ਖ਼ੂਨ 'ਚ ਟ੍ਰਾਈਗਲਾਈਸਰਾਈਡਸ ਕਾਰਨ ਹੋ ਸਕਦੀ ਹੈ ਦਿਲ ਦੀ ਭਿਆਨਕ ਬਿਮਾਰੀ, ਜਾਣੋ ਇਸ ਨੂੰ ਠੀਕ ਕਰਨ ਦੇ ਤਰੀਕੇ

Triglycerides Symptoms: ਦਿਲ ਦੀ ਸਿਹਤ ਨੂੰ ਬਣਾਈ ਰੱਖਣ ਲਈ ਉੱਚ ਟ੍ਰਾਈਗਲਾਈਸਰਾਈਡਸ ਨੂੰ ਨਿਯੰਤਰਿਤ ਕਰਨਾ ਮਹੱਤਵਪੂਰਨ ਹੈ। ਦਿਲ ਦੀ ਬਿਮਾਰੀ ਦੇ ਖਤਰੇ ਨੂੰ ਘਟਾਉਣ ਲਈ ਖੂਨ ਵਿੱਚ ਟ੍ਰਾਈਗਲਾਈਸਰਾਈਡਸ ਦੀ ਆਮ ਰੇਂਜ ਨੂੰ ਬਣਾਈ ਰੱਖਣਾ ਮਹੱਤਵਪੂਰਨ ਹੈ। ਟ੍ਰਾਈਗਲਿਸਰਾਈਡਸ ਇੱਕ ਕਿਸਮ ਦੀ ਚਰਬੀ ਹੁੰਦੀ ਹੈ ਜਿਸ ਦੀ ਸਰੀਰ ਵਿੱਚ ਬਹੁਤ ਘੱਟ ਮਾਤਰਾ ਵਿੱਚ ਲੋੜ ਹੁੰਦੀ ਹੈ।

ਹਾਲਾਂਕਿ, ਜਦੋਂ ਖੂਨ ਵਿੱਚ ਟ੍ਰਾਈਗਲਿਸਰਾਈਡਸ ਦਾ ਪੱਧਰ ਵੱਧ ਜਾਂਦਾ ਹੈ, ਤਾਂ ਇਹ ਧਮਨੀਆਂ ਦੇ ਸਖ਼ਤ ਹੋਣ ਦਾ ਕਾਰਨ ਬਣ ਸਕਦਾ ਹੈ ਅਤੇ ਦਿਲ ਦੇ ਦੌਰੇ, ਸਟ੍ਰੋਕ ਅਤੇ ਦਿਲ ਦੀ ਬਿਮਾਰੀ ਦੇ ਜੋਖਮ ਨੂੰ ਵਧਾ ਸਕਦਾ ਹੈ। ਇੱਥੇ ਹਾਈ ਟ੍ਰਾਈਗਲਾਈਸਰਾਈਡਸ ਨੂੰ ਨਿਯੰਤਰਿਤ ਕਰਨ ਦੇ ਕੁਝ ਤਰੀਕੇ ਹਨ:

ਨਿਯਮਤ ਕਸਰਤ: ਰੋਜ਼ਾਨਾ 30 ਮਿੰਟ ਤੱਕ ਸਰੀਰਕ ਗਤੀਵਿਧੀ ਟ੍ਰਾਈਗਲਿਸਰਾਈਡਸ ਨੂੰ ਘਟਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਇਹ ਚੰਗੇ ਕੋਲੇਸਟ੍ਰੋਲ ਨੂੰ ਵਧਾਏਗਾ ਜੋ ਟ੍ਰਾਈਗਲਾਈਸਰਾਈਡਸ ਦੇ ਪੱਧਰ ਨੂੰ ਘਟਾਏਗਾ।

ਮਿੱਠਾ ਘੱਟ ਖਾਓ: ਜਦੋਂ ਤੁਸੀਂ ਜ਼ਿਆਦਾ ਮਿੱਠਾ ਭੋਜਨ ਖਾ ਲੈਂਦੇ ਹੋ ਤਾਂ ਉਸ ਵਿੱਚੋਂ ਕੁੱਜ ਕੈਲੋਰੀ ਖਰਚ ਨਹੀਂ ਹੁੰਦੀ ਹੈ, ਸਾਡੇ ਸਰੀਰ ਵਿੱਚ ਇਹ ਬਚੀ ਹੋਈ ਕੈਲੋਰੀ ਟ੍ਰਾਈਗਲਿਸਰਾਈਡਸ ਵਿੱਚ ਬਦਲ ਜਾਂਦੀ ਹੈ। ਖਾਸ ਤੌਰ 'ਤੇ ਜਦੋਂ ਕਾਰਬੋਹਾਈਡਰੇਟ ਜ਼ਿਆਦਾ ਹੁੰਦੇ ਹਨ, ਤਾਂ ਇਹ ਟਰਾਈਗਲਿਸਰਾਈਡਜ਼ ਵਿੱਚ ਵਧੇਰੇ ਬਦਲਦਾ ਹੈ। ਜ਼ਿਆਦਾ ਮਿਠਾਈਆਂ ਖਾਣ ਨਾਲ ਹਾਈਪਰਟ੍ਰਾਈਗਲਿਸਰਿਡਮੀਆ ਹੋ ਜਾਂਦਾ ਹੈ।

