ਡਾਈਟ 'ਚ ਸ਼ਾਮਲ ਕਰੋ ਲਾਲ ਅੰਗੂਰ, ਦਿਲ ਦੀ ਚੰਗੀ ਸਿਹਤ ਨਾਲ ਭਾਰ ਵੀ ਹੋਵੇਗਾ ਕੰਟਰੋਲ

ਲੋਕਾਂ ਨੇ ਜ਼ਿਆਦਾਤਰ ਹਰੇ ਜਾਂ ਲਾਲ ਅੰਗੂਰ ਹੀ ਖਾਏ ਹੋਣਗੇ ਪਰ ਅੰਗੂਰਾਂ ਦੀ ਇੱਕ ਕਿਸਮ ਹੋਰ ਵੀ ਹੈ ਜੋ ਕਿ ਸਾਡੀ ਸਿਹਤ ਲਈ ਬਹੁਤ ਫ਼ਾਇਦੇਮੰਦ ਹੁੰਦੀ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਲਾਲ ਅੰਗੂਰਾਂ ਦੀ। ਲਾਲ ਅੰਗੂਰ ਦਿੱਖਣ 'ਚ ਜਿੰਨੇ ਖ਼ੂਬਸੂਰਤ ਹੁੰਦੇ ਹਨ, ਸਿਹਤ ਲਈ ਵੀ ਓਨੇ ਹੀ ਫ਼ਾਇਦੇਮੰਦ ਹੁੰਦੇ ਹਨ। ਦਿਨ ਭਰ ਲਾਲ ਅੰਗੂਰ ਦਾ ਸਿਰਫ਼ ਇੱਕ ਕਟੋਰਾ ਸੇਵਨ ਕਰਨਾ ਤੁਹਾਡੀ ਸਕਿਨ, ਦਿਲ ਦੀ ਸਿਹਤ, ਦਿਮਾਗ਼, ਅੱਖਾਂ ਅਤੇ ਇਮਿਊਨ ਸਿਸਟਮ ਲਈ ਫ਼ਾਇਦੇਮੰਦ ਸਾਬਤ ਹੁੰਦਾ ਹੈ। ਇੰਨਾ ਹੀ ਨਹੀਂ ਲਾਲ ਅੰਗੂਰ ਤੁਹਾਨੂੰ ਕੈਂਸਰ, ਹਾਈ ਬਲੱਡ ਪ੍ਰੈਸ਼ਰ, ਐੱਲ.ਡੀ.ਐੱਲ ਯਾਨੀ ਖ਼ਰਾਬ ਕੋਲੈਸਟ੍ਰੋਲ ਤੋਂ ਵੀ ਬਚਾ ਸਕਦੇ ਹਨ। ਅਸਲ ਵਿੱਚ ਲਾਲ ਅੰਗੂਰਾਂ ਵਿੱਚ ਕੈਲੋਰੀ, ਚਰਬੀ ਅਤੇ ਕੋਲੈਸਟ੍ਰੋਲ ਬਹੁਤ ਘੱਟ ਹੁੰਦਾ ਹੈ। ਇੰਨਾ ਕਿ ਤੁਸੀਂ ਇਸ ਨੂੰ ਜ਼ੀਰੋ ਸਮਝ ਸਕਦੇ ਹੋ। ਜਦੋਂ ਕਿ ਇਹ ਐਂਟੀ-ਆਕਸੀਡੈਂਟਸ ਦਾ ਖ਼ਜ਼ਾਨਾ ਹੈ। ਇਸ ਲਈ ਡਾਇਟੀਸ਼ੀਅਨ ਅਕਸਰ ਸਕਿਨ ਦੀ ਚਮਕ ਨੂੰ ਵਧਾਉਣ ਲਈ ਲਾਲ ਅੰਗੂਰ ਦਾ ਸੇਵਨ ਕਰਨ ਦੀ ਸਲਾਹ ਦਿੰਦੇ ਹਨ। ਇਨ੍ਹਾਂ ਵਿਚ ਵਿਟਾਮਿਨ ਸੀ, ਵਿਟਾਮਿਨ ਏ, ਵਿਟਾਮਿਨ ਬੀ6, ਵਿਟਾਮਿਨ ਕੇ, ਫੋਲੇਟ, ਜ਼ਿੰਕ, ਕਾਪਰ, ਪੋਟਾਸ਼ੀਅਮ, ਮੈਂਗਨੀਜ਼ ਅਤੇ ਕੈਲਸ਼ੀਅਮ ਵੀ ਚੰਗੀ ਮਾਤਰਾ ਵਿਚ ਪਾਏ ਜਾਂਦੇ ਹਨ। ਲਾਲ ਅੰਗੂਰਾਂ ਦਾ ਸੇਵਨ ਕਰਨ ਨਾਲ ਸਾਨੂੰ ਕਈ ਫ਼ਾਇਦੇ ਮਿਲਦੇ ਹਨ, ਆਓ ਜਾਣੇ ਹਾਂ ਇਨ੍ਹਾਂ ਬਾਰੇ...

