Home /News /international /

Iran Hijab Protest: ਔਰਤ ਨਾਲ ਜੇਲ੍ਹ 'ਚ ਕਈ ਵਾਰ ਹੋਇਆ ਬਲਾਤਕਾਰ, ਰਿਹਾਅ ਹੁੰਦਿਆਂ ਹੀ ਕੀਤੀ ਖੁਦਕੁਸ਼ੀ- ਰਿਪੋਰਟ

Iran Hijab Protest: ਔਰਤ ਨਾਲ ਜੇਲ੍ਹ 'ਚ ਕਈ ਵਾਰ ਹੋਇਆ ਬਲਾਤਕਾਰ, ਰਿਹਾਅ ਹੁੰਦਿਆਂ ਹੀ ਕੀਤੀ ਖੁਦਕੁਸ਼ੀ- ਰਿਪੋਰਟ

Iran Hijab Protest: ਔਰਤ ਨਾਲ ਜੇਲ੍ਹ 'ਚ ਕਈ ਵਾਰ ਹੋਇਆ ਬਲਾਤਕਾਰ, ਰਿਹਾਅ ਹੁੰਦਿਆਂ ਹੀ ਕੀਤੀ ਖੁਦਕੁਸ਼ੀ- ਰਿਪੋਰਟ (ਸੰਕੇਤਿਕ ਤਸਵੀਰ)

Iran Hijab Protest: ਔਰਤ ਨਾਲ ਜੇਲ੍ਹ 'ਚ ਕਈ ਵਾਰ ਹੋਇਆ ਬਲਾਤਕਾਰ, ਰਿਹਾਅ ਹੁੰਦਿਆਂ ਹੀ ਕੀਤੀ ਖੁਦਕੁਸ਼ੀ- ਰਿਪੋਰਟ (ਸੰਕੇਤਿਕ ਤਸਵੀਰ)

Iran Hijab Protest: ਈਰਾਨ ਵਾਇਰ ਮੁਤਾਬਕ ਅਫਸਾਨੇਹ ਦੀ ਮਾਨਸਿਕ ਅਤੇ ਸਰੀਰਕ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਅਤੇ ਉਸ ਤੋਂ ਬਾਅਦ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਪਰ ਉਸ ਦੇ ਜ਼ਖ਼ਮ ਭਰ ਨਹੀਂ ਸਕੇ ਇਸ ਲਈ ਉਸ ਨੇ ਖੁਦਕੁਸ਼ੀ ਕਰ ਲਈ।

  • Share this:

ਤਹਿਰਾਨ: ਈਰਾਨ ਦੀ ਉੱਤਰ-ਪੱਛਮੀ ਉਰਮੀਆ ਜੇਲ੍ਹ ਦੀ ਇੱਕ ਮਹਿਲਾ ਕੈਦੀ ਨੇ ਰਿਹਾਈ ਤੋਂ ਤੁਰੰਤ ਬਾਅਦ ਖੁਦਕੁਸ਼ੀ ਕਰ ਲਈ। ਸੂਤਰਾਂ ਮੁਤਾਬਕ ਉਸ ਦੀ ਪਛਾਣ ਅਫਸਾਨੇਹ ਵਜੋਂ ਹੋਈ ਹੈ, ਜਿਸ ਨੂੰ ਹਾਲ ਹੀ 'ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੌਰਾਨ ਗ੍ਰਿਫਤਾਰ ਕੀਤਾ ਗਿਆ ਸੀ। ਜੇਲ੍ਹ ਵਿਚ ਬੰਦ ਇਹ ਔਰਤ ਚਿਲਾਉਂਦੀ ਰਹਿੰਦੀ ਸੀ। ਉਹ ਕਹਿੰਦੀ ਸੀ, "ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡਜ਼ ਕੋਰ (IRGC) ਖੁਫੀਆ ਏਜੰਸੀ ਦੇ ਏਜੰਟਾਂ ਦੁਆਰਾ ਉਸ ਨਾਲ ਵਾਰ-ਵਾਰ ਬਲਾਤਕਾਰ ਕੀਤਾ ਹੈ।" ਈਰਾਨ ਵਾਇਰ ਮੁਤਾਬਕ ਅਫਸਾਨੇਹ ਦੀ ਮਾਨਸਿਕ ਅਤੇ ਸਰੀਰਕ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਅਤੇ ਉਸ ਤੋਂ ਬਾਅਦ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਪਰ ਉਸ ਦੇ ਜ਼ਖ਼ਮ ਭਰ ਨਹੀਂ ਸਕੇ ਇਸ ਲਈ ਉਸ ਨੇ ਖੁਦਕੁਸ਼ੀ ਕਰ ਲਈ।

