Home /News /international /

ਅਮਰੀਕਾ ਤੋਂ ਇਲਾਵਾ ਉਹ ਵੱਡੇ ਦੇਸ਼ ਜਿੱਥੇ ਰਹਿੰਦੇ ਹਨ ਸਭ ਤੋਂ ਵੱਧ ਭਾਰਤੀ

ਅਮਰੀਕਾ ਤੋਂ ਇਲਾਵਾ ਉਹ ਵੱਡੇ ਦੇਸ਼ ਜਿੱਥੇ ਰਹਿੰਦੇ ਹਨ ਸਭ ਤੋਂ ਵੱਧ ਭਾਰਤੀ

  • Share this:
ਵੈਸੇ ਤਾਂ ਭਾਰਤੀ ਦੁਨੀਆਂ ਵਿਚ ਹਰ ਪਾਸੇ ਫੈਲੇ ਹੋਏ ਹਨ। ਲਗਭਗ 150 ਸਾਲ ਪਹਿਲਾਂ ਭਾਰਤੀਆਂ ਨੇ ਮੌਕੇ ਦੀ ਭਾਲ ਵਿੱਚ ਬਾਹਰਲੇ ਦੇਸ਼ਾਂ ਵਿੱਚ ਜਾਣਾ ਸ਼ੁਰੂ ਕਰ ਦਿੱਤਾ ਸੀ। ਹੁਣ ਇਕੱਲੇ ਅਮਰੀਕਾ ਵਿਚ 44 ਲੱਖ ਤੋਂ ਵੱਧ ਭਾਰਤੀ ਰਹਿੰਦੇ ਹਨ। ਭਾਰਤ ਤੋਂ ਬਾਹਰ ਕਿਸੇ ਵੀ ਦੇਸ਼ ਵਿੱਚ ਭਾਰਤੀਆਂ ਦੀ ਇਹ ਸਭ ਤੋਂ ਵੱਡੀ ਗਿਣਤੀ ਹੈ। ਪਰ ਦੁਨੀਆਂ ਦੇ ਹੋਰ ਦੇਸ਼ਾਂ ਵਿਚ ਵੀ ਇਨ੍ਹਾਂ ਦੀ ਆਬਾਦੀ ਵਧ ਰਹੀ ਹੈ।

ਜਾਣੋ ਅਮਰੀਕਾ ਨੂੰ ਛੱਡ ਕੇ ਦੁਨੀਆਂ ਦੇ ਚੋਟੀ ਦੇ ਦੇਸ਼ਾਂ ਬਾਰੇ ਜਿੱਥੇ ਸਭ ਤੋਂ ਵੱਧ ਭਾਰਤੀ ਵਸੇ ਹੋਏ ਹਨ।

ਅਮਰੀਕਾ (America) ਅਤੇ ਸੰਯੁਕਤ ਅਰਬ ਅਮੀਰਾਤ (United Arab Emirates)

ਦੁਨੀਆਂ ਵਿੱਚ ਸਭ ਤੋਂ ਵੱਧ ਭਾਰਤੀ ਅਮਰੀਕਾ ਵਿੱਚ ਵਸੇ ਹੋਏ ਹਨ। ਦਸੰਬਰ 2018 ਤੱਕ ਭਾਰਤੀਆਂ ਦੀ ਇਹ ਗਿਣਤੀ 44.6 ਲੱਖ ਸੀ। ਇਸ ਤੋਂ ਬਾਅਦ ਦੂਜੇ ਨੰਬਰ 'ਤੇ ਸੰਯੁਕਤ ਅਰਬ ਅਮੀਰਾਤ ਦਾ ਨਾਂ ਆਉਂਦਾ ਹੈ। ਇੱਥੇ 31 ਲੱਖ ਤੋਂ ਵੱਧ ਭਾਰਤੀ ਰਹਿੰਦੇ ਹਨ।

