਦੀ ਟਰੇਨ ਦੇ ਦਰਵਾਜ਼ੇ 'ਤੇ ਬੈਠਣ 'ਤੇ ਫਟਕਾਰ ਲਾਈ ਹੈ। ਦਰਅਸਲ ਅਦਾਕਾਰ ਸੋਨੂੰ ਸੂਦ ਨੇ ਟਵਿੱਟਰ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਵੀਡੀਓ 'ਚ ਉਹ ਚੱਲਦੀ ਟਰੇਨ ਦੇ ਦਰਵਾਜ਼ੇ 'ਤੇ ਬੈਠੇ ਦਿਖਾਈ ਦੇ ਰਹੇ ਹਨ। ਜਿਸ ਤੋਂ ਬਾਅਦ ਉੱਤਰੀ ਰੇਲਵੇ ਨੇ ਟਵੀਟ ਕਰਕੇ ਨਰਾਜ਼ਗੀ ਜ਼ਹਿਰ ਕੀਤੀ ਹੈ।

ਸੋਨੂੰ ਸੂਦ ਨੂੰ ਭਾਰਤ ਦੇ ਲੋਕਾਂ ਲਈ ਰੋਲ ਮਾਡਲ ਦੱਸਦੇ ਹੋਏ ਉੱਤਰੀ ਰੇਲਵੇ ਯਾਨੀ ਉੱਤਰੀ ਰੇਲਵੇ ਨੇ ਕਿਹਾ ਕਿ ਉਨ੍ਹਾਂ ਦੀ ਵੀਡੀਓ ਦੇਸ਼ ਨੂੰ ਗਲਤ ਸੰਦੇਸ਼ ਦੇਵੇਗੀ। ਉੱਤਰੀ ਰੇਲਵੇ ਨੇ ਟਵੀਟ ਕੀਤਾ, 'ਪਿਆਰੇ ਸੋਨੂੰ ਸੂਦ, ਤੁਸੀਂ ਦੇਸ਼ ਅਤੇ ਦੁਨੀਆ ਦੇ ਕਰੋੜਾਂ ਲੋਕਾਂ ਲਈ ਆਦਰਸ਼ ਹੋ। ਟਰੇਨ ਦੀਆਂ ਪੌੜੀਆਂ 'ਤੇ ਬੈਠ ਕੇ ਸਫਰ ਕਰਨਾ ਖਤਰਨਾਕ ਹੈ, ਇਸ ਤਰ੍ਹਾਂ ਦੀ ਵੀਡੀਓ ਤੁਹਾਡੇ ਪ੍ਰਸ਼ੰਸਕਾਂ ਨੂੰ ਗਲਤ ਸੰਦੇਸ਼ ਦੇ ਸਕਦੀ ਹੈ। ਕਿਰਪਾ ਕਰਕੇ ਅਜਿਹਾ ਨਾ ਕਰੋ। ਇੱਕ  ਸੁਰੱਖਿਅਤ ਯਾਤਰਾ ਦਾ ਆਨੰਦ ਮਾਣੋ।'

प्रिय, @SonuSood

देश और दुनिया के लाखों लोगों के लिए आप एक आदर्श हैं। ट्रेन के पायदान पर बैठकर यात्रा करना खतरनाक है, इस प्रकार की वीडियो से आपके प्रशंसकों को गलत संदेश जा सकता है।

कृपया ऐसा न करें! सुगम एवं सुरक्षित यात्रा का आनंद उठाएं। https://t.co/lSMGdyJcMO

— Northern Railway (@RailwayNorthern) January 4, 2023

ਦਰਅਸਲ, ਇਹ ਟਵੀਟ ਅਭਿਨੇਤਾ ਸੋਨੂੰ ਸੂਦ ਦੁਆਰਾ 13 ਦਸੰਬਰ ਨੂੰ ਰੇਲ ਯਾਤਰਾ ਦਾ ਇੱਕ ਵੀਡੀਓ ਅਪਲੋਡ ਕਰਨ ਤੋਂ ਬਾਅਦ ਆਇਆ ਹੈ, ਜਿਸ ਵਿੱਚ ਉਹ ਰੇਲਗੱਡੀ ਦੇ ਦਰਵਾਜ਼ੇ 'ਤੇ ਬੈਠ ਕੇ ਸਫ਼ਰ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਚ ਸੋਨੂੰ ਟਰੇਨ ਦੇ ਦਰਵਾਜ਼ੇ 'ਤੇ ਬੈਠਾ ਬਾਹਰ ਦੇਖ ਰਹੇ ਹਨ। ਇਸ ਵੀਡੀਓ 'ਚ ਸੋਨੂੰ ਬਲੈਕ ਟੀ-ਸ਼ਰਟ ਅਤੇ ਬਲੈਕ ਪੈਂਟ 'ਚ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸੋਨੂੰ ਨੇ ਕੈਪਸ਼ਨ 'ਚ ਲਿਖਿਆ 'ਮੁਸਾਫਿਰ ਹੂੰ ਯਾਰੋ' ਅਤੇ ਵੀਡੀਓ ਦੇ ਬੈਕਗ੍ਰਾਊਂਡ 'ਚ ਵੀ ਇਹੀ ਗੀਤ ਚੱਲ ਰਿਹਾ ਹੈ।

ਸੋਨੂੰ ਸੂਦ ਨੇ ਮੰਗੀ ਮੁਆਫੀ

ਸੋਨੂੰ ਸੂਦ ਨੇ ਹੁਣ ਰੇਲਵੇ ਤੋਂ ਮੁਆਫੀ ਮੰਗ ਲਈ ਹੈ। ਰੇਲਵੇ ਦੇ ਟਵੀਟ ਨੂੰ ਰੀਟਵੀਟ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ- ਮਾਫੀ 🙏 ਮੈਂ ਇਹ ਦੇਖਣ ਲਈ ਇੰਝ ਹੀ ਬੈਠਾ ਸੀ, ਉਹ ਲੱਖਾਂ ਗਰੀਬ ਕਿਵੇਂ ਮਹਿਸੂਸ ਕਰ ਰਹੇ ਹੋਣਗੇ, ਜਿਨ੍ਹਾਂ ਦੀ ਜ਼ਿੰਦਗੀ ਅੱਜ ਵੀ ਟਰੇਨ ਦੇ ਦਰਵਾਜ਼ਿਆਂ 'ਤੇ ਗੁਜ਼ਰਦੀ ਹੈ। ਇਸ ਸੰਦੇਸ਼ ਲਈ ਅਤੇ ਦੇਸ਼ ਦੀ ਰੇਲਵੇ ਪ੍ਰਣਾਲੀ ਨੂੰ ਬਿਹਤਰ ਬਣਾਉਣ ਲਈ ਧੰਨਵਾਦ।

क्षमा प्रार्थी 🙏
बस यूँ ही बैठ गया था देखने,
कैसा महसूस करते होंगे वो लाखों ग़रीब जिनकी ज़िंदगी अभी भी ट्रेन के दरवाज़ों पे गुज़रती है।
धन्यवाद इस संदेश के लिए और देश की रेल व्यवस्था बेहतर करने के लिए। ❤️🙏 https://t.co/F4a4vKKhFy

— sonu sood (@SonuSood) January 5, 2023