ਭਾਰ ਘਟਾਓ: ਜ਼ਿਆਦਾ ਭਾਰ ਦਾ ਮਤਲਬ ਹੈ ਕਿ ਸਰੀਰ ਵਿਚ ਜ਼ਿਆਦਾ ਕੈਲੋਰੀ ਸਟੋਰ ਹੋਣਾ। ਕੈਲੋਰੀ ਦੇ ਨਾਲ-ਨਾਲ ਟ੍ਰਾਈਗਲਿਸਰਾਈਡਸ ਵੀ ਜਮ੍ਹਾ ਹੋਣਗੀਆਂ। ਇਸ ਲਈ ਭਾਰ ਘਟਾਉਣ ਨਾਲ ਟ੍ਰਾਈਗਲਿਸਰਾਈਡਸ ਵੀ ਘੱਟ ਹੋਣ ਲੱਗਦੇ ਹਨ।

ਸਿਗਰਟ ਤੇ ਸ਼ਰਾਬ ਨਾ ਪੀਓ: ਸਿਗਰਟ ਅਤੇ ਅਲਕੋਹਲ ਦੋਵੇਂ ਹੀ ਸਾਡੇ ਸਿਹਤ ਲਈ ਬਹੁਤ ਹਾਨੀਕਾਰਕ ਹੈ। ਅਲਕੋਹਲ ਵਿੱਚ ਹਾਈ ਕੈਲੋਰੀ ਅਤੇ ਖੰਡ ਹੁੰਦੀ ਹੈ ਜੋ ਟ੍ਰਾਈਗਲਿਸਰਾਈਡਸ ਨੂੰ ਵਧਾਉਂਦੀ ਹੈ।

ਜਾਨਵਰਾਂ ਦੇ ਉਤਪਾਦਾਂ ਵਿੱਚ ਸੰਤ੍ਰਿਪਤ ਚਰਬੀ ਹੁੰਦੀ ਹੈ ਜੋ ਬਹੁਤ ਨੁਕਸਾਨਦੇਹ ਹੁੰਦੀ ਹੈ ਜਦੋਂ ਕਿ ਪੌਦਿਆਂ ਵਿੱਚ ਸਿਹਤਮੰਦ ਚਰਬੀ ਪਾਈ ਜਾਂਦੀ ਹੈ। ਜੈਤੂਨ ਦਾ ਤੇਲ, ਕੈਨੋਲਾ ਤੇਲ, ਮੱਛੀ, ਸਾਲਮਨ ਆਦਿ ਵਿੱਚ ਓਮੇਗਾ 3 ਫੈਟੀ ਐਸਿਡ ਹੁੰਦੇ ਹਨ ਜੋ ਸਿਹਤਮੰਦ ਚਰਬੀ ਹੁੰਦੇ ਹਨ। ਇਨ੍ਹਾਂ ਚੀਜ਼ਾਂ ਦਾ ਸੇਵਨ ਸਾਨੂੰ ਕਰਨਾ ਚਾਹੀਦਾ ਹੈ।

ਟ੍ਰਾਈਗਲਿਸਰਾਈਡਸ ਦੀ ਸਧਾਰਣ ਰੇਂਜ ਸਾਡੇ ਸਰੀਰ ਵਿੱਚ ਕਿੰਨੀ ਹੋਣੀ ਚਾਹੀਦੀ ਹੈ: ਖੂਨ ਵਿੱਚ ਟ੍ਰਾਈਗਲਿਸਰਾਈਡਸ ਦੀ ਆਮ ਰੇਂਜ 150 ਮਿਲੀਗ੍ਰਾਮ ਪ੍ਰਤੀ ਡੇਸੀਲੀਟਰ ਜਾਂ 1.7 ਮਿਲੀਮੋਲ ਪ੍ਰਤੀ ਲੀਟਰ ਤੱਕ ਹੋਣੀ ਚਾਹੀਦੀ ਹੈ। ਜੇਕਰ ਇਹ 150 ਤੋਂ 199 ਮਿਲੀਗ੍ਰਾਮ ਪ੍ਰਤੀ ਡੇਸੀਲੀਟਰ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਤੁਹਾਡੇ ਖੂਨ ਵਿੱਚ ਟ੍ਰਾਈਗਲਿਸਰਾਈਡਸ ਦਾ ਪੱਧਰ ਬਾਰਡਰਲਾਈਨ 'ਤੇ ਆ ਗਿਆ ਹੈ। ਜੇਕਰ ਇਹ 200 ਤੋਂ ਵੱਧ ਹੈ ਤਾਂ ਇਸ ਨੂੰ ਹਾਈ ਟ੍ਰਾਈਗਲਿਸਰਾਈਡ ਮੰਨਿਆ ਜਾਵੇਗਾ।