ਬਾਇਡਨ ਨੇ ਅਸ਼ਰਫ ਗਨੀ ‘ਤੇ ਭੰਨਿਆ ਠੀਕਰਾ, ਕਿਹਾ- ਮੁਸ਼ਕਲ ਹਾਲਤਾਂ ‘ਚ ਅਫਗਾਨਿਸਤਾਨ ਛੱਡ ਭੱਜੇ

Joe Biden Address to Nation on Afghanistan: ਰਾਸ਼ਟਰਪਤੀ ਜੋਅ ਬਾਇਡਨ (Joe Biden) ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਅਫਗਾਨਿਸਤਾਨ (Afghanistan) ਵਿੱਚ ਅਮਰੀਕਾ ਦਾ ਉਦੇਸ਼ ਕਦੇ ਵੀ ਰਾਸ਼ਟਰ ਨਿਰਮਾਣ ਨਹੀਂ ਸੀ। ਉਹ ਅਲਕਾਇਦਾ ਨੂੰ ਖ਼ਤਮ ਕਰਨ ਗਿਆ ਸੀ। ਮੈਨੂੰ ਪਤਾ ਹੈ ਕਿ ਇਸ ਫੈਸਲੇ ਲਈ ਮੇਰੀ ਆਲੋਚਨਾ ਕੀਤੀ ਜਾਵੇਗੀ ਪਰ ਮੈਂ ਕਿਸੇ ਵੀ ਆਲੋਚਨਾ ਨੂੰ ਸਿਰ ਮੱਥੇ ਲੈਂਦਾ ਹਾਂ।

ਮੈਨੂੰ ਅਫਗਾਨਿਸਤਾਨ ‘ਚ ਜੰਗ ਖ਼ਤਮ ਕਰਨ ਦੇ ਆਪਣੇ ਫੈਸਲੇ ਦਾ ਪਛਤਾਵਾ ਨਹੀਂ: ਜੋਅ ਬਾਇਡਨ

ਮੈਨੂੰ ਅਫਗਾਨਿਸਤਾਨ ‘ਚ ਜੰਗ ਖ਼ਤਮ ਕਰਨ ਦੇ ਆਪਣੇ ਫੈਸਲੇ ਦਾ ਪਛਤਾਵਾ ਨਹੀਂ: ਜੋਅ ਬਾਇਡਨ

  • Share this:
    ਵਾਸ਼ਿੰਗਟਨ :  ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡਨ ਨੇ ਸੋਮਵਾਰ ਦੇਰ ਰਾਤ ਅਫਗਾਨਿਸਤਾਨ 'ਤੇ ਤਾਲਿਬਾਨ ਦੇ ਕਬਜ਼ੇ ਅਤੇ ਅਮਰੀਕੀ ਫੌਜਾਂ ਦੀ ਵਾਪਸੀ ਦੇ ਮੁੱਦੇ' ਤੇ ਦੇਸ਼ ਨੂੰ ਸੰਬੋਧਨ ਕੀਤਾ। ਅਫਗਾਨ ਲੀਡਰਸ਼ਿਪ 'ਤੇ ਵਰ੍ਹਦਿਆਂ ਬਾਇਡਨ ਨੇ ਕਿਹਾ ਕਿ ਅਫਗਾਨ ਨੇਤਾ ਆਪਣੇ ਲੋਕਾਂ ਦੀ ਬਿਹਤਰੀ ਲਈ ਇਕੱਠੇ ਹੋਣ ਵਿੱਚ ਅਸਫਲ ਰਹੇ ਹਨ। ਉਹ ਆਪਣੇ ਭਵਿੱਖ ਲਈ ਖੜ੍ਹੇ ਨਹੀਂ ਹੋ ਸਕੇ, ਜਦੋਂ ਕਿ ਇਸਦੀ ਸਭ ਤੋਂ ਵੱਧ ਜ਼ਰੂਰਤ ਸੀ। ਬਾਇਡਨ ਨੇ ਕਿਹਾ ਕਿ ਮੈਨੂੰ ਆਪਣੇ ਇਸ ਫੈਸਲੇ ਬਾਰੇ ਕੋਈ ਪਛਤਾਵਾ ਨਹੀਂ ਹੈ ਕਿ ਮੈਂ ਅਫਗਾਨਿਸਤਾਨ ਵਿੱਚ ਅਮਰੀਕਾ ਦੀ ਜੰਗ ਖ਼ਤਮ ਕਰ ਦਿੱਤੀ ਹੈ।

    ਬਾਈਡਨ ਨੇ ਕਿਹਾ ਕਿ ਕਿਹੜੇ ਹਾਲਾਤਾਂ ਵਿੱਚ ਅਸੀਂ ਅਫਗਾਨਿਸਤਾਨ ਤੋਂ ਫੌਜ ਵਾਪਸ ਬੁਲਾਈ, ਇਹ ਤੁਸੀਂ ਸਾਰੇ ਜਾਣਦੇ ਹੋ। ਸਾਡੀ ਫ਼ੌਜ ਲਗਾਤਾਰ ਲੜਾਈ ਬਰਦਾਸ਼ਤ ਨਹੀਂ ਕਰ ਸਕਦੀ। ਬਾਇਡਨ ਨੇ ਕਿਹਾ ਕਿ 20 ਸਾਲਾਂ ਬਾਅਦ ਮੈਂ ਸਖਤ ਤਰੀਕੇ ਨਾਲ ਸਿੱਖਿਆ ਹੈ ਕਿ ਅਮਰੀਕੀ ਫੌਜਾਂ (ਅਫਗਾਨਿਸਤਾਨ) ਨੂੰ ਵਾਪਸ ਲੈਣ ਦਾ ਕਦੇ ਵੀ ਚੰਗਾ ਸਮਾਂ ਨਹੀਂ ਸੀ। ਅਸੀਂ ਜੋਖਮ ਬਾਰੇ ਸਪਸ਼ਟ ਹਾਂ, ਇਹ ਸਾਡੀ ਉਮੀਦ ਨਾਲੋਂ ਤੇਜ਼ੀ ਨਾਲ ਪ੍ਰਗਟ ਹੁੰਦਾ ਹੈ।

    ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ, 'ਮੈਨੂੰ ਪਤਾ ਹੈ ਕਿ ਇਸ ਫੈਸਲੇ ਲਈ ਮੇਰੀ ਆਲੋਚਨਾ ਕੀਤੀ ਜਾਵੇਗੀ, ਪਰ ਮੈਂ ਹਰ ਆਲੋਚਨਾ ਨੂੰ ਸਵੀਕਾਰ ਕਰਦਾ ਹਾਂ। ਮੈਂ ਇਸਨੂੰ ਅਗਲੇ ਰਾਸ਼ਟਰਪਤੀ 'ਤੇ ਨਹੀਂ ਛੱਡ ਸਕਦਾ। ਅਫਗਾਨਿਸਤਾਨ ਤੋਂ ਬਾਹਰ ਨਿਕਲਣ ਦਾ ਸਹੀ ਸਮਾਂ ਕਦੇ ਨਹੀਂ ਆਉਂਦਾ। ਇਹ ਚਾਰ ਰਾਸ਼ਟਰਪਤੀਆਂ ਲਈ ਚੱਲਿਆ ਅਤੇ ਮੈਂ ਇਸਨੂੰ ਪੰਜਵੇਂ ਲਈ ਨਹੀਂ ਛੱਡ ਸਕਿਆ।  ਅਸੀਂ ਆਪਣੇ ਸੈਨਿਕਾਂ ਨੂੰ ਸਦਾ ਲਈ ਕਿਸੇ ਹੋਰ ਦੇਸ਼ ਦੇ ਘਰੇਲੂ ਸੰਘਰਸ਼ ਵਿੱਚ ਨਹੀਂ ਸੁੱਟ ਸਕਦੇ, ਸਾਨੂੰ ਇਹ ਫੈਸਲਾ ਲੈਣਾ ਪਿਆ।

    ਰਾਸ਼ਟਰ ਨੂੰ ਆਪਣੇ ਸੰਬੋਧਨ ਵਿੱਚ, ਜੋਅ ਬਾਇਡਨ ਨੇ ਪੁਲ ਆਊਟ ਡੀਲ ਦਾ ਠੀਕਰਾ ਸਾਬਕਾ ਰਾਸ਼ਟਰਪਤੀ ਟਰੰਪ ਸਿਰ ਭੰਨਿਆ। ਉਨ੍ਹਾਂ ਨੇ ਅੱਗੇ ਕਿਹਾ, 'ਜੇ ਅਗਫਾਨ ਫੌਜ ਲੜਨ ਲਈ ਤਿਆਰ ਨਹੀਂ ਹੈ, ਤਾਂ ਅਮਰੀਕੀਆਂ ਨੂੰ ਉਥੇ ਆਪਣੀ ਜਾਨ ਗੁਆਉਣ ਦੀ ਜ਼ਰੂਰਤ ਨਹੀਂ ਹੈ। ਜੇ ਜਰੂਰੀ ਹੋਇਆ, ਅਸੀਂ ਅਫਗਾਨਿਸਤਾਨ ਵਿੱਚ ਅੱਤਵਾਦ ਦੇ ਵਿਰੁੱਧ ਸਖਤ ਕਾਰਵਾਈ ਕਰਾਂਗੇ।



    ਬਾਇਡਨ ਨੇ ਕਿਹਾ ਕਿ 20 ਸਾਲ ਪਹਿਲਾਂ ਅਸੀਂ 11 ਸਤੰਬਰ 2001 ਦੇ ਹਮਲਾਵਰਾਂ ਨੂੰ ਫੜਨ ਦੇ ਟੀਚੇ ਨਾਲ ਅਫਗਾਨਿਸਤਾਨ ਆਏ ਸੀ। ਸਾਨੂੰ ਇਹ ਵੀ ਸੁਨਿਸ਼ਚਿਤ ਕਰਨਾ ਪਿਆ ਕਿ ਅਫਗਾਨਿਸਤਾਨ ਨੂੰ ਅਧਾਰ ਬਣਾ ਕੇ ਅਲ ਕਾਇਦਾ ਸਾਡੇ ਉੱਤੇ ਦੁਬਾਰਾ ਹਮਲਾ ਨਾ ਕਰ ਸਕੇ। ਅਸੀਂ ਆਪਣੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿੱਚ ਪੂਰੀ ਤਰ੍ਹਾਂ ਸਫਲ ਹੋਏ ਹਾਂ। ਅਸੀਂ ਅਫਗਾਨਿਸਤਾਨ ਵਿੱਚ ਅਲ ਕਾਇਦਾ ਨੂੰ ਤਬਾਹ ਕਰ ਦਿੱਤਾ ਹੈ। ਅਸੀਂ ਓਸਾਮਾ ਬਿਨ ਲਾਦੇਨ ਨੂੰ ਲੱਭਿਆ ਅਤੇ ਮਾਰ ਦਿੱਤਾ।
    Published by:Sukhwinder Singh
    First published: