ਭਾਰ ਵਧਾਉਣ ਵਿੱਚ ਆ ਰਹੀ ਦਿੱਕਤ ਤਾਂ ਔਰਤਾਂ ਅਪਣਾਉਣ ਇਹ Tips, ਤੇਜ਼ੀ ਨਾਲ ਵਧੇਗਾ ਭਾਰ

Weight Gain Tips: ਘੱਟ ਵਜ਼ਨ ਨਾ ਸਿਰਫ ਔਰਤਾਂ ਦੀ ਸ਼ਖਸੀਅਤ ਨੂੰ ਵਿਗਾੜਦਾ ਹੈ, ਸਗੋਂ ਘੱਟ ਭਾਰ ਵਾਲੀਆਂ ਔਰਤਾਂ ਨੂੰ ਸਿਹਤ ਸੰਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਵੀ ਕਰਨਾ ਪੈਂਦਾ ਹੈ। ਇਹਨਾਂ ਵਿੱਚ ਕੁਪੋਸ਼ਣ, ਬਾਂਝਪਨ, ਦੇਰੀ ਨਾਲ ਵਿਕਾਸ, ਕਮਜ਼ੋਰ ਇਮਿਊਨ ਸਿਸਟਮ, ਓਸਟੀਓਪੋਰੋਸਿਸ ਆਦਿ ਸਮੱਸਿਆਵਾਂ ਸ਼ਾਮਲ ਹਨ। ਔਰਤਾਂ ਵਿੱਚ ਭਾਰ ਨਾ ਵਧਣ ਦੇ ਕਈ ਕਾਰਨ ਹੋ ਸਕਦੇ ਹਨ। ਅਸਲ 'ਚ ਕਈ ਵਾਰ ਔਰਤਾਂ ਦੇ ਸਰੀਰ 'ਚ ਪੋਸ਼ਕ ਤੱਤ ਪੂਰੀ ਤਰ੍ਹਾਂ ਜਜ਼ਬ ਨਹੀਂ ਹੁੰਦੇ ਹਨ, ਜਿਸ ਕਾਰਨ ਹੈਲਦੀ ਡਾਈਟ ਲੈਣ ਦੇ ਬਾਵਜੂਦ ਔਰਤਾਂ ਦੇ ਸਰੀਰ 'ਚ ਪੋਸ਼ਕ ਤੱਤਾਂ ਦੀ ਕਮੀ ਹੋ ਜਾਂਦੀ ਹੈ ਅਤੇ ਉਨ੍ਹਾਂ ਦਾ ਭਾਰ ਵੀ ਘੱਟ ਰਹਿੰਦਾ ਹੈ।

ਇਸ ਤੋਂ ਇਲਾਵਾ ਇਨਫਲਾਮੇਟਰੀ ਬਿਮਾਰੀਆਂ, ਆਟੋਇਮਿਊਨ ਰੋਗ ਅਤੇ ਹਾਈਪੋਥਾਇਰਾਇਡਿਜ਼ਮ ਕਾਰਨ ਔਰਤਾਂ ਦਾ ਭਾਰ ਨਹੀਂ ਵਧਦਾ ਪਰ ਕੁੱਝ ਖਾਸ ਤਰੀਕੇ ਦੀ ਡਾਈਟ ਅਪਣਾ ਕੇ ਇਸ ਸਮੱਸਿਆ ਨੂੰ ਆਸਾਨੀ ਨਾਲ ਦੂਰ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ, ਭਾਰ ਵਧਉਣਾ ਆਸਾਨ ਕੰਮ ਨਹੀਂ ਪਰ ਹੇਠਾਂ ਦਿੱਤੇ ਤਰੀਕਿਆਂ ਦੀ ਮਦਦ ਨਾਲ ਭਾਰ ਆਸਾਨੀ ਨਾਲ ਵਧਾਇਆ ਜਾ ਸਕਦਾ ਹੈ।

