ਬਾਬਾ ਵੈਂਗਾ ਦੀ ਭਵਿੱਖਬਾਣੀ- 2021 ਵਿਚ ਵੱਡੀ ਪਰਲੋ ਦਾ ਸਾਹਮਣਾ ਕਰੇਗੀ ਦੁਨੀਆਂ

ਬਾਲਕਨਜ਼ ਦੇ ਨੋਸਟਰਾਡਮਸ (Nostradamus) ਵਜੋਂ ਜਾਣੇ ਜਾਂਦੇ ਭਵਿੱਖਬਾਣੀ ਕਰਨ ਵਾਲੇ ਬਾਬਾ ਵੈਂਗਾ ਨੇ 2021 ਬਾਰੇ ਬਹੁਤ ਸਾਰੀਆਂ ਭਵਿੱਖਬਾਣੀਆਂ ਕੀਤੀਆਂ ਹਨ। ਉਨ੍ਹਾਂ ਦੀ ਭਵਿੱਖਬਾਣੀ ਅਨੁਸਾਰ ਸਾਲ 2021 ਮਨੁੱਖਤਾ ਲਈ ਖ਼ਤਰਨਾਕ ਸਾਬਤ ਹੋਣ ਵਾਲਾ ਹੈ। ਦੱਸਣਯੋਗ ਹੈ ਕਿ ਉਨ੍ਹਾਂ ਨੇ 9/11 ਦੇ ਹਮਲੇ ਸਮੇਤ ਬਹੁਤ ਸਾਰੀਆਂ ਘਟਨਾਵਾਂ ਦੀਆਂ ਸਹੀ ਭਵਿੱਖਬਾਣੀਆਂ ਕੀਤੀਆਂ ਜੋ ਦੁਨੀਆ ਵਿੱਚ ਵਾਪਰੀਆਂ ਸਨ।  ਦੱਸ ਦਈਏ ਕਿ ਬਾਬਾ ਵੈਂਗਾ 85 ਸਾਲ ਦੀ ਉਮਰ ਵਿਚ 1996 ਵਿਚ ਦੁਨੀਆਂ ਨੂੰ ਅਲਵਿਦਾ ਆਖ ਗਏ ਸਨ ਪਰ ਉਹ ਦੁਨੀਆਂ ਬਾਰੇ ਕਈ ਭਵਿੱਖਬਾਣੀਆਂ ਕਰ ਗਏ, ਜੋ ਕੁਝ ਹੱਦ ਤੱਕ ਸੱਚ ਵੀ ਸਾਹਮਣੇ ਹੋਈਆਂ।

2021 ਸਬੰਧੀ ਉਨ੍ਹਾਂ ਨੇ ਕਿਹਾ ਹੈ ਕਿ ਦੁਨੀਆਂ ਨੂੰ ਬਹੁਤ ਸਾਰੀਆਂ ਤਬਾਹੀਆਂ ਅਤੇ ਪਰਲੋ ਦਾ ਸਾਹਮਣਾ ਕਰਨਾ ਪਏਗਾ। ਇਸਦੇ ਨਾਲ ਹੀ, ਉਨ੍ਹਾਂ ਨੇ ਕਿਹਾ ਹੈ ਕਿ ਇੱਕ ਵੱਡਾ Dragon ਮਨੁੱਖਤਾ ਉਤੇ ਕਬਜਾ ਕਰ ਲਵੇਗਾ। ਜਾਣਕਾਰਾਂ ਅਨੁਸਾਰ, ਬਾਬਾ ਵੈਂਗਾ ਨੇ ਇਸ ਚੀਜ਼ ਰਾਹੀਂ ਚੀਨ ਵੱਲ ਇਸ਼ਾਰਾ ਕੀਤਾ ਹੈ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਈਂਧਨ ਬਾਰੇ ਵੀ ਬਹੁਤ ਕੁਝ ਕਿਹਾ ਹੈ। ਬਾਬੇ ਦੇ ਅਨੁਸਾਰ, ਪੈਟਰੋਲੀਅਮ ਉਤਪਾਦਨ ਰੁਕਣ ਤੋਂ ਬਾਅਦ ਗੱਡੀਆਂ ਸੂਰਜ ਦੀ ਰੌਸ਼ਨੀ ਦੁਆਰਾ ਹਵਾ ਵਿੱਚ ਉੱਡਣਗੀਆਂ।

