ਕੁੱਤੇ ਨੇ ਵਿਖਾਈ ਬਹਾਦਰੀ, ਮਾਲਕ ਲਈ ਸ਼ੇਰ ਨਾਲ ਭਿੜਿਆ, ਜ਼ਖਮੀ ਹੋਣ ਕਾਰਨ 2 ਹਫਤਿਆਂ ਬਾਅਦ ਹੋਈ ਮੌਤ!

ਕੁੱਤਿਆਂ ਨੂੰ ਹਮੇਸ਼ਾ ਸਭ ਤੋਂ ਵਫ਼ਾਦਾਰ ਜਾਨਵਰ ਮੰਨਿਆ ਜਾਂਦਾ ਰਿਹਾ ਹੈ। ਮਨੁੱਖਾਂ ਲਈ ਸਭ ਤੋਂ ਨਜ਼ਦੀਕੀ ਪਸੰਦੀਦਾ ਪਾਲਤੂ ਕੁੱਤੇ ਹਨ। ਪਤਾ ਨਹੀਂ ਕਿੰਨੀ ਵਾਰ ਕੁੱਤਿਆਂ ਨੇ ਆਪਣੀ ਵਫ਼ਾਦਾਰੀ ਦਾ ਸਬੂਤ ਦਿੱਤਾ ਹੈ। ਹਾਲ ਹੀ 'ਚ ਇਕ ਪਾਲਤੂ ਕੁੱਤਾ ਆਪਣੀ ਮਾਲਕਣ ਦੀ ਜਾਨ ਬਚਾਉਣ ਲਈ ਸ਼ੇਰ ਨਾਲ ਭਿੜ ਗਿਆ।  ਪਰ ਅਫਸੋਸ ਸ਼ੇਰ ਨੇ ਉਸ ਨੂੰ ਅਜਿਹੇ ਡੂੰਘੇ ਜ਼ਖਮ ਦਿੱਤੇ ਸਨ, ਜਿਸ ਕਾਰਨ ਕਈ ਦਿਨ ਲੜਨ ਤੋਂ ਬਾਅਦ ਉਸ ਦੀ ਮੌਤ ਹੋ ਗਈ ਸੀ।

ਅਮਰੀਕਾ ਦੇ ਕੈਲੀਫੋਰਨੀਆ 'ਚ ਸ਼ੇਰ ਨਾਲ ਲੜ ਕੇ ਮਾਲਕਣ ਐਰਿਨ ਵਿਲਸਨ ਦੀ ਜਾਨ ਬਚਾਉਣ ਵਾਲੇ ਹੀਰੋ ਕੁੱਤੇ ਦੀ ਮੌਤ ਹੋ ਗਈ। ਸ਼ੇਰ ਨਾਲ ਲੜਾਈ ਦੌਰਾਨ ਕੁੱਤਾ ਈਵਾ ਖੁਦ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਸੀ। ਉਸ ਦਾ ਇਲਾਜ ਚੱਲ ਰਿਹਾ ਸੀ ਪਰ ਉਹ ਠੀਕ ਨਹੀਂ ਹੋ ਸਕਿਆ।

ਕੁੱਤੇ ਨੇ ਮਾਲਕਣ ਦੀ ਜਾਨ ਲਈ ਕੁਰਬਾਨੀ ਦਿੱਤੀ

ਐਰਿਨ ਵਿਲਸਨ ਨੇ ਆਪਣੇ ਕੁੱਤੇ ਦੀ ਵਫ਼ਾਦਾਰੀ ਤੋਂ ਬਾਅਦ ਉਸ ਨੂੰ 'ਹੀਰੋ' ਕਿਹਾ ਸੀ। ਜਦੋਂ ਉਸਦੀ ਮਾਲਕਣ 'ਤੇ ਪਹਾੜੀ ਸ਼ੇਰ ਨੇ ਹਮਲਾ ਕੀਤਾ ਤਾਂ ਉਹ ਸ਼ੇਰ 'ਤੇ ਟੁੱਟ ਪਿਆ। ਉਸ ਨੇ ਔਰਤ ਨੂੰ ਤਾਂ ਬਚਾ ਲਿਆ ਪਰ ਉਹ ਖੁਦ ਇੰਨੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਕਿ ਕਈ ਦਿਨ ਇਲਾਜ ਕਰਵਾਉਣ ਦੇ ਬਾਵਜੂਦ ਡਾਕਟਰ ਉਸ ਦੀ ਜਾਨ ਨਹੀਂ ਬਚਾ ਸਕੇ। ਮਾਲਕਣ ਨੇ ਆਪਣੇ ਹੀਰੋ ਡੌਗੀ ਈਵਾ ਦਾ ਇਲਾਜ ਕਰਨ ਤੋਂ ਕਮੀ ਨਾ ਰਹਿ ਜਾਵੇ, ਇਸ ਲਈ ਉਸ ਨੇ GoFund ਪੇਜ ਰਾਹੀਂ ਚੈਰਿਟੀ ਮੰਗ ਕੀਤੀ ਸੀ।  ਏਰਿਨ ਨੇ ਸੋਸ਼ਲ ਸਾਈਟ ਇੰਸਟਾਗ੍ਰਾਮ ਦੇ ਜ਼ਰੀਏ ਡੌਗੀ ਈਵਾ ਦੀ ਮੌਤ ਦੀ ਜਾਣਕਾਰੀ ਦਿੱਤੀ।