• Home
  • »
  • News
  • »
  • international
  • »
  • DEADLY INFECTIOUS DISEASE CCHF SPREAD IN IRAQ PATIENT HAVING HIGH FEVER BLEEDS FROM NOSE AND DYING

ਇਰਾਕ 'ਚ ਫੈਲੀ ਘਾਤਕ ਬਿਮਾਰੀ, ਮਰੀਜ਼ ਦੇ ਨੱਕ 'ਚੋਂ ਖੂਨ ਵਗਣ ਪਿੱਛੋਂ ਹੋ ਜਾਂਦੀ ਹੈ ਮੌਤ

ਇੱਕ ਸਿਹਤ ਕਰਮਚਾਰੀ ਗਾਂ 'ਤੇ ਕੀਟਨਾਸ਼ਕ ਦਾ ਛਿੜਕਾਅ ਕਰਦੇ ਸਮੇਂ ਇਸ ਵਾਇਰਸ ਦੀ ਲਾਗ ਦਾ ਸ਼ਿਕਾਰ ਹੋ ਗਿਆ। ਇਸ ਬੁਖਾਰ ਨੂੰ rimean-Congo Haemorrhagic Fever (CCHF) ਦਾ ਨਾਮ ਦਿੱਤਾ ਗਿਆ ਹੈ, ਜੋ ਜਾਨਵਰਾਂ ਤੋਂ ਮਨੁੱਖਾਂ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ।

ਇਰਾਕ 'ਚ ਫੈਲੀ ਘਾਤਕ ਬਿਮਾਰੀ, ਮਰੀਜ਼ ਦੇ ਨੱਕ 'ਚੋਂ ਖੂਨ ਵਗਣ ਪਿੱਛੋਂ ਹੋ ਜਾਂਦੀ ਹੈ ਮੌਤ (AFP Photo)

  • Share this:
    ਇਨ੍ਹੀਂ ਦਿਨੀਂ ਮੱਧ-ਪੂਰਬੀ ਏਸ਼ੀਆਈ ਦੇਸ਼ ਇਰਾਕ ਵਿੱਚ ਇੱਕ ਨਵੀਂ ਕਿਸਮ ਦੀ ਬਿਮਾਰੀ ਤੇਜ਼ੀ ਨਾਲ ਫੈਲ ਰਹੀ ਹੈ। ਇਸ ਵਿਚ ਮਰੀਜ਼ ਨੂੰ ਤੇਜ਼ ਬੁਖਾਰ ਹੁੰਦਾ ਹੈ ਅਤੇ ਉਸ ਦੇ ਨੱਕ ਵਿਚੋਂ ਖੂਨ ਨਿਕਲਦਾ ਹੈ।

    ਇਸ ਬਿਮਾਰੀ ਤੋਂ ਪੀੜਤ ਮਰੀਜ਼ ਨੱਕ ਵਿੱਚੋਂ ਜ਼ਿਆਦਾ ਖੂਨ ਵਗਣ ਕਾਰਨ ਮਰ ਰਹੇ ਹਨ। ਵਿਸ਼ਵ ਸਿਹਤ ਸੰਗਠਨ ਮੁਤਾਬਕ ਇਰਾਕ ਵਿੱਚ ਇਸ ਬਿਮਾਰੀ ਕਾਰਨ ਹੁਣ ਤੱਕ 19 ਮੌਤਾਂ ਹੋ ਚੁੱਕੀਆਂ ਹਨ।

    ਵਿਸ਼ਵ ਸਿਹਤ ਸੰਗਠਨ ਦੇ ਅਨੁਸਾਰ ਇਹ ਵਾਇਰਸ ਨਾਲ ਫੈਲਣ ਵਾਲੀ ਬਿਮਾਰੀ ਹੈ, ਜਿਸ ਲਈ ਅਜੇ ਤੱਕ ਕੋਈ ਟੀਕਾ ਉਪਲਬਧ ਨਹੀਂ ਹੈ। ਨਿਊਜ਼ ਏਜੰਸੀ ਏਐਫਪੀ ਦੀ ਰਿਪੋਰਟ ਦੇ ਅਨੁਸਾਰ ਇੱਕ ਸਿਹਤ ਕਰਮਚਾਰੀ ਗਾਂ 'ਤੇ ਕੀਟਨਾਸ਼ਕ ਦਾ ਛਿੜਕਾਅ ਕਰਦੇ ਸਮੇਂ ਇਸ ਵਾਇਰਸ ਦੀ ਲਾਗ ਦਾ ਸ਼ਿਕਾਰ ਹੋ ਗਿਆ।

    ਸਿਹਤ ਕਰਮਚਾਰੀ ਇਸ ਬਿਮਾਰੀ ਦੇ ਫੈਲਣ ਤੋਂ ਬਾਅਦ ਪੀਪੀਈ ਕਿੱਟਾਂ ਪਹਿਨ ਕੇ ਇਰਾਕ ਦੇ ਪੇਂਡੂ ਖੇਤਰਾਂ ਵਿੱਚ ਕੰਮ ਕਰ ਰਹੇ ਹਨ। ਇਸ ਬੁਖਾਰ ਨੂੰ rimean-Congo Haemorrhagic Fever (CCHF) ਦਾ ਨਾਮ ਦਿੱਤਾ ਗਿਆ ਹੈ, ਜੋ ਜਾਨਵਰਾਂ ਤੋਂ ਮਨੁੱਖਾਂ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ।