ਰਿਪੋਰਟ ਦੇ ਅਨੁਸਾਰ, ਕਾਰਕੁਨ ਫਤਿਮੇਹ ਦਵੰਦ ਨੇ ਉਰਮੀਆ ਜੇਲ੍ਹ ਦੀਆਂ ਮਹਿਲਾ ਕੈਦੀਆਂ ਨਾਲ ਗੱਲ ਕੀਤੀ, ਜੋ ਖੁਦ ਇੱਕ ਵਾਰ ਕੈਦ ਹੋ ਚੁੱਕੀ ਹੈ ਅਤੇ ਉੱਥੇ ਔਰਤਾਂ ਵਿਰੁੱਧ ਹਿੰਸਾ ਦੀ ਗਵਾਹ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਬੁਖਾਨ ਸ਼ਹਿਰ ਦੀ ਰਹਿਣ ਵਾਲੀ ਅਫਸਾਨੇਹ ਦਾ ਜੇਲ ਵਿੱਚ ਜਿਨਸੀ ਸ਼ੋਸ਼ਣ ਕੀਤਾ ਗਿਆ। ਨਜ਼ਰਬੰਦ ਪ੍ਰਦਰਸ਼ਨਕਾਰੀ ਔਰਤਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਜੇਲ੍ਹ ਵਿੱਚ ਹਿੰਸਾ ਅਤੇ ਬਲਾਤਕਾਰ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਸਿਰਫ ਅਫਸਾਨੇਹ ਨਾਲ ਹੀ ਨਹੀਂ ਸੀ, ਆਈਆਰਜੀਸੀ ਖੁਫੀਆ ਬਲਾਂ ਦੁਆਰਾ ਕਈ ਔਰਤਾਂ ਦਾ ਜਿਨਸੀ ਸ਼ੋਸ਼ਣ ਕੀਤਾ ਗਿਆ ਸੀ। ਦਵੰਦ ਨੇ ਕਿਹਾ ਕਿ ਜੇਲ੍ਹ ਵਿੱਚ 17 ਸਾਲ ਤੋਂ ਘੱਟ ਉਮਰ ਦੀਆਂ ਲੜਕੀਆਂ ਕੈਦ ਹਨ। ਉਸ ਨੇ ਘੱਟੋ-ਘੱਟ 8 ਮੁਟਿਆਰਾਂ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਸਾਰਿਆਂ ਨੇ ਦੱਸਿਆ ਕਿ ਜੇਲ੍ਹ ਜਾਣ ਤੋਂ ਪਹਿਲਾਂ ਮੁੱਢਲੀ ਪੁੱਛਗਿੱਛ ਦੌਰਾਨ ਖੁਫ਼ੀਆ ਬਲਾਂ ਵੱਲੋਂ ਉਨ੍ਹਾਂ ਨਾਲ ਬਲਾਤਕਾਰ ਕੀਤਾ ਜਾਂਦਾ ਹੈ।


ਦੱਸ ਦੇਈਏ ਕਿ ਈਰਾਨ ਵਿੱਚ ਹਿਜਾਬ ਦੇ ਵਿਰੋਧ ਨੂੰ 2 ਮਹੀਨੇ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਅੰਦੋਲਨ ਉਦੋਂ ਸ਼ੁਰੂ ਹੋਇਆ ਜਦੋਂ 22 ਸਾਲਾ ਮਹਿਸਾ ਅਮੀਨੀ ਨੂੰ ਡਰੈਸ ਕੋਡ ਦੀ ਉਲੰਘਣਾ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਉਸਦੀ ਮੌਤ ਹੋ ਗਈ ਸੀ। ਇਸ ਕਾਰਵਾਈ ਦੇ ਖਿਲਾਫ ਪੂਰੇ ਈਰਾਨ 'ਚ ਵੱਡੇ ਪੱਧਰ 'ਤੇ ਵਿਰੋਧ ਪ੍ਰਦਰਸ਼ਨ ਹੋਏ ਅਤੇ ਔਰਤਾਂ ਨੇ ਆਪਣੇ ਹਿਜਾਬਾਂ ਨੂੰ ਸਾੜਨਾ ਸ਼ੁਰੂ ਕਰ ਦਿੱਤਾ। ਸੜਕਾਂ 'ਤੇ ਔਰਤਾਂ ਆਪਣੇ ਵਾਲ ਕੱਟ ਰਹੀਆਂ ਹਨ ਅਤੇ ਹਿਜਾਬ ਦਾ ਵਿਰੋਧ ਕਰ ਰਹੀਆਂ ਹਨ, ਜਿਸ ਦਾ ਪੂਰੀ ਦੁਨੀਆ ਵਿਚ ਸਮਰਥਨ ਕੀਤਾ ਗਿਆ ਸੀ। ਕਈ ਰਿਪੋਰਟਾਂ ਦੇ ਅਨੁਸਾਰ, ਸੁਰੱਖਿਆ ਬਲਾਂ ਨੇ ਵਿਰੋਧ ਅੰਦੋਲਨ ਵਿੱਚ ਬੇਰਹਿਮੀ ਨਾਲ ਕਾਰਵਾਈ ਕੀਤੀ ਹੈ। ਘੱਟੋ-ਘੱਟ 18,000 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚ ਕਈ ਪ੍ਰਦਰਸ਼ਨਕਾਰੀ ਔਰਤਾਂ ਵੀ ਸ਼ਾਮਲ ਹਨ। ਈਰਾਨਵਾਇਰ ਮੁਤਾਬਕ 577 ਔਰਤਾਂ ਹਨ, ਜਿਨ੍ਹਾਂ 'ਚੋਂ ਕੁਝ ਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ ਹੈ।

Published by:Ashish Sharma
First published:

Tags: Hijab, Iran, Prisoner, Suicide