ਮਲੇਸ਼ੀਆ (Malaysia) ਅਤੇ ਸਾਊਦੀ ਅਰਬ (Saudi Arabia)

ਮਲੇਸ਼ੀਆ ਦੁਨੀਆਂ ਵਿੱਚ ਸਭ ਤੋਂ ਵੱਧ ਭਾਰਤੀ ਆਬਾਦੀ ਵਾਲੇ ਦੇਸ਼ਾਂ ਵਿੱਚ ਤੀਜੇ ਨੰਬਰ 'ਤੇ ਹੈ। ਇੱਥੇ 29.9 ਲੱਖ ਭਾਰਤੀ ਵਸੇ ਹੋਏ ਹਨ। ਜਦਕਿ ਚੌਥੇ ਨੰਬਰ 'ਤੇ ਸਾਊਦੀ ਅਰਬ ਹੈ, ਜਿੱਥੇ 28.02 ਲੱਖ ਭਾਰਤੀ ਹਨ।

ਮਿਆਂਮਾਰ (Myanmar) ਅਤੇ ਲੰਡਨ (United Kingdom)

ਗੁਆਂਢੀ ਦੇਸ਼ ਮਿਆਂਮਾਰ ਇਸ ਸੂਚੀ 'ਚ ਪੰਜਵੇਂ ਸਥਾਨ 'ਤੇ ਆਉਂਦਾ ਹੈ। ਇੱਥੇ ਕੁੱਲ 20.8 ਲੱਖ ਭਾਰਤੀ ਰਹਿੰਦੇ ਹਨ। ਜਦੋਂ ਕਿ 18.30 ਲੱਖ ਭਾਰਤੀ ਯੂਨਾਈਟਿਡ ਕਿੰਗਡਮ ਵਿੱਚ ਰਹਿੰਦੇ ਹਨ, ਜੋ ਛੇਵੇਂ ਨੰਬਰ 'ਤੇ ਹੈ।

ਸ਼੍ਰੀਲੰਕਾ (Sri Lanka) ਅਤੇ ਦੱਖਣੀ ਅਫਰੀਕਾ (South Africa)

ਸਭ ਤੋਂ ਵੱਧ ਭਾਰਤੀ ਆਬਾਦੀ ਵਾਲੇ ਦੇਸ਼ਾਂ ਵਿੱਚ ਸ਼੍ਰੀਲੰਕਾ ਸੱਤਵੇਂ ਸਥਾਨ 'ਤੇ ਹੈ। ਇੱਥੇ ਕੁੱਲ 16.1 ਲੱਖ ਭਾਰਤੀ ਰਹਿੰਦੇ ਹਨ। ਅੱਠਵੇਂ ਨੰਬਰ 'ਤੇ ਦੱਖਣੀ ਅਫਰੀਕਾ 'ਚ 15.6 ਲੱਖ ਭਾਰਤੀ ਰਹਿੰਦੇ ਹਨ।

ਕੈਨੇਡਾ (Canada) ਅਤੇ ਕੁਵੈਤ (Kuwait)

ਨੌਵੇਂ ਸਥਾਨ 'ਤੇ ਹੈ ਕੈਨੇਡਾ, ਕੁੱਲ 10.16 ਲੱਖ ਭਾਰਤੀ ਕੈਨੇਡਾ ਵਿੱਚ ਰਹਿੰਦੇ ਹਨ ਅਤੇ 9.30 ਲੱਖ ਭਾਰਤੀ ਕੁਵੈਤ ਵਿੱਚ ਰਹਿੰਦੇ ਹਨ, ਜੋ ਇਸ ਸੂਚੀ ਵਿੱਚ ਦਸਵੇਂ ਸਥਾਨ 'ਤੇ ਹੈ।
Published by:Anuradha Shukla
First published:

Tags: India, NRIs, Travel, UAE

ਅਗਲੀ ਖਬਰ