    ਪਸ਼ੂਆਂ ਵਿੱਚ ਇਹ ਬਿਮਾਰੀ ਕੀੜਿਆਂ ਦੇ ਕੱਟਣ ਨਾਲ ਫੈਲ ਰਹੀ ਹੈ
    ਵਿਸ਼ਵ ਸਿਹਤ ਸੰਗਠਨ ਦੇ ਅਨੁਸਾਰ ਇਹ ਬਿਮਾਰੀ ਕੀੜਿਆਂ ਦੇ ਕੱਟਣ ਨਾਲ ਜਾਨਵਰਾਂ ਵਿੱਚ ਫੈਲ ਰਹੀ ਹੈ। ਮਨੁੱਖ ਸੰਕਰਮਿਤ ਜਾਨਵਰਾਂ ਦੇ ਸੰਪਰਕ ਵਿੱਚ ਆ ਕੇ ਇਸ ਛੂਤ ਦੀ ਬਿਮਾਰੀ ਦਾ ਸ਼ਿਕਾਰ ਹੋ ਰਿਹਾ ਹੈ।

    ਇਰਾਕ ਵਿੱਚ ਹੁਣ ਤੱਕ ਮਨੁੱਖਾਂ ਵਿੱਚ ਸੀਸੀਐਚਐਫ ਦੀ ਲਾਗ ਦੇ 111 ਮਾਮਲੇ ਸਾਹਮਣੇ ਆਏ ਹਨ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਸ ਵਾਇਰਸ ਦੀ ਲਾਗ ਤੇਜ਼ੀ ਨਾਲ ਫੈਲ ਸਕਦੀ ਹੈ, ਕਿਉਂਕਿ ਮਰੀਜ਼ ਦੇ ਸਰੀਰ ਦੇ ਅੰਦਰ ਅਤੇ ਬਾਹਰ ਖੂਨ ਵਹਿ ਰਿਹਾ ਹੈ। ਸਭ ਤੋਂ ਗੰਭੀਰ ਨੱਕ ਤੋਂ ਖੂਨ ਵਗਣਾ ਹੈ। CCHF ਦੇ ਪੰਜ ਵਿੱਚੋਂ 2 ਮਾਮਲਿਆਂ ਵਿੱਚ ਨੱਕ ਵਿੱਚੋਂ ਖੂਨ ਵਗਣਾ ਮੌਤ ਦਾ ਕਾਰਨ ਹੈ।

    ਜ਼ਿਆਦਾਤਰ ਮਾਮਲੇ ਦੱਖਣੀ ਇਰਾਕ ਵਿੱਚ ਸਾਹਮਣੇ ਆ ਰਹੇ ਹਨ
    ਧੀ ਕਾਰ ਸੂਬੇ ਦੇ ਇੱਕ ਸਿਹਤ ਅਧਿਕਾਰੀ ਹੈਦਰ ਹੰਤੌਚੇ ਨੇ ਦੱਸਿਆ ਕਿ ਇਸ ਸੀਸੀਐਚਐਫ ਦੇ ਕੇਸਾਂ ਦੀ ਗਿਣਤੀ ਬਹੁਤ ਜਿਆਦਾ ਹੈ। ਇਸ ਛੂਤ ਦੀ ਬਿਮਾਰੀ ਦੇ ਅੱਧੇ ਤੋਂ ਵੱਧ ਮਾਮਲੇ ਦੱਖਣੀ ਇਰਾਕ, ਇੱਕ ਗਰੀਬ ਖੇਤੀਬਾੜੀ ਖੇਤਰ ਵਿੱਚ ਰਿਪੋਰਟ ਕੀਤੇ ਗਏ ਹਨ।

    ਸਿਹਤ ਅਧਿਕਾਰੀ ਅਨੁਸਾਰ ਪਿਛਲੇ ਸਾਲਾਂ ਵਿੱਚ ਇਸ ਬਿਮਾਰੀ ਦੇ ਮਾਮਲੇ ਉਂਗਲਾਂ 'ਤੇ ਗਿਣੇ ਜਾ ਸਕਦੇ ਸਨ ਪਰ ਹੁਣ ਇਹ ਬਿਮਾਰੀ ਬਹੁਤ ਤੇਜ਼ੀ ਨਾਲ ਫੈਲ ਰਹੀ ਹੈ। ਡਾਕਟਰਾਂ ਅਨੁਸਾਰ ਇਹ ਸੰਕਰਮਣ ਧੀ ਕਾਰ ਸੂਬੇ ਵਿੱਚ ਮੱਝ, ਗਾਂ, ਬੱਕਰੀ ਅਤੇ ਭੇਡਾਂ ਵਰਗੇ ਜੰਗਲੀ ਅਤੇ ਘਰੇਲੂ ਜਾਨਵਰਾਂ ਤੋਂ ਫੈਲ ਰਿਹਾ ਹੈ।
    Published by:Gurwinder Singh
    First published: