HOME » NEWS » World

ਫਰਾਂਸੀਸੀ ਹਵਾਈ ਹਮਲੇ ‘ਚ ਅਲ-ਕਾਇਦਾ ਦੇ 50 ਤੋਂ ਵੱਧ ਜੇਹਾਦੀਆਂ ਦੀ ਮੌਤ

News18 Punjabi | News18 Punjab
Updated: November 3, 2020, 1:52 PM IST
share image
ਫਰਾਂਸੀਸੀ ਹਵਾਈ ਹਮਲੇ ‘ਚ ਅਲ-ਕਾਇਦਾ ਦੇ 50 ਤੋਂ ਵੱਧ ਜੇਹਾਦੀਆਂ ਦੀ ਮੌਤ
ਫਰਾਂਸੀਸੀ ਹਵਾਈ ਹਮਲੇ ‘ਚ ਅਲ-ਕਾਇਦਾ ਦੇ 50 ਤੋਂ ਵੱਧ ਜੇਹਾਦੀਆਂ ਦੀ ਮੌਤ (ਸੰਕੇਤਿਕ ਤਸਵੀਰ)

ਫਰਾਂਸੀ ਹਵਾਈ ਹਮਲੇ ਦੌਰਾਨ ਅਲ-ਕਾਇਦਾ ਨਾਲ ਜੁੜੇ 50 ਤੋਂ ਵੱਧ ਜੇਹਾਦੀਆਂ ਨੂੰ ਮਾਰ ਦਿੱਤਾ ਅਤੇ ਭਾਰੀ ਮਾਤਰਾ ਵਿਚ ਹਥਿਆਰ ਅਤੇ ਵਿਸਫੋਟਕ ਬਰਾਮਦ ਕੀਤੇ ਹਨ।

  • Share this:
  • Facebook share img
  • Twitter share img
  • Linkedin share img
ਫਰਾਂਸ ਦੀ ਸਰਕਾਰ ਨੇ ਕਿਹਾ ਕਿ ਸੋਮਵਾਰ ਨੂੰ ਉਨ੍ਹਾਂ ਦੀ ਫੌਜਾਂ ਨੇ ਕੇਂਦਰੀ ਮਾਲੀ ਵਿਚ ਹਵਾਈ ਹਮਲੇ ਦੌਰਾਨ ਅਲ-ਕਾਇਦਾ ਨਾਲ ਜੁੜੇ 50 ਤੋਂ ਵੱਧ ਜੇਹਾਦੀਆਂ ਨੂੰ ਮਾਰ ਦਿੱਤਾ।

ਫਰਾਂਸ ਨੇ ਪਿਛਲੇ ਹਫਤੇ ਇਸ ਖੇਤਰ ਵਿੱਚ ਜਹਾਦੀ ਵਿਰੋਧੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ। ਫਰਾਂਸ ਦੇ ਰੱਖਿਆ ਮੰਤਰੀ ਫਲੋਰੈਂਸ ਪਾਰਲੀ ਨੇ ਕਿਹਾ, "ਮੈਂ ਇਕ ਓਪਰੇਸ਼ਨ ਬਾਰੇ ਦੱਸਣਾ ਚਾਹੁੰਦਾ ਹਾਂ ਜੋ ਕਿ ਬਹੁਤ ਮਹੱਤਵਪੂਰਨ ਹੈ ਅਤੇ ਜਿਸ ਨੂੰ 30 ਅਕਤੂਬਰ ਨੂੰ ਅੰਜਾਮ ਦਿੱਤਾ ਗਿਆ ਸੀ।  ਇਸ ਦੇ ਤਹਿਤ 50 ਤੋਂ ਵੱਧ ਅੱਤਵਾਦੀ ਮਾਰੇ ਗਏ ਹਨ ਅਤੇ ਭਾਰੀ ਮਾਤਰਾ ਵਿਚ ਹਥਿਆਰ ਅਤੇ ਵਿਸਫੋਟਕ ਬਰਾਮਦ ਕੀਤੇ ਗਏ ਹਨ।" ਉਨ੍ਹਾਂ ਦੱਸਿਆ ਕਿ ਤਕਰੀਬਨ 30 ਮੋਟਰਸਾਈਕਲ ਨਸ਼ਟ ਹੋ ਗਏ।

ਫਰਾਂਸ ਦਾ ਇਹ ਅਪ੍ਰੇਸ਼ਨ ਉਸ ਖੇਤਰ ਵਿੱਚ ਹੋਇਆ ਜੋ ਬੁਰਕੀਨਾ ਫਾਸੋ ਅਤੇ ਨਾਈਜਰ ਦੀ ਸਰਹੱਦ ਦੇ ਨੇੜੇ ਹੈ। ਇੱਥੇ ਫੌਜ ਅੱਤਵਾਦੀਆਂ ਵਿਰੁੱਧ ਲੜ ਰਹੀ ਹੈ। ਪਾਰਾਲੀ ਰਾਜਧਾਨੀ ਬਾਮਕੋ ਵਿਚ ਹੈ ਅਤੇ ਉਨ੍ਹਾਂ ਸਰਕਾਰ ਦੇ ਮੰਤਰੀਆਂ ਨਾਲ ਵੀ ਮੁਲਾਕਾਤ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਅਤਿਵਾਦੀਆਂ ਦੇ ਖਿਲਾਫ ਕਾਰਵਾਈ ਉਦੋਂ ਕੀਤੀ ਗਈ ਜਦੋਂ ਡਰੋਨ ਨੇ ਮੋਟਰਸਾਈਕਲਾਂ ਦੇ ਕਾਫਲੇ ਨੂੰ ਵੇਖਿਆ ਅਤੇ ਉਸ ਤੋਂ ਬਾਅਦ ਫੌਜ ਨੇ ਹਵਾਈ ਹਮਲੇ ਕੀਤੇ।
ਫਰਾਂਸ ਦੀ ਸੈਨਾ ਦੇ ਬੁਲਾਰੇ ਕਰਨਲ ਫਰੈਡਰਿਕ ਬਾਰਬਰੀ ਨੇ ਇਕ ਕਾਨਫਰੈਂਸ ਕਾਲ ਵਿਚ ਕਿਹਾ ਕਿ ਚਾਰ ਅੱਤਵਾਦੀ ਫੜੇ ਗਏ ਹਨ। ਇਕ ਆਤਮਘਾਤੀ ਜੈਕਟ ਵੀ ਬਰਾਮਦ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਸੰਗਠਨ ਖੇਤਰ ਵਿੱਚ ਸੈਨਾ ਦੇ ਅੱਡੇ ਤੇ ਹਮਲਾ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਬਾਰਬਰੀ ਨੇ ਇਹ ਵੀ ਕਿਹਾ ਕਿ 3,000 ਫੌਜਾਂ ਨਾਲ ਇੱਕ ਹੋਰ ਮੁਹਿੰਮ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਤਕਰੀਬਨ ਇੱਕ ਮਹੀਨਾ ਪਹਿਲਾਂ ਸ਼ੁਰੂ ਕੀਤੇ ਗਏ ਅਭਿਆਨ ਦੇ ਨਤੀਜੇ ਆਉਣ ਵਾਲੇ ਦਿਨਾਂ ਵਿੱਚ ਐਲਾਨ ਕੀਤੇ ਜਾਣਗੇ।
Published by: Ashish Sharma
First published: November 3, 2020, 1:51 PM IST
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading