Ukraine War Video: ਰੂਸੀ ਟੈਂਕ ਨੂੰ ਟਰੈਕਟਰ ਪਿੱਛੇ ਪਾ ਕੇ ਲੈ ਗਿਆ ਯੂਕਰੇਨ ਦਾ ਕਿਸਾਨ, ਵੇਖਦੇ ਹੀ ਰਹੇ ਗਏ ਫੌਜੀ

ਰੂਸੀ ਫੌਜੀ ਯੂਕਰੇਨ ਦੇ ਕਈ ਸ਼ਹਿਰਾਂ (Russia-Ukraine War) 'ਤੇ ਲਗਾਤਾਰ ਹਮਲੇ ਕਰ ਰਹੇ ਹਨ। ਲਗਭਗ 1 ਲੱਖ ਰੂਸੀ ਫੌਜੀ ਹਥਿਆਰਾਂ ਨਾਲ ਯੂਕਰੇਨ ਦੀ ਸਰਹੱਦ 'ਚ ਦਾਖਲ ਹੋ ਗਏ ਹਨ।

ਇਸ ਦੌਰਾਨ ਕਈ ਅਜਿਹੀਆਂ ਵੀਡੀਓਜ਼ (Ukraine War Video) ਸਾਹਮਣੇ ਆਈਆਂ ਹਨ, ਕਿਤੇ ਕਾਰ ਦਾ ਤੇਲ ਖਤਮ ਹੋਣ ਤੋਂ ਬਾਅਦ ਰੂਸੀ ਫੌਜੀ ਰਸਤੇ 'ਚ ਖੜ੍ਹੇ ਹਨ। ਇੱਕ ਹੋਰ ਵੀਡੀਓ ਸਾਹਮਣੇ ਆਇਆ ਹੈ ਜਦੋਂ ਯੂਕਰੇਨ ਦੇ ਇੱਕ ਕਿਸਾਨ ਨੇ ਆਪਣੇ ਟਰੈਕਟਰ ਰਾਹੀਂ ਇੱਕ ਰੂਸੀ ਟੈਂਕ ਚੋਰੀ ਕਰ ਲਿਆ।

If true, it’s probably the first tank ever stolen by a farmer… ))
Ukrainians are tough cookies indeed. #StandWithUkraine #russiagohome pic.twitter.com/TY0sigffaM

— olexander scherba🇺🇦 (@olex_scherba) February 27, 2022

ਆਸਟਰੀਆ ਵਿੱਚ ਯੂਕਰੇਨ ਦੇ ਰਾਜਦੂਤ ਓਲੇਜੇਂਡਰ ਸਚੇਬਰਾ (olesandr scherba) ਨੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਯੂਕਰੇਨ ਦਾ ਇੱਕ ਕਿਸਾਨ ਗੋਲੀਬਾਰੀ ਦੌਰਾਨ ਇੱਕ ਰੂਸੀ ਟੈਂਕ ਨੂੰ ਆਪਣੇ ਟਰੈਕਟਰ ਪਿੱਛੇ ਪਾ ਕੇ ਲਿਆ ਰਿਹਾ ਹੈ ਤੇ ਉਸ ਦੇ ਪਿੱਛੇ ਫੌਜੀ ਭੱਜ ਰਹੇ ਹਨ।

ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਯੂਕਰੇਨ ਦਾ ਕਿਸਾਨ ਟੈਂਕ ਨੂੰ ਟਰੈਕਟਰ ਪਿੱਛੇ ਪਾ ਕੇ ਭਜਾ ਰਿਹਾ ਹੈ। ਇਕ ਵਿਅਕਤੀ ਟਰੈਕਟਰ ਦੇ ਪਿੱਛੇ ਦੌੜ ਰਿਹਾ ਹੈ ਅਤੇ ਉਸ 'ਤੇ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਵੀਡੀਓ ਦੇ ਕੈਪਸ਼ਨ 'ਚ ਲਿਖਿਆ ਹੈ, 'ਜੇਕਰ ਇਹ ਸੱਚ ਹੈ ਤਾਂ ਇਹ ਪਹਿਲਾ ਟੈਂਕ ਹੋਵੇਗਾ ਜੋ ਕਿਸੇ ਕਿਸਾਨ ਨੇ ਚੋਰੀ ਕੀਤਾ ਹੈ।'