ਆਇਰਲੈਂਡ ਦੀ ਸਿਹਤ ਸੇਵਾ ਹੋਈ ਠੱਪ, ਵਾਇਰਸ ਨੇ ਆਈਟੀ ਸਿਸਟਮ ‘ਤੇ ਕੀਤਾ ਵੱਡਾ ਹਮਲਾ

ਆਇਰਲੈਂਡ ਦੀ ਸਿਹਤ ਦੇਖਭਾਲ ਸੇਵਾ ਉੱਤੇ “ਮਹੱਤਵਪੂਰਨ ਰੈਨਸਮਵੇਅਰ ਹਮਲੇ” ਕਾਰਨ ਆਪਣੇ ਕੰਪਿਊਟਰ ਪ੍ਰਣਾਲੀਆਂ ਨੂੰ ਬੰਦ ਕਰਨ ਲਈ ਮਜਬੂਰ ਕੀਤਾ ਗਿਆ ਹੈ। ਹੈਲਥ ਸਰਵਿਸ ਐਗਜ਼ੀਕਿਊਟਿਵ (HSE) ਨੇ ਅੱਜ ਸਵੇਰੇ (14 ਮਈ) ਨੂੰ ਟਵਿੱਟਰ 'ਤੇ ਪੁਸ਼ਟੀ ਕੀਤੀ ਕਿ ਇਸ ਨੇ ਚਲ ਰਹੀ ਸਥਿਤੀ ਦੇ ਕਾਰਨ ਸਾਵਧਾਨੀ ਵਜੋਂ ਆਈਟੀ ਸਿਸਟਮ ਨੂੰ ਬੰਦ ਕਰ ਦਿੱਤਾ ਹੈ।

ਆਇਰਲੈਂਡ ਦੀ ਸਿਹਤ ਸੇਵਾ ਨੇ ਕਿਹਾ, “ਐਚਐਸਈ ਆਈਟੀ ਪ੍ਰਣਾਲੀਆਂ ਉੱਤੇ ਰਿਨਸਮਵੇਅਰ ਦਾ ਇੱਕ ਮਹੱਤਵਪੂਰਨ ਹਮਲਾ ਹੈ। ਟਵੀਟ ਵਿੱਚ ਕਿਹਾ ਗਿਆ ਹੈ, “ਅਸੀਂ ਆਪਣੇ ਸਾਰੇ ਆਈ.ਟੀ. ਪ੍ਰਣਾਲੀਆਂ ਨੂੰ ਇਸ ਹਮਲੇ ਤੋਂ ਬਚਾਉਣ ਲਈ ਅਤੇ ਆਪਣੇ ਖੁਦ ਦੇ ਸੁਰੱਖਿਆ ਭਾਈਵਾਲਾਂ ਨਾਲ ਸਥਿਤੀ ਦਾ ਪੂਰਾ ਮੁਲਾਂਕਣ ਕਰਨ ਦੀ ਆਗਿਆ ਲਈ ਸਾਵਧਾਨੀ ਵਰਤ ਲਈ ਹੈ।”

There is a significant ransomware attack on the HSE IT systems. We have taken the precaution of shutting down all our our IT systems in order to protect them from this attack and to allow us fully assess the situation with our own security partners.

— HSE Ireland (@HSELive) May 14, 2021

ਸਿਹਤ ਸੇਵਾ ਨੇ ਕਿਹਾ ਕਿ ਸਾਈਬਰ ਹਮਲੇ ਬਾਰੇ ਵਧੇਰੇ ਜਾਣਕਾਰੀ ਪ੍ਰਕਾਸ਼ਤ ਕੀਤੀ ਜਾਏਗੀ “ਜਿਵੇਂ ਹੀ ਇਹ ਉਪਲਬਧ ਹੁੰਦੀ ਹੈ” ਅਤੇ ਲੋਕਾਂ ਨੂੰ ਭਰੋਸਾ ਦਿਵਾਇਆ ਕਿ ਟੀਕਾਕਰਨ ਯੋਜਨਾ ਅਨੁਸਾਰ ਜਾਰੀ ਰਹੇਗਾ। ਟੀਕਾਕਰਨ ਰਜਿਸਟ੍ਰੇਸ਼ਨ ਸੇਵਾਵਾਂ ਵੀ ਵਿਘਨ ਦੇ ਬਾਵਜੂਦ ਜਾਰੀ ਰਹਿਣਗੀਆਂ।

ਜ਼ਿਕਰਯੋਗ ਹੈ ਕਿ ਆਇਰਿਸ਼ ਸਿਹਤ ਸੇਵਾ ਦੀ ਘਟਨਾ ਹਾਲ ਹੀ ਵਿੱਚ ਹੋਏ ਰਿਨਸਮਵੇਅਰ ਦੇ ਵੱਡੇ ਹਮਲਿਆਂ ਦੀ ਤਾਜ਼ਾ ਮਾਮਲਾ ਹੈ। ਇਸ ਤੋਂ ਪਹਿਲਾਂ ਸੰਯੁਕਤ ਰਾਜ ਵਿੱਚ ਰਿਨਸਮਵੇਅਰ ਹਮਲੇ ਨੇ ਇਸ ਹਫਤੇ ਦੇ ਸ਼ੁਰੂ ਵਿੱਚ ਇੱਕ ਵੱਡੀ ਫਿਊਲ ਪਾਈਪਲਾਈਨ ਨੂੰ ਬੰਦ ਕਰ ਦਿੱਤਾ ਸੀ। ਜਿਸ ਨੇ ਅਧਿਕਾਰੀਆਂ ਨੇ ਸਖਤ ਕਾਰਵਾਈ ਕਰਨ ਲਈ ਮਜਬੂਰ ਕੀਤਾ। ਕੋਲੋਨੀਅਲ ਪਾਈਪਲਾਈਨ 'ਤੇ ਹੋਏ ਹਮਲੇ ਦੇ ਮੱਦੇਨਜ਼ਰ ਤੇਲ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਆਈ, ਜੋ ਦੇਸ਼ ਦੇ ਸਭ ਤੋਂ ਵੱਡੇ ਫਿਊਲ ਪਾਈਪ ਲਾਈਨਾਂ ਦਾ ਸੰਚਾਲਕ ਹੈ।

ਹਮਲੇ ਤੋਂ ਬਾਅਦ ਕੋਲੋਨੀਅਲ ਪਾਈਪਲਾਈਨ ਨੇ ਆਪਣੇ ਕੰਮ ਨੂੰ ਫਿਰ ਤੋਂ ਸ਼ੁਰੂ ਕਰ ਦਿੱਤਾ ਹੈ. ਹਾਲਾਂਕਿ, ਇਹ ਘਟਨਾ ਅਮਰੀਕਾ ਵਿੱਚ ਬੁਨਿਆਦੀ ਢਾਂਛੇ ਦੇ ਲਚਕੀਲੇਪਣ ਉੱਤੇ ਗੰਭੀਰ ਚਿੰਤਾਵਾਂ ਖੜੀ ਕਰਦੀ ਹੈ।