ਕਾਰਬੋਹਾਈਡਰੇਟ ਨਾਲ ਭਰਪੂਰ ਭੋਜਨ ਖਾਓ : ਕਾਰਬੋਹਾਈਡਰੇਟ ਨਾਲ ਭਰਪੂਰ ਚੀਜ਼ਾਂ ਸਰੀਰ ਵਿੱਚ ਕੈਲੋਰੀ ਦੀ ਮਾਤਰਾ ਨੂੰ ਵਧਾਉਂਦੀਆਂ ਹਨ। ਜਿਸ ਕਾਰਨ ਭਾਰ ਤੇਜ਼ੀ ਨਾਲ ਵਧਣ ਲੱਗਦਾ ਹੈ। ਅਜਿਹੇ 'ਚ ਔਰਤਾਂ ਭਾਰ ਵਧਾਉਣ ਲਈ ਆਲੂ, ਸ਼ਕਰਕੰਦੀ, ਓਟਸ, ਅਨਾਜ ਅਤੇ ਬ੍ਰਾਊਨ ਰਾਈਸ ਦਾ ਸੇਵਨ ਕਰ ਸਕਦੀਆਂ ਹਨ। ਦੂਜੇ ਪਾਸੇ, ਘਿਓ ਅਤੇ ਮੱਖਣ ਵਾਲੀਆਂ ਚੀਜ਼ਾਂ ਖਾਣ ਨਾਲ ਵੀ ਤੇਜ਼ੀ ਨਾਲ ਭਾਰ ਵਧਦਾ ਹੈ। ਭਾਰ ਵਧਾਉਣ ਲਈ ਔਰਤਾਂ ਡਾਈਟ 'ਚ ਚਰਬੀ ਵਾਲੀਆਂ ਚੀਜ਼ਾਂ ਵੀ ਸ਼ਾਮਲ ਕਰ ਸਕਦੀਆਂ ਹਨ। ਅਜਿਹੇ 'ਚ ਔਰਤਾਂ ਲਈ ਘਿਓ, ਮੱਖਣ, ਮੇਵੇ ਆਦਿ ਦਾ ਸੇਵਨ ਕਰਨਾ ਬਿਹਤਰ ਹੁੰਦਾ ਹੈ। ਇਸ ਨਾਲ ਸਰੀਰ 'ਚ ਕੈਲੋਰੀ ਦੀ ਮਾਤਰਾ ਵਧ ਜਾਂਦੀ ਹੈ ਅਤੇ ਔਰਤਾਂ ਦਾ ਭਾਰ ਵੀ ਵਧਣ ਲੱਗਦਾ ਹੈ।

ਪ੍ਰੋਟੀਨ ਵਾਲੀ ਡਾਈਟ ਅਪਣਾਓ : ਕੁਦਰਤੀ ਤੌਰ 'ਤੇ ਭਾਰ ਵਧਾਉਣ ਲਈ ਪ੍ਰੋਟੀਨ ਨੂੰ ਸਰੀਰ ਦਾ ਸਭ ਤੋਂ ਵਧੀਆ ਸਪਲੀਮੈਂਟ ਮੰਨਿਆ ਜਾਂਦਾ ਹੈ। ਖਾਸ ਤੌਰ 'ਤੇ ਪਲਾਂਟ ਬੇਸਡ ਪ੍ਰੋਟੀਨ ਵਿੱਚ ਚੀਨੀ ਅਤੇ ਚਰਬੀ ਭਰਪੂਰ ਮਾਤਰਾ ਵਿੱਚ ਮੌਜੂਦ ਹੁੰਦੀ ਹੈ, ਜੋ ਮਾਸਪੇਸ਼ੀਆਂ ਦੇ ਨਿਰਮਾਣ ਵਿੱਚ ਬਹੁਤ ਮਦਦ ਕਰਦੀ ਹੈ ਅਤੇ ਸਰੀਰ ਦੀ ਮੈਟਾਬੌਲਿਕ ਦਰ ਨੂੰ ਵਧਾਉਂਦੀ ਹੈ। ਅਜਿਹੀ ਸਥਿਤੀ ਵਿੱਚ ਤੁਸੀਂ ਪਨੀਰ, ਫੁੱਲ ਕਰੀਮ ਦੁੱਧ, ਦਹੀਂ ਅਤੇ ਦੁੱਧ ਵਰਗੇ ਡੇਅਰੀ ਉਤਪਾਦਾਂ ਨੂੰ ਡਾਈਟ ਵਿੱਚ ਸ਼ਾਮਲ ਕਰ ਸਕਦੇ ਹੋ। ਨਾਲ ਹੀ, ਚਿਕਨ, ਆਂਡਾ, ਲਾਲ ਮੀਟ, ਮਿਲਕ ਪਾਊਡਰ ਅਤੇ ਪ੍ਰੋਟੀਨ ਪਾਊਡਰ ਵਰਗੀਆਂ ਚੀਜ਼ਾਂ ਨਾਲ ਤੁਸੀਂ ਆਸਾਨੀ ਨਾਲ ਭਾਰ ਵਧਾ ਸਕਦੇ ਹੋ।