ਲਾਲ ਅੰਗੂਰ ਖਾ ਕੇ ਭਾਰ ਕੰਟਰੋਲ ਕਰੋ: ਜੇਕਰ ਤੁਸੀਂ ਆਪਣਾ ਭਾਰ ਕੰਟਰੋਲ ਕਰਨਾ ਚਾਹੁੰਦੇ ਹੋ ਤਾਂ ਲਾਲ ਅੰਗੂਰ ਨੂੰ ਡਾਈਟ 'ਚ ਜ਼ਰੂਰ ਸ਼ਾਮਲ ਕਰੋ। ਇਸ 'ਚ ਮੌਜੂਦ ਐਂਟੀਆਕਸੀਡੈਂਟ, ਵਿਟਾਮਿਨ ਸੀ, ਪਾਣੀ ਅਤੇ ਫਾਈਬਰ ਪੇਟ ਨੂੰ ਭਰਿਆ ਰੱਖਣ ਦੇ ਨਾਲ-ਨਾਲ ਭਾਰ ਵਧਣ ਤੋਂ ਰੋਕਦੇ ਹਨ। ਜੇ ਤੁਸੀਂ ਭਾਰ ਘਟਾਉਣ ਦੇ ਪ੍ਰੋਸੈਸ ਵਿੱਚ ਜ਼ਿਆਦਾ ਫ਼ਾਇਦੇ ਲੈਣਾ ਚਾਹੁੰਦੇ ਹੋ ਤਾਂ ਜੂਸ ਦੀ ਬਜਾਏ ਫਲਾਂ ਦਾ ਸੇਵਨ ਕਰਨਾ ਚਾਹੀਦਾ ਹੈ।

ਦਿਲ ਦੀ ਸਿਹਤ ਲਈ ਬਹੁਤ ਵਧੀਆ ਹੈ ਲਾਲ ਅੰਗੂਰ: ਲਾਲ ਅੰਗੂਰ ਵਿੱਚ ਇੱਕ ਵਿਸ਼ੇਸ਼ ਕਿਸਮ ਦਾ ਐਂਟੀਆਕਸੀਡੈਂਟ ਪਾਇਆ ਜਾਂਦਾ ਹੈ ਜੋ ਕਾਰਡੀਓਵੈਸਕੁਲਰ ਪ੍ਰਣਾਲੀ ਨੂੰ ਬਿਹਤਰ ਢੰਗ ਨਾਲ ਕੰਮ ਕਰਨ ਵਿੱਚ ਮਦਦ ਕਰਦਾ ਹੈ। ਫਲੇਵੋਨੋਇਡ ਜਾਂ ਪੌਲੀਫੇਨੌਲ ਨਾਮਕ ਇਹ ਐਂਟੀਆਕਸੀਡੈਂਟ ਖ਼ੂਨ ਦੀਆਂ ਨਾੜੀਆਂ ਨੂੰ ਆਰਾਮ ਦੇਣ ਅਤੇ ਕਿਸੇ ਵੀ ਕਿਸਮ ਦੀ ਸੋਜਸ਼ ਨੂੰ ਘਟਾਉਣ ਦਾ ਕੰਮ ਕਰਦਾ ਹੈ। ਅਧਿਐਨ ਦਰਸਾਉਂਦੇ ਹਨ ਕਿ ਤੁਸੀਂ ਦਿਲ ਦੇ ਕੰਮ ਨੂੰ ਬਿਹਤਰ ਬਣਾਉਣ ਲਈ ਇਸ ਅੰਗੂਰ ਦਾ ਸੇਵਨ ਕਰਦੇ ਹੋ।

ਸ਼ੂਗਰ ਵਿਚ ਲਾਭਦਾਇਕ : ਕੁੱਝ ਲੋਕਾਂ ਦਾ ਮੰਨਣਾ ਹੈ ਕਿ ਸ਼ੂਗਰ ਦੇ ਮਰੀਜ਼ਾਂ ਨੂੰ ਫਲ ਨਹੀਂ ਖਾਣੇ ਚਾਹੀਦੇ ਪਰ ਤੁਹਾਨੂੰ ਦੱਸ ਦੇਈਏ ਕਿ ਲਾਲ ਅੰਗੂਰ ਘੱਟ ਗਲਾਈਸੈਮਿਕ ਇੰਡੈਕਸ ਵਾਲਾ ਫਲ ਹੈ, ਜੋ ਬਲੱਡ ਸ਼ੂਗਰ ਨੂੰ ਪ੍ਰਭਾਵਿਤ ਨਹੀਂ ਕਰਦਾ। ਇਸ ਲਈ ਇਹ ਫਲ ਸ਼ੂਗਰ ਦੇ ਮਰੀਜ਼ਾਂ ਲਈ ਬਹੁਤ ਫ਼ਾਇਦੇਮੰਦ ਹੋ ਸਕਦਾ ਹੈ। ਅੰਗੂਰ ਗਲਾਈਸੈਮਿਕ ਇੰਡੈਕਸ ਅਤੇ ਗਲਾਈਸੈਮਿਕ ਲੋਡ ਨੂੰ ਘੱਟ ਕਰਦਾ ਹੈ ਜਦੋਂ ਕਿ ਇਸ ਵਿਚ ਬਹੁਤ ਸਾਰੇ ਐਂਟੀਆਕਸੀਡੈਂਟ ਤੱਤ ਹੁੰਦੇ ਹਨ ਜੋ ਸ਼ੂਗਰ ਰੋਗੀਆਂ ਲਈ ਬਹੁਤ ਫ਼ਾਇਦੇਮੰਦ ਹੁੰਦੇ ਹਨ।