HOME » NEWS » World

14 ਸਾਲਾ ਕੁੜੀ ਨਾਲ ਗੈਂਗਰੇਪ, ਅਦਾਲਤ ਨੇ ਕਿਹਾ- ਕੁੜੀ ਬੇਹੋਸ਼ ਸੀ, ਇਸ ਲਈ ਇਹ ਬਲਾਤਕਾਰ ਨਹੀਂ

News18 Punjab
Updated: November 2, 2019, 5:19 PM IST
share image
14 ਸਾਲਾ ਕੁੜੀ ਨਾਲ ਗੈਂਗਰੇਪ, ਅਦਾਲਤ ਨੇ ਕਿਹਾ- ਕੁੜੀ ਬੇਹੋਸ਼ ਸੀ, ਇਸ ਲਈ ਇਹ ਬਲਾਤਕਾਰ ਨਹੀਂ
14 ਸਾਲਾ ਕੁੜੀ ਨਾਲ ਗੈਂਗਰੇਪ, ਅਦਾਲਤ ਨੇ ਕਿਹਾ- ਕੁੜੀ ਬੇਹੋਸ਼ ਸੀ, ਇਸ ਲਈ ਇਹ ਬਲਾਤਕਾਰ ਨਹੀਂ

ਕੇਸ ਵਿੱਚ ਫੈਸਲਾ ਦਿੰਦਿਆਂ ਬਾਰਸੀਲੋਨਾ ਦੀ ਇੱਕ ਅਦਾਲਤ ਨੇ ਇਨ੍ਹਾਂ ਚਾਰ ਮੁਲਜ਼ਮਾਂ ਨੂੰ ਜਿਨਸੀ ਸ਼ੋਸ਼ਣ ਦੇ ਮਾਮੂਲੀ ਦੋਸ਼ ਵਿੱਚ ਦੋਸ਼ੀ ਮੰਨਿਆ

  • Share this:
  • Facebook share img
  • Twitter share img
  • Linkedin share img
ਬਾਰਸੀਲੋਨਾ (ਸਪੇਨ) ਵਿਚ ਗੈਂਗਰੇਪ ਦੇ ਇੱਕ ਕੇਸ ਦੇ ਫੈਸਲੇ ਤੋਂ ਬਾਅਦ ਸਪੇਨ ਦੇ ਲੋਕਾਂ ਵਿੱਚ ਬਹੁਤ ਗੁੱਸਾ ਹੈ। ਲੋਕ ਵਿਰੋਧ ਪ੍ਰਦਰਸ਼ਨਾਂ ਰਾਹੀਂ ਇਸ ਫੈਸਲੇ ਖਿਲਾਫ ਆਪਣਾ ਗੁੱਸਾ ਜ਼ਾਹਰ ਕਰ ਰਹੇ ਹਨ। ਇਸ ਕੇਸ ਦੇ ਮੁਲਜ਼ਮ ਬਲਾਤਕਾਰ ਦੇ ਦੋਸ਼ਾਂ ਤੋਂ ਇਸ ਆਧਾਰ ਉਤੇ ਬਰੀ ਹੋ ਗਏ ਹਨ ਕਿ ਜਿਸ 14 ਸਾਲਾ ਨਾਬਾਲਗ ਲੜਕੀ ਨੇ ਬਲਾਤਕਾਰ ਦਾ ਦੋਸ਼ ਲਾਇਆ ਹੈ, ਉਹ ਬਲਾਤਕਾਰ ਦੇ ਸਮੇਂ ਬੇਹੋਸ਼ ਸੀ।

