HOME » NEWS » World

ਕਰਤਾਰਪੁਰ ਲਾਂਘੇ ਤੋਂ ਬਾਅਦ ਇਮਰਾਨ ਖਾਨ ਪੇਸ਼ਾਵਰ 'ਚ ਸਥਿਤ ਪ੍ਰਾਚੀਨ ਹਿੰਦੂ ਮੰਦਰ ਨੂੰ ਐਲਾਣਿਆ 'ਕੌਮੀ ਵਿਰਾਸਤ'

News18 Punjab
Updated: January 4, 2019, 1:47 PM IST
share image
ਕਰਤਾਰਪੁਰ ਲਾਂਘੇ ਤੋਂ ਬਾਅਦ ਇਮਰਾਨ ਖਾਨ ਪੇਸ਼ਾਵਰ 'ਚ ਸਥਿਤ ਪ੍ਰਾਚੀਨ ਹਿੰਦੂ ਮੰਦਰ ਨੂੰ ਐਲਾਣਿਆ 'ਕੌਮੀ ਵਿਰਾਸਤ'

  • Share this:
  • Facebook share img
  • Twitter share img
  • Linkedin share img
ਕਰਤਾਰਪੁਰ ਲਾਂਘੇ ਦਾ ਨੀਂਹ ਪੱਥਰ ਰੱਖ ਦੇ ਪਾਕਿਸਤਾਨ ਦੇ ਇਮਰਾਨ ਖਾਨ ਨੇ ਪੰਜਾਬੀਆਂ ਤੇ ਸਮੂਹ ਭਾਰਤਵਾਸੀਆਂ ਦਾ ਦਿਲ ਜਿੱਤ ਲਿਆ ਸੀ ਤੇ ਹੁਣ ਉਹ ਪੱਛਮ-ਉੱਤਰ ਪਾਕਿਸਤਾਨ ਵਿੱਚ ਖੈਬਰ ਪਖਤੂਨਵਾ ਸਰਕਾਰ ਨੇ ਪੇਸ਼ਾਵਰ ਵਿੱਚ ਸਥਿਤ ਪ੍ਰਾਚੀਨ ਹਿੰਦੂ ਧਾਰਮਕ ਸਥਾਨ ‘ਪੰਜ ਤੀਰਥ’ ਨੂੰ ਕੌਮੀ ਵਿਰਾਸਤ ਐਲਾਨ ਦਿੱਤਾ ਹੈ। ਇੱਥੇ ਸਥਿਤ ਪੰਜ ਸਰੋਵਰ ਕਰਕੇ ਇਸ ਦਾ ਨਾਂ ਪੰਜ ਤੀਰਥ ਪਿਆ ਸੀ।



ਇਸ ਦੇ ਇਲਾਵਾ ਇੱਥੇ ਮੰਦਰ ਤੇ ਖਜੂਰ ਦੇ ਰੁੱਖਾਂ ਵਾਲਾ ਬਾਗ ਵੀ ਹੈ। ਹੁਣ ਇਸ ਸਥਾਨ ਦੇ ਪੰਜੇ ਸਰੋਵਰ ਚਾਚਾ ਯੁਨੂਸ ਪਾਰਕ ਤੇ ਖੈਬਰ ਪਖ਼ਤੂਨਵਾ ਚੈਂਬਰ ਆਫ਼ ਕਾਮਰਸ ਐਂਡ ਇੰਡਰਸਟ੍ਰੀ ਦੇ ਦਾਇਰੇ ਵਿੱਚ ਆਉਂਦਾ ਹੈ। ਖੈਬਰ ਪਖਤੂਨਖਵਾ ਪੁਰਾਤੱਤਵ ਅਤੇ ਮਿਊਜ਼ੀਅਮ ਡਾਇਰੈਕਟੋਰੇਟ ਦੁਆਰਾ ਨੋਟੀਫਿਕੇਸ਼ਨ ਜਾਰੀ ਕਰਕੇ ਕੇਪੀ ਐਂਟੀਕੁਇਟੀਜ਼ ਐਕਟ 2016 ਦੇ ਤਹਿਤ ਪੰਜ ਤੀਰਥ ਪਾਰਕ ਨੂੰ ਵਿਰਾਸਤੀ ਸਥਾਨ ਐਲਾਨਿਆ ਗਿਆ ਹੈ। ਸਰਕਾਰ ਨੇ ਇਸ ਇਤਿਹਾਸਕ ਸਥਾਨ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਦੋਸ਼ੀ ਨੂੰ 20 ਲੱਖ ਰੁਪਏ ਦਾ ਜੁਰਮਾਨਾ ਅਤੇ ਪੰਜ ਸਾਲ ਦੀ ਸਜ਼ਾ ਦਾ ਵੀ ਐਲਾਨ ਕੀਤਾ ਹੈ।


ਕਿਹਾ ਜਾਂਦਾ ਹੈ ਕਿ ਇਹ ਸਥਾਨ ਮਹਾਂਭਾਰਤਕਾਲੀਨ ਰਾਜਾ ਪਾਂਡੂ ਨਾਲ ਸਬੰਧਤ ਹੈ। ਉਹ ਇਸ ਖੇਤਰ ਨਾਲ ਸਬੰਧ ਰੱਖਦੇ ਸੀ। ਇਨ੍ਹਾਂ ਸਰੋਵਰਾਂ ਵਿੱਚ ਇਸ਼ਨਾਨ ਲਈ ਹਿੰਦੂ ਕੱਤਕ ਮਹੀਨੇ ਵਿੱਚ ਇੱਥੇ ਆਉਂਦੇ ਹਨ ਤੇ ਖਜੂਰ ਦੇ ਰੁੱਖਾਂ ਹੇਠਾਂ ਦੋ ਦਿਨਾਂ ਤਕ ਪੂਜਾ ਕਰਦੇ ਹਨ। 1747 ਵਿੱਚ ਅਫ਼ਗ਼ਾਨ ਦੂਰਾਨੀ ਰਾਜਵੰਸ਼ ਦੇ ਸ਼ਾਸਨਕਾਲ ਦੌਰਾਨ ਇਹ ਸਥਾਨ ਤਬਾਹ ਹੋ ਗਿਆ ਸੀ। ਹਾਲਾਂਕਿ 1834 ਵਿੱਚ ਸਿੱਖ ਸ਼ਾਸਨ ਦੌਰਾਨ ਸਥਾਨਕ ਹਿੰਦੂਆਂ ਨੇ ਇਸ ਦਾ ਪੁਨਰ ਨਿਰਮਾਣ ਕਰਵਾਇਆ ਤੇ ਦੁਬਾਰਾ ਇੱਥੇ ਪੂਜਾ ਕਰਨੀ ਸ਼ੁਰੂ ਕੀਤੀ।
First published: January 4, 2019
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading