50 ਹਜ਼ਾਰ ਰੁਪਏ 'ਚ ਵਿਕ ਰਿਹੈ ਮੁਰਗੀ ਦਾ ਆਂਡਾ! ਜਾਣੋ ਕੀ ਹੈ ਖਾਸੀਅਤ...

Single an Egg Could Sell for 50000 Rupees : ਅੱਜ ਦੇ ਸਮੇਂ ਵਿੱਚ ਭਾਵੇਂ ਸਾਰੀਆਂ ਚੀਜ਼ਾਂ ਮਹਿੰਗੀਆਂ ਹਨ, ਪਰ ਕੁਝ ਚੀਜ਼ਾਂ ਅਜਿਹੀਆਂ ਹਨ ਜੋ ਆਪਣੀ ਗੁਣਵੱਤਾ ਦੇ ਅਨੁਸਾਰ ਸਹੀ ਕੀਮਤ 'ਤੇ ਵਿਕ ਰਹੀਆਂ ਹਨ। ਅੰਡੇ ਵੀ ਅਜਿਹੀਆਂ ਚੀਜ਼ਾਂ ਵਿੱਚ ਸ਼ਾਮਲ ਹੁੰਦੇ ਹਨ, ਜੋ ਪ੍ਰੋਟੀਨ ਦਾ ਇੱਕ ਵਧੀਆ ਸਰੋਤ ਹਨ। ਬਾਜ਼ਾਰ ਵਿੱਚ ਇੱਕ ਅੰਡੇ (An Egg is Being Sold for 50000 Rupees) ਦੀ ਕੀਮਤ 10-12 ਰੁਪਏ ਤੱਕ ਹੈ ਪਰ ਜੇਕਰ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਮੁਰਗੀ ਦਾ ਆਂਡਾ ਹਜ਼ਾਰਾਂ ਵਿੱਚ ਵਿਕ ਰਿਹਾ ਹੈ।

ਯੂਨਾਈਟਿਡ ਕਿੰਗਡਮ ਵਿੱਚ ਰਹਿਣ ਵਾਲੇ ਇੱਕ ਪਰਿਵਾਰ ਵੱਲੋਂ ਪਾਲੀ ਗਈ ਮੁਰਗੀ ਦਾ ਇੱਕ ਆਂਡਾ 50 ਹਜ਼ਾਰ ਰੁਪਏ ਵਿੱਚ ਵੇਚਿਆ ਜਾ ਰਿਹਾ ਹੈ। ਇਹ ਆਂਡਾ ਆਨਲਾਈਨ ਵਿਕਰੀ ਲਈ ਰੱਖਿਆ ਗਿਆ ਹੈ, ਜਿਸ ਦੀ ਕੀਮਤ ਭਾਰਤੀ ਕਰੰਸੀ 'ਚ 500 ਪੌਂਡ ਯਾਨੀ 47 ਹਜ਼ਾਰ ਰੁਪਏ ਰੱਖੀ ਗਈ ਹੈ। ਉਮੀਦ ਹੈ ਕਿ ਇਹ ਫਾਈਨਲ 50 ਹਜ਼ਾਰ ਰੁਪਏ 'ਚ ਵਿਕ ਸਕਦਾ ਹੈ। ਹੁਣ ਤੁਸੀਂ ਵੀ ਸੋਚ ਰਹੇ ਹੋਵੋਗੇ ਕਿ ਇਸ ਅੰਡੇ ਦੀ ਕੀ ਖਾਸੀਅਤ ਹੈ?

ਆਂਡਾ ਕਿਉਂ ਮਹਿੰਗਾ ਵਿਕ ਰਿਹਾ ਹੈ?