ਇਸ ਕੇਸ ਵਿੱਚ ਫੈਸਲਾ ਦਿੰਦਿਆਂ ਬਾਰਸੀਲੋਨਾ ਦੀ ਇੱਕ ਅਦਾਲਤ ਨੇ ਇਨ੍ਹਾਂ ਚਾਰ ਮੁਲਜ਼ਮਾਂ ਨੂੰ ਜਿਨਸੀ ਸ਼ੋਸ਼ਣ ਦੇ ਮਾਮੂਲੀ ਦੋਸ਼ ਵਿੱਚ ਦੋਸ਼ੀ ਮੰਨਿਆ ਅਤੇ ਉਨ੍ਹਾਂ ਨੂੰ ਸਿਰਫ 10 ਤੋਂ 12 ਸਾਲ ਦੀ ਸਜਾ ਸੁਣਾਈ। ਇਸ ਤੋਂ ਇਲਾਵਾ ਉਸ 'ਤੇ 12,000 ਯੂਰੋ ਯਾਨੀ ਤਕਰੀਬਨ 9 ਲੱਖ 50 ਹਜ਼ਾਰ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਇਸ ਫ਼ੈਸਲੇ ਵਿੱਚ ਕਿਹਾ ਗਿਆ ਹੈ ਕਿ ਮੁਲਜ਼ਮ ਦੇ ਜੁਰਮ ਨੂੰ ਬਲਾਤਕਾਰ ਨਹੀਂ ਕਿਹਾ ਜਾ ਸਕਦਾ ਕਿਉਂਕਿ ਲੜਕੀ ਇਸ ਦੌਰਾਨ ਸ਼ਰਾਬ ਅਤੇ ਨਸ਼ਿਆਂ ਕਾਰਨ ਬੇਹੋਸ਼ ਸੀ। ਇਸ ਕਰਕੇ ਮੁਲਜ਼ਮ ਨੇ ਉਸ ਨਾਲ ਹਿੰਸਾ ਜਾਂ ਜ਼ਬਰਦਸਤੀ ਨਹੀਂ ਕੀਤੀ। ਸਪੇਨ ਦੇ ਕਾਨੂੰਨ ਅਨੁਸਾਰ ਬਲਾਤਕਾਰ ਦੇ ਜੁਰਮ ਨੂੰ ਸਾਬਤ ਕਰਨ ਲਈ ਅਜਿਹੇ ਹਾਲਾਤ ਜ਼ਰੂਰੀ ਹਨ।

ਸਪੇਨ ਦੇ ਉਪ ਪ੍ਰਧਾਨ ਮੰਤਰੀ, ਕਾਰਮੇਨ ਕੈਲਵੋ ਨੇ ਇਸ ਮਾਮਲੇ ਵਿਚ ਕਿਹਾ ਹੈ ਕਿ ਭਾਵੇਂ ਸਰਕਾਰ ਅਦਾਲਤ ਦੇ ਫੈਸਲੇ 'ਤੇ ਕੁਝ ਨਹੀਂ ਕਹਿੰਦੀ, ਪਰ ਅਜਿਹੇ ਕਾਨੂੰਨ ਵਿਚ ਤਬਦੀਲੀਆਂ ਨੂੰ ਪਹਿਲ ਦੇਵੇਗੀ ਤਾਂ ਜੋ ਕਾਨੂੰਨੀ ਤੌਰ 'ਤੇ ਇਹ ਸਪੱਸ਼ਟ ਕੀਤਾ ਜਾ ਸਕੇ ਕਿ ਸਰੀਰਕ ਸਬੰਧ ਬਣਾਉਣ ਲਈ ਸਹਿਮਤੀ ਜ਼ਰੂਰੀ ਹੈ। ਬਲਾਤਕਾਰ ਦੀ ਇਹ ਘਟਨਾ ਸਾਲ 2016 ਦੀ ਹੈ। ਬਾਰਸੀਲੋਨਾ ਦੇ ਨੇੜੇ ਮਾਨਰੇਸਾ ਕਸਬੇ ਵਿੱਚ ਇੱਕ ਖਾਲੀ ਫੈਕਟਰੀ ਵਿੱਚ ਲੜਕੇ ਇਸ ਲੜਕੀ ਨਾਲ ਸ਼ਰਾਬ ਪੀਣ ਗਏ।
ਅਦਾਲਤ ਨੇ ਕਿਹਾ ਹੈ ਕਿ ਕਿਉਂਕਿ ਬਲਾਤਕਾਰ ਦਾ ਸ਼ਿਕਾਰ ਹੋਈ ਲੜਕੀ ਬਲਾਤਕਾਰ ਦੌਰਾਨ ਬੇਹੋਸ਼ ਸੀ, ਇਸ ਲਈ ਉਹ ਜਿਨਸੀ ਸੰਬੰਧਾਂ ਨੂੰ ਸਵੀਕਾਰ ਜਾਂ ਅਸਵੀਕਾਰ ਨਹੀਂ ਕਰ ਸਕੀ। ਨਾਲ ਹੀ, ਲੜਕੀ ਨਾਲ ਬਲਾਤਕਾਰ ਕਰਨ ਵਾਲੇ ਮੁੰਡਿਆਂ ਨੇ ਵੀ ਉਸ ਨਾਲ ਕੋਈ ਜ਼ਬਰਦਸਤੀ ਜਾਂ ਹਿੰਸਾ ਨਹੀਂ ਵਰਤੀ।
First published: November 2, 2019
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading