ਕਾਰ ਠੀਕ ਕਰਵਾਉਣ ਆਈ ਅਮੀਰ ਕੁੜੀ ਪੈਂਚਰ ਲਾਉਣ ਵਾਲੇ ਨੂੰ ਦਿਲ ਦੇ ਬੈਠੀ, ਕਰਵਾਇਆ ਵਿਆਹ

ਪਿਆਰ ਵਿਚ ਨਾ ਕੋਈ ਸਰਹੱਦ ਹੁੰਦੀ ਹੈ ਤੇ ਨਾ ਕੋਈ ਦੀਵਾਰ ਹੁੰਦੀ ਹੈ। ਇਨਸਾਨ ਪਿਆਰ ਨਾਲ ਦੁਨੀਆਂ ਵਿੱਚ ਕੁਝ ਵੀ ਜਿੱਤ ਸਕਦਾ ਹੈ। ਕਿਸੇ ਨਾਲ ਪਿਆਰ ਕਰਨ ਲਈ ਦੌਲਤ ਅਤੇ ਜਾਇਦਾਦ ਨਹੀਂ ਵੇਖੀ ਜਾਂਦੀ, ਸਗੋਂ ਉਸ ਦਾ ਦਿਲ ਅਤੇ ਵਿਵਹਾਰ ਹੀ ਕਾਫੀ ਹੁੰਦਾ ਹੈ। ਅਜਿਹੀ ਹੀ ਇੱਕ ਕਹਾਣੀ ਗੁਆਂਢੀ ਦੇਸ਼ ਪਾਕਿਸਤਾਨ ਤੋਂ ਸਾਹਮਣੇ ਆਈ ਹੈ, ਜਿਸ ਨੇ ਇੱਕ ਵਾਰ ਫਿਰ ਪਿਆਰ ਦੀ ਤਾਕਤ ਨੂੰ ਸਾਬਤ ਕਰ ਦਿੱਤਾ ਹੈ।

ਪਾਕਿਸਤਾਨ ਵਿਚ ਇਕ ਅਮੀਰ ਘਰ ਦੀ ਕੁੜੀ ਅਤੇ ਟਾਈਰਾਂ ਨੂੰ ਪੈਂਚਰ ਲਾਉਣ ਵਾਲੇ ਦੀ ਅਨੋਖੀ ਪ੍ਰੇਮ ਕਹਾਣੀ ਇੰਟਰਨੈੱਟ 'ਤੇ ਵਾਇਰਲ ਹੋ ਗਈ ਹੈ ਅਤੇ ਲੋਕ ਉਨ੍ਹਾਂ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਇਹ ਆਸੀਆ ਅਤੇ ਜਿਸੈਨ ਦੀ ਕਹਾਣੀ ਹੈ, ਜਿਨ੍ਹਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਪਿਆਰ ਕੋਈ ਵੀ ਦੀਵਾਰ ਤੋੜ ਸਕਦਾ ਹੈ।

ਇਹ ਅਨੋਖਾ ਜੋੜਾ ਪਾਕਿਸਤਾਨ ਦਾ ਹੀ ਰਹਿਣ ਵਾਲਾ ਹੈ। ਆਇਸ਼ਾ, ਜੋ ਕਿ ਇੱਕ ਅਮੀਰ ਪਰਿਵਾਰ ਤੋਂ ਹੈ, ਦੱਸਦੀ ਹੈ ਕਿ ਉਹ ਪਹਿਲੀ ਨਜ਼ਰ ਵਿੱਚ ਹੀ ਜਿਸੈਨ ਨੂੰ ਆਪਣਾ ਦਿਲ ਦੇ ਬੈਠੀ ਸੀ। ਇਕ ਦਿਨ ਉਸ ਦੀ ਕਾਰ ਦਾ ਟਾਇਰ ਪੈਂਚਰ ਹੋ ਗਿਆ, ਜਿਸ ਤੋਂ ਬਾਅਦ ਉਹ ਪੈਂਚਰ ਬਣਾਉਣ ਲਈ ਇਕ ਦੁਕਾਨ 'ਤੇ ਪਹੁੰਚੀ।

ਇੱਥੇ ਹੀ ਉਸ ਦੀ ਮੁਲਾਕਾਤ ਜਿਸੈਨ ਨਾਲ ਹੋਈ। ਉਸ ਨੇ ਨਾ ਸਿਰਫ ਆਇਸ਼ਾ ਦੀ ਕਾਰ ਠੀਕ ਕੀਤੀ, ਸਗੋਂ ਉਸ ਨੂੰ ਚਾਹ ਵੀ ਪਿਲਾਈ। ਆਇਸ਼ਾ ਜਿਸੈਨ ਦੇ ਇਸ ਵਿਵਹਾਰ ਤੋਂ ਇੰਨੀ ਪ੍ਰਭਾਵਿਤ ਹੋਈ ਕਿ ਉਸ ਨੂੰ ਪਹਿਲੀ ਨਜ਼ਰ ਵਿੱਚ ਹੀ ਉਸ ਨਾਲ ਪਿਆਰ ਹੋ ਗਿਆ। ਉਹ ਜਿਸੈਨ ਨੂੰ ਮਿਲਣ ਲਈ ਬਹਾਨੇ ਲੱਭਣ ਲੱਗੀ।

ਪੈਂਚਰ ਵਾਲੇ ਨਾਲ ਵਿਆਹ

ਔਰਤ ਦਾ ਕਹਿਣਾ ਹੈ ਕਿ ਉਸ ਨੇ ਜਿਸੈਨ ਨੂੰ ਮਿਲਣ ਲਈ ਜਾਣਬੁੱਝ ਕੇ ਦੁਬਾਰਾ ਟਾਇਰ ਪੈਂਚਰ ਕਰ ਦਿੱਤਾ ਅਤੇ ਉਸ ਨੂੰ ਮਿਲਣ ਗਈ। ਇਹ ਸਿਲਸਿਲਾ ਕੁਝ ਦਿਨ ਚੱਲਿਆ ਅਤੇ ਜਿਸੈਨ ਨੂੰ ਵੀ ਆਇਸ਼ਾ ਨਾਲ ਪਿਆਰ ਹੋ ਗਿਆ। ਅੱਜ ਉਹ ਇੱਕ ਦੂਜੇ ਨਾਲ ਵਿਆਹ ਕਰਵਾ ਕੇ ਪਤੀ-ਪਤਨੀ ਬਣ ਗਏ ਹਨ। ਪਾਕਿਸਤਾਨੀ ਯੂਟਿਊਬਰ ਸਈਅਦ ਬਾਸਿਦ ਅਲੀ ਨੇ ਇਸ ਪ੍ਰੇਮ ਕਹਾਣੀ ਨੂੰ ਦੁਨੀਆ ਦੇ ਸਾਹਮਣੇ ਰੱਖਿਆ ਹੈ।