ਮੈਟਰੋ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਪਿਛਲੇ 20 ਸਾਲਾਂ ਤੋਂ Annabel Mulcahy ਦੇ ਘਰ ਵਿੱਚ ਬਚਾਏ ਗਏ ਮੁਰਗੀਆਂ ਨੂੰ ਪਾਲਿਆ ਜਾ ਰਿਹਾ ਹੈ। ਇਨ੍ਹਾਂ 'ਚੋਂ ਇਕ ਮੁਰਗੀ ਨੇ ਇਕ ਸਵੇਰ ਅਜਿਹਾ ਆਂਡਾ ਦਿੱਤਾ, ਜਿਸ ਨੂੰ ਦੇਖ ਕੇ ਪਰਿਵਾਰ ਵਾਲੇ ਹੈਰਾਨ ਰਹਿ ਗਏ। ਉਨ੍ਹਾਂ ਇਹ ਆਂਡਾ West Oxfordshire ਵਿੱਚ ਰਹਿੰਦੇ ਆਪਣੇ ਬੱਚਿਆਂ ਨੂੰ ਦਿਖਾਇਆ ਅਤੇ ਉਹ ਇਸ ਵਿੱਚ ਦਿਲਚਸਪੀ ਦਿਖਾਉਣ ਲੱਗੇ। ਇਹ ਆਂਡਾ ਦੇਣ ਵਾਲੀ ਮੁਰਗੀ ਦਾ ਨਾਂ ਟਵਿੰਸਕੀ ਹੈ। ਜਦੋਂ ਐਨਾਬੇਲ ਨੇ ਇਸ ਅੰਡੇ ਬਾਰੇ ਗੂਗਲ 'ਤੇ ਸਰਚ ਕੀਤਾ ਤਾਂ ਪਤਾ ਲੱਗਾ ਕਿ ਇਹ ਬਹੁਤ ਹੀ ਦੁਰਲੱਭ ਅੰਡਾ ਹੈ ਕਿਉਂਕਿ ਇਸ ਦੀ ਸ਼ਕਲ ਅੰਡਾਕਾਰ ਨਹੀਂ ਸਗੋਂ ਬਿਲਕੁਲ ਗੋਲ ਸੀ।

ਆਂਡਾ ਕਰੋੜਾਂ 'ਚ 'ਇੱਕ' ਹੁੰਦਾ ਹੈ

ਗੂਗਲ 'ਤੇ ਸਰਚ ਕਰਨ ਤੋਂ ਬਾਅਦ ਐਨਾਬੇਲ ਨੂੰ ਪਤਾ ਲੱਗਾ ਕਿ ਅੰਡਾ ਕਰੋੜਾਂ 'ਚ ਇਕ ਹੁੰਦਾ ਹੈ। ਅੰਡਾ ਇੰਨਾ ਗੋਲ ਹੈ ਕਿ ਇਸਨੂੰ ਮੇਜ਼ 'ਤੇ ਰੋਲ ਕੀਤਾ ਜਾ ਸਕਦਾ ਹੈ। ਉਸਨੇ ਅੰਡੇ ਦੀ ਸ਼ੁਰੂਆਤੀ ਕੀਮਤ 100 ਪੌਂਡ ਯਾਨੀ 10 ਹਜ਼ਾਰ ਦੇ ਆਸਪਾਸ ਰੱਖੀ, ਜਿਸ ਤੋਂ ਬਾਅਦ ਨਿਲਾਮੀ ਦੀ ਕੀਮਤ ਵਧਦੀ ਰਹੀ। ਇਸ ਤੋਂ ਪਹਿਲਾਂ ਸਾਲ 2018 'ਚ ਵੀ ਆਸਟ੍ਰੇਲੀਆ ਦੇ ਕੁਈਨਜ਼ਲੈਂਡ 'ਚ Stockman’s Eggs ਨਾਂ ਦੇ ਫਾਰਮ 'ਚ 3 ਗੁਣਾ ਵੱਡਾ ਅੰਡਾ ਮਿਲਿਆ ਸੀ। ਇਸ ਦਾ ਭਾਰ 178 ਗ੍ਰਾਮ ਸੀ, ਜਦੋਂ ਕਿ ਅੰਡੇ ਆਮ ਤੌਰ 'ਤੇ 58 ਗ੍ਰਾਮ ਹੁੰਦੇ ਹਨ।