ਬਾਬਾ ਵੈਂਗਾ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਭਵਿੱਖ ਦਾ ਵੀ ਜ਼ਿਕਰ ਕੀਤਾ। ਉਨ੍ਹਾਂ ਨੇ ਕਿਹਾ ਹੈ ਕਿ ਇਕ ਰਹੱਸਮਈ ਬਿਮਾਰੀ ਟਰੰਪ ਨੂੰ ਘੇਰ ਲਵੇਗੀ, ਜਿਸ ਕਾਰਨ ਉਹ ਬੋਲ਼ਾ ਹੋ ਜਾਵੇਗਾ ਅਤੇ ਦਿਮਾਗੀ ਸਦਮਾ ਹੋਵੇਗਾ। ਉਸੇ ਸਮੇਂ, ਉਨ੍ਹਾਂ ਨੇ ਪੁਤਿਨ 'ਤੇ ਹਮਲੇ ਦੀ ਗੱਲ ਕੀਤੀ। ਬਾਬੇ ਦੇ ਅਨੁਸਾਰ, ਪੁਤਿਨ 'ਤੇ ਉਸ ਦੇ ਆਪਣੇ ਦੇਸ਼ ਦੇ ਇੱਕ ਜਾਨਲੇਵਾ ਹਮਲਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਉਸਨੇ ਕਿਹਾ ਹੈ ਕਿ ਇਸਲਾਮੀ ਕੱਟੜਪੰਥੀ ਯੂਰਪ ਉੱਤੇ ਹਮਲਾ ਕਰਨਗੇ।

ਇਕ ਪਾਸੇ, ਜਿੱਥੇ ਬਾਬਾ ਵੈਂਗਾ ਵੱਲੋਂ ਬਿਮਾਰੀਆਂ ਬਾਰੇ ਕੀਤੀਆਂ ਭਵਿੱਖਬਾਣੀਆਂ ਲੋਕਾਂ ਨੂੰ ਚਿੰਤਤ ਕਰ ਰਹੀਆਂ ਹਨ, ਉਥੇ ਹੀ ਰਾਹਤ ਮਿਲਣ ਦੀਆਂ ਖ਼ਬਰਾਂ ਵੀ ਆਈਆਂ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ 2021 ਉਹ ਸਾਲ ਹੋਵੇਗਾ ਜਦੋਂ ਦੁਨੀਆ ਨੂੰ ਕੈਂਸਰ ਤੋਂ ਛੁਟਕਾਰਾ ਮਿਲੇਗਾ। ਉਸ ਦੀ ਭਵਿੱਖਬਾਣੀ ਦੇ ਅਨੁਸਾਰ, ਵਿਸ਼ਵ ਨੂੰ ਇਸ ਸਾਲ ਕੈਂਸਰ ਦਾ ਇਲਾਜ਼ ਮਿਲੇਗਾ। ਹਾਲਾਂਕਿ, ਉਸਨੇ ਇਕ ਹੋਰ ਘਟਨਾ ਵੱਲ ਇਸ਼ਾਰਾ ਕਰਦਿਆਂ ਇਹ ਵੀ ਕਿਹਾ ਕਿ 2021 ਵਿਚ 'ਤਿੰਨ ਰਾਕਸ਼ਿਸ਼ ਇਕਜੁੱਟ ਹੋ ਜਾਣਗੇ'।

ਇਸ ਤੋਂ ਪਹਿਲਾਂ ਵੀ, ਬਾਬਾ ਵੈਂਗਾ ਨੇ ਬਹੁਤ ਸਾਰੀਆਂ ਭਵਿੱਖਬਾਣੀਆਂ ਕੀਤੀਆਂ ਹਨ। ਸੋਵੀਅਤ ਯੂਨੀਅਨ ਦੇ ਟੁੱਟਣ, 9/11 ਦੇ ਹਮਲੇ, ਰਾਜਕੁਮਾਰੀ ਡਾਇਨਾ ਦੀ ਮੌਤ, ਸ਼ੇਰਨੋਬਲ ਤਬਾਹੀ ਵਰਗੀਆਂ ਗੱਲਾਂ ਸੱਚ ਸਾਬਤ ਹੋਈਆਂ ਹਨ। ਉਨ੍ਹਾਂ ਨੇ ਆਪਣੀ ਮੌਤ ਦੀ ਭਵਿੱਖਬਾਣੀ ਵੀ ਕੀਤੀ। ਉਸਨੇ ਕਿਹਾ ਹੈ ਕਿ ਬ੍ਰਹਿਮੰਡ 5079 ਵਿਚ ਖ਼ਤਮ ਹੋ ਜਾਵੇਗਾ।